W/D:
Amiin Yuusuf Khasaaro
E-Mail
amiinkhasaaro@hotmail.com
Muqdisho, Soomaaliya
Soomaaliya iyo
Ethopia waa laba dal oo uu ka dhaxeeyo cadowtooyo aad u weyn, waxayna
soo jirtey muddo qarniyaal ah, cid kastana kama daahsoona , taasna
waxaad ku garan kartaa Caruurta Soomaaliyeed ayaa waxaa la oran jirey
Hayeey Amxaaro iyadoo taas ay jirto ayaad waxaad moodaa in dad fara
badan ay iska indha tirayaan kuwaasoo doonaya in ay isku kabana
Soomaaliya iyo Eyhopia, taasoo ka dhigan Bisad iyo Dooli ma wada noolaan
karaan.
Ethopia weligeed waxay ku hamin jirtey sidii ay u bur burin lahayd
umadda Soomaaliyeed oo aysan u heli lahayn Dawladnimo, taana waxaa u
daliil ah dawladdii lagu soo dhisey Enbigaati oo ayan illaa iyo iminka
siinin wax taageero ah, dhawaan ayaa saraakiil Soomaaliyeed waxa ay
tageen magaalada Addis-Ababa, waxayna xukuumadda Ethopia ka dalbadeen
inay siiso Shan Kun oo Qori si loo siiyo Ciidamada Boliiska iyo kooxaha
Maliishiyooyinka ah, waxaana loogu jawaabay “Ma dooneyno inaan bixino
Hub dib noogu soo laabta ee ma qaadanaysaan Miinooyinkan?”, Arrintaasi
aad bay uga xumaadeen saraakiishii.
Dadka Soomaaliyeed waxay intooda badan si aad ah u neceb yihiin
Xukuumadda Ethopia, marka la qiyaaso tirada dadka soomaaliyeedna waa
Toban Milyan oo Siddeed ka mid ah ay diyaar u yihiin inay la dagaalamaan
Ciidamada Itoobiya, kuwaasoo dhamaantooda hubaysan, sida la ogyahayna
Ciidamada Itoobiya ee haatan ku sugan gudaha Soomaaliyana waxay
tiradoodu gaaraysaa illaa 8000 kuwaas oo doonaya inay la dagaalamaan
Sideedaas Milyan, marka waxaan dhihi karnaa waa dhibic Biya Macaan ah oo
lagu dhibciyay bad weyn Biyaheedu dhanaan yihiin.
In kastoo qowmiyado badan ay deggan yihiin waddanka Itoobiya. Haddana
waxa uu dagaal inagala dhaxeeyaa Tigreega uu ka dhashay Melle-Zanaawi,
maxaa yeelay qawmiyadaha kale ee ku dhaqan dalkaas, bayaan ay dhawaan
soo saareen waxa ay ku caddeeyeen in gar darro ay tahay in Ciidamo
Itoobiyan ah ay ku dhintaan waddanka Soomaaliya iyagoo la safan mid ka
mid ah kooxaha isku haya Waddanka Soomaaliya, waxaana loo soo jeediyay
Mr Zinaawe fara gelinta uu ku hayo Ummadda Soomaaliyeed.
Wallow mar kasta Milla Zanaawe la gaarsiinayo farrimo qalddan oo la
xiriira golaha Maxaakiimta Islaamiga haddana waxay Mas’uuliyiinya
Maxkamadihu ay sheegeen in ay doonayaan inay si derisnimo wadaag ah ay
ugu wada noolaadaan Soomaaliya iyo Itoobiya Mandiqaddan Geeska Afrika.
Nin odey ah ayaa intii uu socdey shirkii khardduum ayaa waxa uu yiri
“Haddii ay Maxaakiimtu ay ogolaadaan inay la fariistaan Dawladda
Federaalka iyo waddanku ay ku sugan yihiin Ciidamada Itoobiya, waanu ka
hor imaan doonaa oo kacdoon kale ayaanu sameyneynaa, Alxamddu lillaah
sidii la rabay bayna noqotey, waxaanan caqli gal ahayn adigoo dalkaaga
la haysto inaad tiraahdo Tanasul baan samaynayaa”, Abshi Bacadle oo
dhawaan tegay furinta hore ee Dagaalka isagoo wata qorigiisa iyo
tuutihiisa ayaa waxa uu yiri “Wallee waxaan meeshaa ku soo arkay waa wax
i cajab galiyay, waxaan is iri Xamar Cidna kuma soo harin, dhallinyarada
ku jirta safka horena waxaa ka muuqatay farxad iyo rayn rayn, waxayna
qaarkood igu yiraahdeen waa in Shiikh Shariif uu deg deg inoo fasaxaa”.
Guntii iyo geba gabadii waxaan leeyahay Tigreeyow nama taqaaniinee,
nagama tagtaaniinoo,hana ku hafanine dhulka Soomaaliyeed’.