KULANKA SAXAFIGA & SOMALITALK:

Wariye Da'uud Cabdi Da'uud: Waxaan mutaqbalka jeclahay in aan noqdo nin u dhaq-dhaqaaqa arrimaha bini'aadanimo ee dadka somaliyed....

Hordhac..

Asalaamu Calaykum.

Alle ayaa mahad oo dhan ay u sugnaatay Nabad galo iyo naxarisna Nabigeeena Mohamed ah korgiisa ha ahaato.

Usbuucana waxaan qormadan ku marti nooogu ah, wariye Da'ud. Bal aan sheekadiisana waxa ay ku bilaabaneeysaa sidan:-

Wariye Da'ud: Nin Hool kar ah

Wariye Da'ud Abdi Da'ud waxa uu ku dhashay magaalada Mogadishu sanadka marka uu ahaa 1981, nasiib daro waxa uu inta badan ku Caqliyeestay dagaalada sokeeya iyo dowlad la'aan dalka ka jirta. Inkastoo ay sidaasi tahay haddana ma uusan ka mid noqon kuwa dabka lagu huriyo ee dagaalada u ah xaabada lagu shido ee loo yaqaan Mooryaanta ama Jiriga. " Ninba taagtiisa ayuu tilaabsadaa". Wariye Da'ud waxa uu sameeyay dadaal inta uu sameen lahaa qof guusha iyo guuldarada ay isugu mid tahay, taasi oo aan oogala jeedo dowlad la'aanta jirtay iyo dhibka aan dhamaan ee dalkeena Somalia ku habsaday.

Waxbarashadiisii..

Kaddib bur-burkii dowladeenii sharafta mudneed 1990-kii, wixii ka danbeeyay waddanka waxa ka biloowday isxilkhaamid dhan walba ah, waxaana ka mid ah waxrashada Gaarka ah waxa ay Somalia ka noqotay mid ay ka faa'iideesteen dad badan oo Somalia ah. Wariya Da'ud dadkaas ayuu ka mid yahay.

Warbarshadiisa Dugisaga H/Dhaxe iyo saraba waxa uu ku dhameestay dugsiga lagu magacaabo Mogadishu Boarding School ee ku yaal magaalada Mogadishu. Waxa uuna dhameeyay sanad dugsiyeedkii 2003-2004. waxaa jira kala duwanaansho dhanka Manaahijta ah iskuulkan uu ka baxaday wariye Da'du waxa uu ka midyahay iskuulada ku baxa luuqada English-ka ah. Dadaalaa wuu gaaraa, dhalinyada heshay fursadahan oo kale ee waqtigooda ka faa'iideestay waxa ay ka badbaadeen in ay Gidaar u noqdaan daneestayasha iyo Dagaal oogayaasha dalka ka jira.

Shaqadiisa dhanka Warbaahinta..

2004, waxa uu ka shaqo bilaabay idaacad lagu magacaabo VOD ee xarunteedu ay tahay magaalda Mogadishu. Waa waqti dhow marka uu bilaabay ka hadlida saxaafada Xorta ah ee dalka ka jirtay balse dadaal badan oo uu sameeyay maanta meel heer sare ah ayuu ka joogaa..
Idaacada Shabelle Radio ayuu mar wakiil wareed "Correspondent" ooga ahaa Gobaladda dhaxe meelo ka mid ah, sida magaalooyinka Cadaado iyo Guriceel.
Cabudwaq Radio, ayuu ka soo noqday Agaasime ku xigeen.
Cadaado Radio, waxa uu ka gaaray Darajada ah Agaasime inkastoo hadda aysan furneen. Sida uu ii sheegay Wariye Da'ud.
Waxa uu Tifaftire ka soo noqday wargees la oran jiray Daryeel oo Mogadishu xarun u aheed.

Waxqabadkiisii…

Sida uu ii sheegay Wariye Da'ud intuu uu ahaa ardayga waxa uu noqday afhayeenka Ardaya iskuulada hoostaga dalada FPENS. Ee xarun u ah magaalada Mogadishu. Sidoo kale intii uu warbaahinta ku jiray waxa uu ka qeebgalay olalihii nabadeenta dadaalo xilligaasi ka olaalsanaa dalka gudihiisa gaar ahaan Gobalada dhaxe oo ay isku dagaalayeen labo maleeshiyo oo laba Qabiil ah.

Markii ay wariyaasha ka soo qaxeen intooda badana ay waddanka Kenya joogan waxa uu ka mid ahaa dadkii unkay Heyada u dooda xaquuqda dadka suxufiyiinta ah ee marka magaceeda la soo gaabiyo loo yaqaano " SOJRA" [Somali journalist Rights Association]. Waxa uuna hadda ka yahay Xoghayaha guud ee heyadaasi, waana mid ka mid ah xubnaha iyo madaxda ugu dhaq-dhaqaaqa badan.

Mustaqbalka iyo waxa uu rajeeynayo Hadduu Alle idmo..

Mar aan wax ka waydiiyay waxa uu u jecelyahay in uu noqdo mustaqbalka ayuu waxa uu Wariye Da'ud yiri "Waxaan mutaqbalka jeclahay in aan noqdo nin u dhaq-dhaqaaqa arrimaha bini'aadanimo ee dadka somaliyed, sababtoo ah dalka Somalia iyo dadka somaliyeedba waa dad dulman". Arrimo kale oo ku saabsan hiwaayadiisa mar waan ka waydiiyay waxa uu igu yiri waxaanba jeclahay in aan mar walba hool ka dhigo arrimaha Somalia gaar ahaan arrimaha bini'aadanimo. Dadaala wuu gaara waxaan u rajeeynayaa Wariye Da'ud in uu hooshiisa ku guuleesto.

Gabagayo.

Akhritayaal todobaadkana intan ayaan ku soo afjarayaa qormadeena kullanka suxufiga iyo somalitalk, haddu Alle idmo usbuucyada soo socda waraysiyo xiiso badan ayaan idiin soo gudbin doonaa, mahadsanidiin..

saxafi KULANKA SAXAFIGA & SOMALITALK: Wariye C/xakiim Cumar Jimacaale: Qofkii Naf badbaadiya waxa uu la midyahay Hooyo… Akhri

TODDOBAADKII HORE: Wariye C/naasir Zero: Majirto dhabo aannu ku baxsano inaanu cararno mooyaane. Akhri

___
F.G

Qormadan kullanka saxafiga iyo somalitalk cid walba oo daneeyneysa warbaahinta Caalamka iyo gaar ahaan tan Somalia in ay kaga hadasho waan soo dhaweeynayaa. Cidna gaar umma ah qof walba oo jecel in uu wanaag ummada u sheego way u furantahay. Waxaadna naga soo xariiri kartaan E-meal-lada hoos ku xusan.

Mahadsanidiin..

Ibraahim Da'ud Abdalle "Gentelman"
Kullankasomalitalk@gmail.com ama sayfudiin@hotmail.com
Nairobi-Kenya.