5 June 2006 -5 June 2007 ma u siman
tahay Umada Soomaaliyeed!!?.
 Qore:Ibraahim
daa’uud c/laahi (Gentleman)
sayfudiin@hotmail.com
Nairobi-kenya
+254721130470
ILAAH baa
amaan u sugnaatay. Nabadgelyo iyo naxariis Nabbi Muxamad
korkiisa ha ahaato. intaa ka dib.
Hordhac.
Qormadaan waxaa ay qoristeedu igu
dhalatay maanta oo Talaado ah, kadib markii Males Zanawi
aan maqlay in uu ki sakis ah ooga dagay Magaalada
Mogadishu, aniga oo lixdaan bilood ( Six month)
la walwalsanaa waxa ka socda K/Somalia gaar ahaan
caasimada oo isugu jira nooc walba oo dhib ah, cid walba
oo caqli leh way garwaaqsan tahay wanaagii maxaakimta
inta ay xukunka hayeen, balse maxaa is badal.?
5 June
2006 Ka si fayntii Soomaaliya Qabqablayaasha iyo soo
celintii Nabadda -5 June 2007 Booqashada Melez iyo soo
celinta dhibkii Qabqablayaasha.
lixddii Bilood ee Midowga Maxaakimta ay
maamulka hayeen:-
Kala duwan waayaha iyo wakhtiga, wax
walbana waxa xusi doonta taariikhda, lix bilood ayay
qaadatay jiritaankii Maxaakimta, inkastoo ay ku soo beegmeen
xili wadanka ay ka jirto dowlad taagdaran oo ay gacan buuxda
siiso dowlada Tigreega ee Ethiopia, sidoo kale waxa ay ku
soo aadeen 16 sano oo dowlad la'aan ah. balse marka loo
fiiriyo waxa ay qabteen waa la oran karaa waa wax aad u
balaaran.
In wax badan la qabto way adgaan
kartaa marka umad 16 sano ku dhaxjirtay jahwareer iyo
walaahoow.balse iskudaygii maxaakimta ee ahayd in ay wax
qabtaan way suura gashay 80%, marka aad la sheekeeysato
dadkii joogay xilligii Maxaakimta waxa ay kuu sheegayaan
in ay ahayd xilli aad u wanaagsanaa "
16 sano dhibkii jiray waxa looga nastay lixdii bilood oo
ay maxaakimta jireen".
Wax khabadkii Maxaakimta waxa uu ahaa
mid aad u muuqday, runtii waxa suura gashay in dad badan
ay ka soo laabtaan dibadaha, waxa magaalada Mogadishu
booqashooyin.
14 july 2006, maalin xasuus mudan.!
Shiikh Shariif iyo xubno kale oo
sujuud farxadeed ka soo kacay
waxa ay ahayd maalin jimco ah, kasokoow
maalinta jimcaha farxadeeda waxa shacabka reer Mogadishu
u wehliyay farxada furitaankii Gagida diyaaradaha ee (Mogdishu
International airport).waxa uuna ku soo beegmay ku
dhawaad 11 sano kadib xilli markii ugu horeeysay dagaal
oogayaashi magaalada laga saaray (Worlds), ka
saarida laga saaray magaalada dagaal oogayasha waxa ay
fududeysay in la furo Garoonka diyuuradaha. isu socodka
dhanka duulimaadkana waxa uu noqday mid aad u sahlan,
maadaama markii hore ay shacabka ka duuli jireen garoomo
macmal ah iyo Garoomo ku yaala meelo ka baxsan
Mogadishu. sidoo kale isla bishaan waxa ay si nabad ah
kula wareegeen madaxtooyada (Villa Somalia)…
24 august 2006, Furutaankii Dakada
caalamiga ee Mogadishu:-
Maalintan sidoo kale waxa dib loo furay ku
dhawaad 11 sano oo ay xirneed Dekadda weyn ee magaalada
Mogadishu.waxa ayna u xirneed isla dagaal oogayaasha
shacabka ku hayay dhibaatada. balse si gaara waxa gacanta
ugu hayay Furux oo ka tirsan dowlada Tigreegu taageero,
balse Dekadda way bad qabtay waxaana u wada dhamaa dhamaan
qalabkii Dekadda ay laheed.
Furutaankii Dekadda waxa ay kaalin weyn ka
ciyaartay nolasha shacab badan u hamuun u qabay in ay mar un
arkaan ilaha dhaqaalaha ee wadanka oo wada shaqaynaya, wixii
maalintaas ka danbeeyay waxa ka soo dagi jiray dhamaan
waxyaabaha daruuriga u ah nolasha shacabka.
Soo celinta Nabada iyo furitaankii
wadooyinka:-
Nabadu waa nolol, Nabad la'aanteed nolol
ma jireeyso, iskudayo badan kadib waxa fursadii dahabiga
aheed helay Maxaakimta, kacdoonkii shacabka ayaana
Maxaakimta siiyay fursad ah in ay Nabada ku soo celiyaan
goobaha ay ka talin jireen.
Soo celintii Nabada waxa ay jidka u sii
xaartay in ay soo laabato kala danbeeyntii iyo nolashii
caadiga ahayd. taasi oo loo hamuun qabay 16 sano oo ay
shacabka isu biirsadeen maamul daro iyo manaxayaashii
(Worlds)..
Waxa sahlanaatay isu socoka bulshada,
waxa dhacday in Mogadishu ilaa Gaalkacyo, Mogadishu ilaa
Baydhabo, mogdishu ilaa Kismaayo loogu wada safro si
nabad aah..
Lixdii Bilood ee Dowlada FKMG + Ethiopia…
Taariikhada ayaa waxay iyadu xustaa wax kasta
oo meel ka dhaca dunida ka mid ah iyadoo aan xishood iyo
cabsi ku jirin…
December 2006--- June 2007 ayaa waxaa ay
ahayd wakhti soomaalida intooda badan ay ku jireen
habeen madoobay ka dib markii ay dalka Soomaaliya
gacanta u gashay Ethiopia oo ay horkacayaan Rag Soomaali
ah waxayna iibsadeen xoriyadii iyo qaranimadii umada
soomaaliyeed 1960kii ay ku heshay dhiiga halgamayaashii
xornimada horseeday.
Maxay Qabteen TFG+Tigree. ?
Waxay qabteen soo celinta qab
qablayaashii dalka laga saaray maanta oo kale 5 June
2006,waxay u sahleen cadowga umada soomaaliyeed in ay si
kasta ay ka yeelaan shacabka soomaaliyeed,isbaarooyinkii
oo dib loo soo celiyay,dilalkii iyo afduubyadii
maraakiibta oo soo laabtay,dadkii soomaaliyeed oo ay
diyaarado ameerikaan dukheeyeen.
Waxaas oo idil waxbaa ka daroo dibi dhal
yiri!!!!
Furitaankii xaruntii Gumaysiga(Safaarad
ku sheegta Ethiopia):-
Cali Maxmed Geedi,Cabdlaahi Yuusuf Axmed
27 May 2007 ayaa waxaa ka dhacay
magaalada Mogadishu xaflad murugo leh balse dhinac kale
faraxd u lahayd sida ka mooqata sawirkaan taas oo lagu
furayay xarurnta Gumaysiga Ethiopia iyadoo uu fadhiyay
(Seyoum Mesfin)
waxaana dhinaca midig ka xiga C/laahi Yuusuf iyo Cali
Maxmed Geedi halka oo dhanka bidix ka xigay Xasan Abshir
Faarax.
Waxaana Xafladaasi ay ahayd mid ka mid ah
shirqoolada lala damacsan yahay umada Soomaaliyeed,
"waxaana soo xasuusayaa
xafladii qaysiga Bariga afrika gaar ahaana Dalka xeebta
dheer ee Soomaaliya ee sanadii 1884 ka dhacay magaalada
Berlin ee gumaystihii Yurub ku qaybsayay Afrika laguna
casumay Dowlada Ethiopia''.
Booqashadii Meles Zenawi ee Mogadishu:
Ujeeda
qoraalkaan oo dhan waxaa weeye booqashadii lama filaanka
ahayd ee uu maanta ku tagay magaalada Mogadishu Raiisul
wasaaraha Xukuumada Ethiopia Meles zanewi, waxaana ay tahay
bilowga gumaysiga cusub ee Tigreegu la damac san yahay dalka
Soomaaliya,waana mid la mid ah booqashooyinka bush iyo Blair
ay ku tagaan dalalka ay gacanta ku hayaan iminka sida Iraq
iyo Afghanistan.
Maxaa
kuu soo bixi kara akhirtoow hadii aad is bar bar dhigto
wax isku soo beegay lix bilood ka hor markii ay
maxaakinta dalka ka saareen qabqalayaashii dagaalka
maanta oo kale Melesna yimid isla maalintaas
maalinteedii kale.
Qore:Ibraahim daa'uud c/laahi (Gentleman)
sayfudiin@hotmail.com
Nairobi-kenya
+254721130470
Afeef: Aragtida qoraalkan
waxaa leh qoraaga ku saxiixan
Sawirada: Google
Search/images
Faafin: SomaliTalk.com | May 2, 2007
| 
Daabaco
Boggan | Print
ARAGTIDA/MAQAALLADA DADWEYNAHA EE MAANTA
