KULANKA SAXAFIGA & SOMALITALK:

Wariye C/xakiim:- Qofkii Naf badbaadiya waxa uu la midyahay Hooyo…

Hordhac..

Wali waxaan aan ku jirtaa Barnaamijkeenii Kullanka saxafiga iyo Somalitalk, Hadduu Alla idmana dad badan ayaanu ku wareeysan doonaa, sidoo kale waxaanu ku soo qaadan doonaa Qormooyin aan ku soo qaadan doonaa wariyaasha caalamka kuwa ugu magaca dheer.

Wariyaha Xaq dhawr..

C/xakiim Cumar Jimacaale iyo Ibraahim Da'ud Abdalle "Gentelman"

Wariye C/xakiim Cumar Jimacaale waxa uu ku dhashay magaalada Mogadishu gaar ahaan Hospital Martiini sanadka marka uu ahaa 1965, wariyahan 42 jirka ah ee haatan lagu daweeynayo Hospital ku yaala magalaada aan kulla kulmay ee Nairobi ee dalka Kenya , waxaa dhibaataado u geestay 8 nin oo hubeeysan oo aan la garaneen xilli habeen sakhdii dhaxe ah isaga oo kusan gurigiisa taarikhdu marka ay aheed 11- August-2007 ka hortii intii aan dil arxandaro ah aan loo geeysan saaxiibadeena kalle ee bahda saxaafada sida weyn looga yaqaanay ee kala ah Ali Iimaan Sharmaake, iyo Mahad Axmed Cilmi Allaha u naxariistee. Dilkan loo geeysayo ama dhibaatada aqoonyahanka Somali-ga ah lagu hayo waa mid mudo soo socotay, sida cadna waa qorsho lagu doonayo in aqoonyahanka ummada meesha laga saaro si gumeeysiga iyo xasuuqa dadka rayidka ah loo sii xalaaleeysto.

Warbarashadiisii:-

Waxa uu Dugisaga/Malcamada barashada Qur'aan-ka kariimka ah ku dhameeyay magaalada Mogadishu.
Sanadkii 1978-dii Dugsiga H/Dhaxe waxa uu kaga baxay iskuulkii la oranjiray Saqaawadiin ee Gobalka Banaadir ku yiilay. markii uu ahaa fasalka 8-aad waxaa loo doortay Wariye C/xakiim macalinka ubaxa iyo wariyaha dagmada Yaqshiid ee magaalada Mogadishu.waana xilligii Bari samaadkii.
1982 ayuu dugsiga sarre ka dhameeyay iskuulkii la oran jiray Janaraal Daa'uud, ardayda ay wax isla soo barteen waxa ka mid ahaa Yusuf Garaad Cumar iyo Aamina Muuse Wahliye oo ka mid ah shaqaalaha idaacada British Broadcasting Corporation.darajada fiican ayuuna ka gaaray iskuul-ka gaar ahaan waxaa loo doortay Gudoomiyaha Fanka iyo isbooriga ee dhalinyada iskuulka ka dhisneed, waxaana intaas u dheereed in uu ahaa Teebistaha iskuulka oo dhan, waxaana xilligaas maamule u ahaa Mohamed Mohamud Saban sidoo kalana ahaa abwaan, waxa uuna ii sheegay wariye C/xakiim in uusan aqoon meel uu jiro maamulihiisii hore, taasina waxa ay marqaati ka tahay guurdarada dowladnimada aan ka dhaxalnay.
1982 waxa uu waxbarasho u raadsaday waddan-ka Romania ee caasimadiisa Bucharest balse maxaa dhacay.? Sida uu ii sheegay Wariye C/xakiim isaga oo jooga waddan-ka Romania waxa waddanka Romania booqasho ku yimid wariiskii hidaha iyo tacliinta ee xukuumadii military-ga Allaha u naxariistee Axmed Ashkir Bootaan, waxa uuna dowlada dalka Romania u sheegay in aysan waxbarasho u ogalaanin ardayda Somalida ah ee aanan ogalaansho ka haysan ama aan ka diiwaan gashaneen wasaarada waxbarashada, sidoo kalle arrintaas waxa ku raacay Allaha u naxariistee Mohamed Siyaasad Barre. Taasina waxa ay marqaati ka tahay dhibka lagu hayay ardayda somalida ah ee waxbarashada ka raadsan jiray dadal kale si aqoontooda ay u sii wataan. Sidoo kale isla sanadan 1982 marki dowlada Romania uu ka heli waayay waxbarasho ayuu u kicitimay dalka Talyaaniga "Italy". Balse caqabad kale ayaa soo waajahay kadib markii safiirkii Somalia u fadhiyay Somalia magaalada Roma uu u diiday in dalka Talyaaniga ka helo fursad waxbarasho, arrintan oo cadeen u ah musuqmaasuqa inta badan safiirada Somalia ee dalalka shisheeya u fadhiya ay kula kacaan dadka Somali-da ah isla maantana arrintaas waa mid taagan.
Bilihii ugu danbeeyay ee sanadii 1983 ayuu waxbarasho u raadsaday dalka India gaar ahaan Gobalka Rajistan, isaga oo ku biiray Jaamacada [Vidia Bahpan Rural Universaty]. Waxa uuna ka helay shahaadada BA. Kaddibna dhulkiisa hooyo ayuu ku soo laabtay sanadkii 1987.maantana yaa inta wax bara dalkii dib ugu laaban kara haddii ar jirtana waa qof ay cabsi dilootay.
Intuu u dhaxeeysay 1987-1990, waxa uu shaqo ka helay shirkadii Somalia Airline ee dhanka duulimaadka qaabilsaneed gaar ahaan waxa uu ka mid ahaa waxaada shabeele/Mogadishu qeebteeda Iibka iyo dhaq-dhaqaaqa.
1991-2007, Wariye C/xakiim waxa uu ka soo shaqeeyay warbaahinta xorta ah ee la saan qaaday dowlad la'aanta sida:- Radio Mogadishu gaar ahaan isaga oo caan ku ahaa Barnamijkii "Saadaasha Hawadda", Radio STN & STN TV ee isla magaalada Mogadishu ku yiilay, Raido TNG ee dowladii Carta ee uu C/qaasim Madaxwaynaha ka ahaa, Raido Banaadir, Radio Bariga Africa oo uu lahaa Hogaaiye kooxeedka Bashiir Raage Shiiraar iyo Raido VOD dhamanadoota ku wada yaalay magaalada Mogadishu, waxa uuna ka gaaray darajada ah soo saare Barnaamid, War aqiye iyo Lataliye dhanka shuruucda saxaafada. Ninkii wax barta meel buu ka soo baxaa.
Warbaahinta dibada waxa uu ka soo shaqeeyay sanadihii u dhaxeeysay idaacad lagu magacaabo Radio voice of peace "Idaacada codka nabada", xaruntiina ku taal magaalada Adis Ababa.waxa uuna u ahaa Wakiil wareed "Correspondent", meelaha kala ah Xerada Qaxootiga ee Kaakuma, Bombasa iyo Nairobi oo dhamaantood ku wada yaal dalka Kenya, sidoo kalana wargeeska ayaamaha ayuu warbixino u tabin jiray isla xiliyadaas.

Wariye C/xakiim waa nin ceenkee ah.?

C/xakiim Cumar Jimacaale oo jooga Kenya

Wariye C/xakiim oo aan si gaara aan saaxiibo u nahay, cidee taqaana ayaa garan karta waa nin aad u kaftan badan, isaga ay u dheertahay ixtiraamka dadka da' walba oo ay yihiin. Wariye C/xakiim waxa uu socdaalo kala duwan ku soo maray wadamo kala duwan sida:- Romaia, Taltaaniga, Sa'udi Arabia, Ethiopia, Kenya, Masar, United Arab Emirates iyo dalka India oo uu wax ku soo bartay, nin aan dhul marin dhaayaha malaha waad dareemi kartaa qof sidan u socdaan badan marka aad horfadhiisato waxaayabaha aan caqliga gali Karin ee uu kaaga sheekeeynayo

C/xakiim Cumar Jimacaale oo u waramaya Ibraahim "Gentelman"

Wariye C/xakiim waxa uu nasiib u yeeshay in uu noqdo wariyihii ugu horeeyay ee cod ka soo duuba ama wareesta madaxwaynaha DFKMG C/laahi Yusuf Axmed markii uu magaalada Mogadishu tagay gaar ahaan Villa Somalia. Runtii waxa ay u tahay sharaf in uu la kulmo madaxwaynihii ugu horeeyay ee Villa Somalia fadhiista kadib Allaha u naxariistee Mohamed Siyaas Barre markii meesha laga saaray.sababtoo ah C/qaasim ayaa ugu dhaawaa in booskaas fadhiisto isagana waxa la kor istaagay Hogaamiye Koxeedka Xuseen Caydiid. Iskaba dhaaf kuwii ka hooray ii waqtigooda ku dhameestay reer hebal iyo cid hebal nama maamuleeyso. Somaliyey haddii aynu tashay wayno waa la inoo talinayaa.

Qof waxa uu bulshadiisa u soo kordhiyo waa lagu xasuusan doonaa, dowlad la'aanta jirta owgeed qofkii wax qabsan lahaa ee Somalia ku sugnaa suura gal uma aheen cilmiga aad soo baratayna in uusan waxta tarin ayay u badantahay maxaa yeelay mid beeshada ka dhashay oo isbaaro taagan marka oo danbi galo adiga ayaa lagaaga jarayaa oo lagu dhibateeynayaa. Allow tan naga saar..Aamiin.

C/xakiim Cumar Jimacaale markii uu yimid Nairobi Kenya,
Waxa uu l ataagan yahay Ibraahim Da'ud Abdalle "Gentelman"

Wariye C/xakiim waxa uu mahad gaara u celinayaa Dhaqaatiirta iyo Maamulka Hospital Keedsaneey ee magaalada Mogadishu iyo wariyaasha ku sugan dalka Somalia. Sidoo kale waxa uu mahad gaara u celinaya wariyaasha ku sugan dalka Kenya gaar ahaan heyada u dooda Xaquuqda wariyaha Somalia ee magaceeda marka la soo gaabiyo loo yaqaano "SOJRA". Oo runtii gacan weyn ka geesatay keenitaankiisa dalka Kenya ilaa haddana arrimihiisa daba socota.

Intaas ayaan ku soo gabagabeeynayaa barnaamijkeenii kullanka saxafiga iyo somalitalk oo inoo ah raxano isbuuc la' ah.

TODDOBAADKII HORE: Wariye C/naasir Zero: Majirto dhabo aannu ku baxsano inaanu cararno mooyaane. Akhri

F.G

Qormadan kullanka saxafiga iyo somalitalk cid walba oo daneeyneysa warbaahinta Caalamka iyo gaar ahaan tan Somalia in ay kaga hadasho waan soo dhaweeynayaa. Cidna gaar umma ah qof walba oo jecel in uu wanaag ummada u sheego way u furantahay. Waxaadna naga soo xariiri kartaan E-meal-lada hoos ku xusan.

Mahadsanidiin..

Ibraahim Da'ud Abdalle "Gentelman"
Kullankasomalitalk@gmail.com ama sayfudiin@hotmail.com
Nairobi-Kenya.