SOMALITALK.COM
w w w . S o m a l i T a l k . c o m
SOMALITALK - WARAR

 Dowlada FKM oo Baarlamaanka Waydiisatay  inay ansixiyaan Heshiiskii Kenya ay la gashay (Isniin July 27, 2009)


Muqdisho:Somalitalk: Maanta ayaa Baarlamaanka Kumeelgaarka ah shir aan horay loo sheegin oo ay isugu yimaadeen ayaa DFKM waxay ku codsatay in Baarlamaanku an sixiyo heshiiskii Dowladu Kenya la gashay. " fadhi aan horay loo sheegin oo aan maanta yeelanay Madaxweyne Sh Shariif-na kasoo qaybgalay ayaa loogu qaybiyay Md-yaasha Barlamanka HINDISE SHARCIYEED ay Xukuumadda Federaalku ku waydiisanayso in la ansixyo waxa loogu yeeray IS_FAHAM dhexmaray xukuumadaha labada Dowladood. Waxay ila tahay sida ka muuqatay ama ay ku guuxayeen Md-yaasha badankood,inaysa Xukuumaddu heli doonin kalsoonida ay golaha soo waydisatay" sidaas waxaa noo sheegay Mudane aan doonayn in magaciisa la shaaciyo oo Somalitalk lasoo xiriiray. Barri ayaa Baarlamaanku u balan sanyahay inuu ka doodo arintaas, lamana garanayo wax kasoo bixi doona..

Codsiga Dowlada ayaa kusoo beegmaya iyadoo ay ka hartay laba asbuuc (14 bari) oo kaliya  xiligii ladhagaysan lahaa Dowlahada Xogtoodii soo gudbiyey horaantii May 2009. Warsaxaafadeed kii Qaramadda Midoobay soo saartay May 15,2009 ayaa lagu lagu xusay arintaas wuxuuna u qoraa sidan: "Waxaa xusid mudan Xoghaynta Guddiga Xadaynta Badaha, Mr. Rajan, in uu sheegay in dalalka akhbaarta iyo xogta soo gudbiyey wixii ka horaysay May 8, 2009 in ay noqon doonaan kuwa akhbaartooda ka hor akhriya Guddiga QM. Waxaa la ogyahay in Soomaaliya (ay gudbisay April 14, 2009) iyo Kenya (oo gudisay May 6, 2009) oo sidaas labaduba ka horeeyaan taariikhda uu xusay Mr. Rajan. Halkaasna laga fahmi karo in ugu yaraan Kenya ay ku jirto dalalka loo tixgalinayo cabbirka badda marka la gaaro August 10, 2009".

SomaliTalk.com | July 27, 2009

Kulankii Golaha Baarlamaanka KMG ee Looga Hadli Lahaa Arrimaha Heshiiskii Badda oo "Koronto La'aan u Baaqday" Maanta (Isniin June 15, 2009)

Sidaas waxaa SomaliTalk.com u sheegay Gudoomiye Kuxigeenka labaad ee Baarlamaanka KMG ah, Cismaan Cilmi Boqore.... Guddoomiye ku xigeenka koowaad, Prof. Dalxa, ayaa isaguna ka hadlay shirka baaqday.......

  • SomaliTalk.com | June 15, 2009

Muqdisho: Kal fadhigii Golaha Baarlamaanka FKMG ee looga hadli lahaa mooshinka ku saabsan heshiiska badda ee la qorshaaynayay in uu qabsoomo maanta (Isniin June 15, 2009) ayaa baaqday, ayadoo ay durbadiiba ka soo baxeen warar kala duwan sababtii uu u baaqday. Qaar wararku waxay sheegeen  in uu u baaqday kooramkii uu shirku ku qabsoomi lahaa oo aan buuxin oo xildhibaano badani ay maqan yihiin. Waxaa kale oo jira ilo kale oo laga soo xigtay in "Nada la'aan darteed loo baajiyay kulanka."

Haddaba si aan u xaqiijino sababta dhabta ah ee uu u baaqday, waxaan khadka telefoonka kula xiriirnay Guddoomiye kuxigeenka labaad ee Baarlamaanka KMG ah, Cismaan Cilmi Boqore, isagoo jooga Muqdisho, waxana uu SomaliTalk.com u xaqiijiyey in kal-fadhigii baarlamaanku uu maanta oo Isniin ah baaqday...

Cismaan Cilmi Boqore

Cismaan Cilmi Boqore waxa uu yiri "... waa baaqday maanta... kulankii baarlamaanka ma jiro maanta".

Markii aan waydiinay sababta uu u baaqday kulanku waxa uu ku jawaabay: "... qaab farsamo ayuu u baaqday maahaane wax kale ma aha, ee xagga farsamada, farsamaa jirta... meeshaan ku shiri lahayn waxaa loo baahday generator ayaa loo waayey, generatorkii ayaa naga xumaaday, xagga dabka koronto aan wayney awgeed ayaa shirku nooga baaqday maahine wax kale ma jirin..."

Markii aan waydiinay in uu shirkaasi qabsoomi doono berri ama maalmahan waxa uu ku jawaabay: "... kuuma sheegi karo waqtiga, kolley guddoomiyahii baarlamaanka ayaa jooga, isagaa markaa iclaamiya maalinta shirka la qabanayo, marka isagaa noo sheegi doona haddii Allah idmo... Laakiin maanta (June 15) in aan shir jirin baan kuu sheegay, sababta uu u baaqdayna ay sababtaas tahay.."

Kulankan ayaa qorshihiisu ahaa in xildhibaanadda baarlamaanku ay kaga doodaan mooshin ay mar sii horaysay baarlamaanka u gudbiyeen xildhibaano, mooshinkaas oo ku saabsan in baarlamaanka mowqif ka qaato heshiiskii/is-fahamka ay xukuumadda FKMG la gashay Kenya ee ku saabsanaa xuduudda badda u dhaxaysa labada dal. Kulankaas oo shacabka Soomaaliyeed sugayeen kaddib markii guddoomiyaha baarlamaanka, Sheikh Aaden Maxamed Nuur "Aaden Madoobe", uu Talaadadii la soo dhaafay (June 9, 2009) iclaamiyay in kulanku qabsoomi doono Isniintan (June 15). Waxaana hadalka guddoomiyaha sii xoojiyey Guddoomiye ku xigeenka koowaad ee baarlamaanka DFKMG Prof. Maxamed Cumar Dalxa oo isaguna Arbacadii (June 10, 2009) la hadlay saxaafadda.
Tirada looga baahan yahay kooramka si baarlamaanku u shiro waa 367 xildhibaan
  • 550 x 2/3 = 367

Tirada Hadda Muqdisho lagu malaynayo waa 262 xildhibaan

  • 550 - 288 = 262

Sidaa daraadeed kooramkii waxaa ka dhiman 105 xildhibaan

  •  367 - 262 = 105

Agoosto 10, 2009 waa marka ay guddiga xadaynta badahu la kulmayaan dalalkii akhbaarta u gudbiyay wixii ka horeeyay May 8, 2009, dalalka xogta gudbistay waxaa ka mid ah Kenya oo cabiratay badda Soomaaliyeed. Baarlamaanka DFKMG ayaa laga rajaqabay in ay shiraan ka hor taariikhdaas oo heshiiskii is-afgaradka ka dhigaan waxba kama jiraan, maadaama aan heshiiskaas wax dan ahi ugu jirin Soomaalida, taas oo jirtana ay xukuumadda oo wasiiradeeda qaarkood garabsanaysa ay difaacdey heshiiskaas.... Akhri wararkii JUNE 2009


GaaniXildhibaan hore uga tirsanaan jirey Baarlamaanka DFKMG oo Guddoomiyaha Baarlamaanka ku eedeeyey Musuqmaasuq iyo in uu dad u dhoofiyey Yurub gaar ahaan Dalka Switzerland xilli uu ka dhacayey Shirka Baarlamaanada Aduunka... Akhri


shireXildhibaan ka tirsan Baarlamaanka DFKMG oo eedayn Kulul dusha uga tuuray Axmed Walad Cabdalla..: Xildhibaan Saciid Cali Shire ayaa sidoo kale eedayn iyo cambaarayn usoo jeediyey Akhri...

Shacabka Soomaaliyeed waxay Baarlamaanka DFKMG uga fadhiyaan in ka hor bisha Agoosto 2009 ay mooshin sharci ah ku diidaan heshiiska ay xukuumaddu ugu yeertay is-fahamka ee ku saabsan badda Soomaaliya. Haddii baarlamaanku qabsoomi waayo, xukuumaduna ay sii wado difaaca qorshaha Kenya ay ku cabiratay badda Soomaaliyeed, oo madaxda sare ee DFKMG aysan Qarammada Midoobay u cadayn diidmadooda ku aadan cabirka ay Kenya u gudbisay QM, waxaa markaas dhici karta marka la gaaro Agoosto 2009 in dhul-badeed Soomaaliyeed oo aad u baaxad weyn loo sharciyeeyo Kenya.

Waxaa xusid mudan in  DFKMG ay akhbaar hordhac ah u gudbisay Qarammada Midoobay, halka ay Kenya gudbisatay akhbaar rasmi ah. Waxaana DFKMG ay qarammada midoobay ka dalbaya 10 sano oo hor leh in ay Soomaaliya ku xerayn doonto akhbaarta rasmiga ah. Waxaana la ogyahay in QM ay sheegtay in dalalka akhbaarta rasmiga ah u gudbiyay wixii ka horeeyay May 8, 2009 in dukumiintigooda ay ka hor akhrin doonaan kulanka guddiga xadaynta oo bilaabanaya Agoosto 10, 2009, halkaasna ay dhici karto in go'aamo laga soosaaro haddii aysan jirin dal dacwad ka qaba akhbaartaas la gudbiyay. Mar haddii Kenya ay gudbisatay akhbaarteeda rasmiga ah ka hor May 8, 2009 oo akhbaartaas ku muujisay in ay cabiratay badda Soomaaliyeed,  taas weeye arrinta muhiim ka dhigaysa mooshinka hadda horyaal baarlamaanka KMG in uu go'aan ka qaataan, maadaama ay u dhaarteen in ay "ilaalinayaan danta dadka iyo dalka" Soomaaliyeed.

Si aad arrintaas u fahamtid markale Akhri hadalkii Xoghaynta Guddiga Xadaynta badda ee go'aanka arrintaas ka gaari doonta Akhri Halkan...

In badan oo shacabka Soomaaliyeed ayaa is weydiinaya "maxaa xukuumadda FKMG ku kallifaya in ay difaacdo wax aan dan iyo maslaxad tooni ugu jirin shacabka Soomaaliyeed... oo weliba lagu waayi karo dhul-badeed Soomaaliyeed..."

"Diin ahaana meel ay ummad Muslim ah leedahay in laga tanaasulo TAAKO ha ahaatee ma bannaana...." sidaas waxaa yiri Sh. C/Qaadir Nuur Faarax.

Faafin: SomaliTalk.com | June 15, 2009


Baarlamaanka Somaaliya oo baaqashada kal fadhuiga Baarlamaanka ku micneeyay hadal si qaldan loo fasiray

Danan Radio | June 15, 2009

Prof. Dalxa oo u waramaya Danan Radio dhegeyso ama soo rogo

Gudoomiyaha ku xigeenka labaad ee Baarlamaanka Somaaliya Barfasoor Maxamed Cumar Dalxa oo u waramayay Idaacadda Danan ayaa ka war bixiyay kulan la filayay in uu manta oo bisha ay ku began tahay 15 Juun in in ay yeeshaan Xubnaha Baarlamaanka Somaaliya ay ku yeeshaan Gudaha Magaalada Muqdisho.

Waxa uuna sheegay gudoomiyaha in hadalkaas warbaahinta ay si qaldan u fahan tay waxa uuna sheegay hadalkii Gudoomiyaha Baarlamaanka ee ahaa in 15 Bishaan aynu ku guda jirno ay kulmi doonaan Xildhibaanada ay eheed mid xildhibnadda Baarlamaanka lagu soo uruurinayay dhamaan kuwo dibadda iyo Gudahaba jooga.

Dalxa ayaa sidoo kale sheegay in hadalkaas uu quseeyay oo kaliya xildhibaanadda Baarlamaanka Somaaliya.

Gudoomiya ku xigeenka kowaad ee baarlamaanka Ayaa sheegay in kulamo caadi ah ay lahaayeen Gudoonka Baarlamaanka iyo waliba Gudi hoosyadda Baarlamaanka uu leeyahay shaqadooduna ay eheed mid cadi kaga socota mana jirto ayuu yiri in howlahooda ay yihiin kuwo aan shaqaynay.

Waxa uuna sheegay in kal fadhiga wayn ay yeelan doonaan maalmaha soosocda hadii uu alle idmo.

Mar wax laga waydiiyay in kulanka baarlamaanka uu u baaqday xaalad amaan xumo ayuu ku jawaabay ‘waxa uuna sheegay in Golaha baarlamanka iyo wasiiraddaba iyo Madaxwaynahaba ay ku shaqaynayaan xaalad kasta oo dalka ku jiro

Isha:  http://danannews.com/Jun2009/044Jun6.htm


Prof. Dalxa oo aanu ka Wareysaney Sababaha keenay Baaqashada Fadhigii Maanta ee Baarlamaanka.

By Somalimirror | 15 Jun, 2009 4:25 PM

Maanta waxaa lagu wadey Baarlamaanka KMG ah inuu fadhi yeesho sidii uu horey Saxaafada uga shaaciyay Afhayeenka Baarmaanka Aadan Madoobe, balse dib ayuu u dhacey, waxaana jira sababo kale duwan oo Hogaanka Baarlamaanku dibu dhaca fadhiga u sababeeyay

 Prof. Maxamed Cumar Dalxa oo Shabakada Somalimirror la xariirtay ayaa dibu dhaca fadhigii Maanta ee Baarlamaanka ku sheegay inaanu aheyn mid rasmi ah oo horey loo shaaciyay fadhigu balse uu yahey mid hor u dhac u ah fadhiyada xiga ee rasmiga ah laguna ogeysiinayay Xubnaha Baarlamaanka inay isu diyaariyaan laguna kala warqaato. 

Prof. Dalxa oo ugu horeyn aanu wax ka weydiinay sababta keentay baaqashada fadhigii Maaanta dibu dhaco waxa uu ku jawaabay sidatan:“Horta Marka hore waxaad moodaa arintaan bari dhaweed markii uu Gudoomiyaha uu Iclaaminaayey in Shirku uu dhicidoono 15-ka wixii ka danbeeyo ee laxiriirtay in ay soo galaan Xildhibaanada badi oo hada Fasax iyo shaqo kumaqan intaba ay ahaayeen ayaa waxaad moodaa in loo fasirtay 15-ka ayuu Dhacayaa kulanka in layiri oo kale, balse arintu saasmaaheyne waxay aheyd in laga bilaabo waxa ka danbeeyo 15-ka lagabilaabo in uu Caadiyan Baarlamaanka Kalfadhiyadiisii ay bilaaban Doonaan marka sidaasi aawadeed ayaa loogu baaqay in ay soo wada galaan dhamaan Xildhibaanada  inta haatan ka maqan Xarunta”.

Ajandaha ugu horeeya ee Baarlamaanka hor yaala xilliga ugu horeeya uu fadhiisanayo mar aanu wax ka weydiinayna waxa uu ku jawaabay:“Shaqooyinka Caadiga ah ee Baarlamaanka uu wada inta badan waxaa Faraha kula jiray Gudiyadoodii, laakin ajandihii Yiilay ee ahaa dhinaca Badda Xageeda oo isna aad iyo aad hadal heyntiisa u badneyd ayaa ajandaha la doonayo marka Xildhibaanada ladajiyo imaanayaa”.

Baaqashada fadhigii Maanta ee Baarlamaanka in looga gol lahaa daboolida ka hadalka heshiiskii is afgarad ee xagga Badda ee dhex marey DKMG ah & Kenya, mar aanu weydiineyna waxa uu ka yidhi:“Baarlamaanka ayey ka timid Mooshinka Xildhibaanaa keenay hadii Baarlamaanka uusan rabin in uu ka Hadlo lama keeneen Mooshin markaa Dadkii hadalka saas u yiri iyaga unbey ku kooban tahay Baarlamaanka isaga oo ka turjumayo Dareenka Shacabka in uu  iyaga Qanciyo ayuu Baarlamaanku arintaa u keenay , insha Allah waxa rajeyneynaa dhawaan wax Dalka, Dadka iyo Umada Soomaaliyeed Qancinkaro oo shaki bixi karo in ay ka soo baxaan kulankaasi ugu horeeya ee looga hadli doono arintaasi”.

Aragtida Baarlamaanka ee ku aadan Heshiiska Badda mar sidoo kale aanu wax ka weydiineyna waxa uu ka yidhi:“Hada anagu Baarlamaan manihin Baarlamaanku waa midka hada ay horyaalaan Ajandaha in laga hadlana loo balan sanyahay marka mar hadii Baarlamaanku Diyaar u yahay in uu ka hadlo waxa aan aniga hada si gooni ah aan u sameeyo waxba soo kordhin meyso laakiin Go’aankii Rasmiga ahaa ee Sharciga ahaa oo in lagu dhaqmo kabacdi ay noqon doonto ayaa waxa uu noqon doonaa kan hada loo balan san yahay markaa in aad ka warsugtaan baan Cosan lahaa Shacbigana kaas ayuu noqon doonaa midka ay ku kala baxaan”.

Xilliga xigga ee Baarlamaanku fadhi yeelanayo mar aanu wax ka weydiinay waxa uu sheegay in dib ka soo sheegayaan balse aanu jirin hadda xilli u go’an.

Waxa uu sidoo kale ka Hadley Xaalada Amaan ee fadhiyada Baarlamaanka, wuxuuna sheegay arintaa inay ula siman yihiin shacabka ku dhaqan Magaalada Muqdisho.

Dhanka kale Cismaan Cilmi Boqore oo ah Godoomiye Xigeenka Labaad ee Baarlamaanka oo la Hadley Somalitalk ayaa sheegay in fadhigii Maanta ee Baarlamaanku u baaqdey koronto la’aan.

Isha: http://www.somalimirror.com/2009/06/15


  • Isha: Radio Simba: Wixii ka dambeeyay markii weerar hoobiyaal ah lala eegtay xaruntii baarlamaanka uu sida ku meelgaarka u deganaa ee xarunta Gaadiidka Booliska ee degmada Cabdicasiis ayaa waxaa muuqanayay in hakad uu ku yimid qabsoomida kulanka baarlamaanka DKMG ee Soomaaliya. Sh. Aadan Maxamed Nuur 'Sheikh Aaden Madoobe' guddoomiyaha baarlamaanka DKMG oo waraysi siiyay idaacadda Simba ayaa sheegay uu baarlamaanka fariismihiisa ugu horeeyay ka samaysan doono xarunta maamulka Gobolka Banaadir. Waxana uu tilmaamay in dayac tir lagu samayn doono baarlamaankii dawladii hore ay ku shiri jireen. Waxana uu sheegay in kulanka ugu horeeya looga doodi doono heshiiska ay wada gaareen Soomaaliya iyo Kenya ee xagga badda. Hoos ka akhriwarbixin

Baarlamaanka dawladda KMG oo fariisin cusub ka sameystay Xarunta Gobolka Banaadir

Talaado, 16 June 2009 - Simba, Muqdisho

Gudoomiyaha baarlamaanka dawladda KMG ayaa sheegay in xarunta baarlamaanka laga soo wareejiyay xaruntii gaadiidka booliska loona soo wareejiyay xarunta maamulka gobolka Banaadir, wuxuuna sheegay in dhowaan uu qabsoomi doono kulanka baarlamaanka.

Isagoo u waramayay idaacadda Simba, ayaa Sheekh Aadan Madoobe waxaa uu sheegay in howlo dayactir ah laga bilaabay xerada gaadiidka booliska halkaasoo ka dhacay shirkii u dambeeyay ee uu yeeshay baarlamaanka kaasoo ku dhamaaday jawi jahwareer ah ka dib markii tiro madaafiic ah lagu garaacay.

Waxaa jira cabsi iyo walwal fara badan ay dareemayaan dadweynaha ku dhaqan hareeraha xarunta maamulka gobolka Banaadir ee degmada X/weyne taasoo la xiriirta suurta galnimada in weerar lala beegsado fariisinka cusub ee baarlamaanka dawladda KMG.

Sh. Aadan Madoobe ayaa waxaa uu sheegay in kulanka ugu soo horeeyo uu baarlamaanka ka doodi doono heshiiskii dhanka badda ee ay wada galeen dawladda KMG iyo Kenya.

Gudoomiyaha baarlamaanka ayaa ugu baaqay xildhibaanada ka maqan magaalada Muqdisho inay soo xaadiraan si loo helo kooram buuxa oo uu ku furmi karo kulanka baarlamaanka, wuxuuna sheegay inuu dhamaaday waqti loo qabtay xildhibaanada ugu dambeys inay ku soo xaadiraan magaalada Muqdisho.

Isha: http://simbanews.com/_rs-1056_8-9/


Baarlamaanka DFKMG oo ku kala dareeray kulan ay ku yeelan lahaayeen Xarunta Gobolka Banaadir kadib markii tiradii loogu tala galay fadhiga  ee kooramka ay soo dhameystirmi waayeen

Sidaas waxaa qoray website ku hadla Afka xukuumadda Federaalka KMG ah, (Wararka Dowladda ee Maanta), June 16, 2009....

Waxaana shabakadaasi ay intaas ku dartay in "Gudoonka Baarlamaanka uu si adag uga carooday dib u dhaca iyo maqnaanshaha xildhibaanada wali ka maqan caasimada," waa sida website-kaasi warka u dhigay'e. Hoos ka akhri warkaas sidii website-ku u qoray..


Sawirka qoraalka ay qortay shabakada ku hadasha afka xukuumadda FKMG ah.

Talaado June 16, 2009 (Wararka Dowladda ee Maanta) Baarlamaanka tirada badan ee Soomaaliya ayaa ku kala dareeray kulan ay damacsanaayeen inay ku yeeshaan xarunta Gobolka Banaadir,halkaasoo loo asteeyay inuu baarlamaanku si Kmg ah ugu shiro,waxaana baaqashada kulankan ay ka dambeysay kadib markii tiradii loogu tala galay fadhiga uu ku furmi lahaa ee kooramka ay soo dhameystirmi waayeen.

Gudoonka Baarlamaanka ayaa si adag uga carooday dib u dhaca iyo maqnaanshaha xildhibaanada wali ka maqan caasimada, hase yeeshee Gudoonka Baarlamaanka ayaa dalbaday in xildhibaanada maqan ay si deg deg u soo laabtaan.

Xildhibaanada maqan ee ka tirsan Baarlamaanka ayaa ah kuwo inta badan ka cararay dagaalladii dhowaan ka dhacay Caasimadda, waxayna isugu jiraan kuwa kala dhuuntay markii xiisadaha dagaal ka bilowdeen  caasimada iyo kuwa aan markii horeba isku soo taxalujin in ay yimaadaan, waxaana baarlamankan barxan ee tiradiisu dhan tahay 550 xildhibaan wali loo la'yahay xarun deeqda oo leysugu keeni karo.

Inkastoo shalay gudoonka Baarlamaanka ku dhawaaqay in dayactir uga socdo Xaruntii Golaha Shacabka, ayaa hadana waxaa yar rajada xildhibaanada ku qabi karaan inay naftooda ku aaminaan Magaalada Muqdisho.

Xildhibaano ka soo jeeda Gobolada Puntland ayaa isaga baxsaday xaaladaha cakiran ee ka aloosan Magaalada Muqdisho iyagoo saldhigtay Galkacyo, sidoo kale xildhibaano kale oo iyana ka soo jeeda Bay iyo Bakool ayaa qaarkood waxay yihiin kuwo ku sugan Magaalooyinka Nairobi iyo Jabuuti.

Baarlamaanka ayaa niyad jab ku dhacay, markii uu arrimo ammaan u qabsoomi waayay kulamadoodii, taasoo ka dambeysay kadib markii Hoobiyeyaal lagu weeraray Xarunta Gaadiidka Booliska oo xarun Kmg u aheyd.

Isha: Website ku hadla Afka DFKMG (Official Website of the Government of Somalia), June 16, 2009


April 10, 2009: Dood dheer oo ay ka qayb qaateen madax ka tirsan DFKMG iyo khubaro oo looga dooday heshiiska Kenya iyo Soomaaliya - Dooda waxaa ka qayb qaatay (C/raxmaan C/shakuur Warsame, C/raxmaan Xaaji Aaden Ibbi, Maxamed Cumar Dalxa iyo Caydiid Ilka-Xanaf, )


April 2009: Waraysigii Danan ee Suldaan Siciid Cartan

Markii heshiiskii Is-afgarad ee Kenya iyo Soomaaliya la saiixay (April 2009) ayaa Idaacadda Danan waxay waraysi la yeelatay Suldaan Siciid Cartan oo markaas ku sugnaa Hargeysa, Waxa uu sheegay in da'diisu ay tahay 80 jir oo uu ka soo qayb qaatay halgankii Soomaaliya, waxana uu intaas ku daray intii dawladood oo soomaray Soomaaliya waxay raadinayeen dhul maqanan ee ma jirin dawlad tiraahda dhulkan qaata. Waxana uu sheegay in Dawladda Kumeelgaarka aysan xaq u lahayn in ay xuduud bixinteeda faraha la galaan... "Xuduudaha maxaa ku saladay xamar ayaanay wax ka qabane" ayuu yiri. "Markii aan maqlay waan xanuunsaday" ayuu hadalka ku daray.

Isagoo ka hadlaayey in DFKMG aysan awoodeeda ahayn waxa uu yiri "Maxaa geliyey dal la kala saxiixo iyo xuduudo, arrimahaas horta maxaa keenay awoodooda matahay, maxay ka doon-doonayaan halkaa... Kenya waa doonaysay meeshaas wax badan ayay doonaysay laakiin cid ay kula dhacdo ayay waydey oo wax ka qaadato.."


aadanGuddoomiyaha Baarlamaanka DFKMG oo Qiray in Heshiiskii Dhexmaray Soomaaliya iyo Kenya uu Ku Saabsan yahay Xadaynta Badda...
iyo in Isniinta June 15, 2009 uu Baarlamaanku ka doodi doono heshiiskaas..
Akhris/Dhegeysi

Prof. Dalxa oo Sheegay in Arrinta Badda uu Baarlamaanku ka soo saari doono Go'aan Shacabku ku Qanci karaan...
Dhegeyso/Akhri


cnuurSh. C/Qaadir Nuur Faarax: Baarlamaanka Go'aan kii hore ka duwan haka qaato arrinta ku saabsan heshiiska badda.. Waraysi...
"ragga dagaalka iskala soo horjeeda ee xabadaha ridaya dhammaan Walaalayaalow xabbadda joojiya, walaalayaalow Ilaahay ka baqa, walaalayaalow ummaada u naxa, walaalayaalow diinta iyo ubadka iyo dumarka iyo dhulka ha gubina, walaalayaalow yaan waddankeenu faraha ka bixin... Waraysi.... Akhri/Dhagayso...


BAARID | SEARCH


Kenya oo Meesha Ka Saartay Fara-galin Millatari oo ay ku samayso Soomaaliya - June 24, 2009
"Wasiirka Difaaca Kenya Maxamed Yusuf Xaaji ayaa waraysi uu siiyay VOA-da waraysi uu siiyay si cad ugu sheegay in ayan Kenya marna gali doonin dhulka Soomaaliya..." Waxaa mowqifkaas sii xaqiijiyay George Saitoti oo ka qayb galay kulankii Kibaki iyo Akhri...


Kulaabo bogga www.SomaliTalk.com © www.SomaliTalk.com

La soo xiriir:

 


Dhul-Badeedka Soomaaliya


Axmad Walad Cabdalla oo Muujiyay in uusan ka war hayn Akhbaarta ku Saabsan Qalfoofka Qaaradda Badda ee Soomaaliya u Gudbisay Qarammada Midoobay ee uu isagu Diyaariyay....



Suldaan Siciid Cartan: "Kenya waa doonaysay meeshaas wax badan ayay doonaysay laakiin cid ay kula dhacdo ayay waydey oo wax ka qaadato.."
Dhegeyso ama
soo rogo



Faarax Qare: Calaamada Kenya iyo Soomaaliya waa Xariijin kala cad.. iyo Kenya & Soomaaliya oo Raadinaya Xallinta Muran Dhuleedka...
Akhri/Daawo


prof ibbi
Dowlada KumeelGaarka ah oo Markale Heshiiskii Nairobi Difaacday, Qirtayna in Kenya Badda Soomaaliya Kusoo Xadgudubtay Akhri/Daawo...


wasiir
Kenya oo 2005 la soo Xiriirtay DFKMG ayadoo Doonaysay in ay wada hadal furaan ama sheegasho ku saabsan qayb ka mid ah Badda Soomaaliya.


UN
Shirka Jaraa'id ee Xoghaynta Guddiga Xadaynta Badaha - oo Sheegay Hadallo Daaha ka Rogay Arrimo ay Madaxda DFKMG ku dadaalayeen in aan shacabku ogaan:


caruusha
Isbarbar dhig Heshiisyadii Caruusha iyo Nairobi... Akhri..



Bayaan ay soo saareen Jaaliyadda Soomaaiyeed -Yurub



DHAXALWAREEG ( Gabay Cusub) - Eng. Cibaar



"...haddii aad tagtid Archive-ka ama Libreeriga Congress-ka Maraykanka waad heleysaa EXACTLY BEARING-ka (jihada xadku u socdo) oo ilaa inta uu qalin gaaro ku tusaysa, waa wax record-kii meesha jiro (Diiwaan). Akhri..



Barnaamij ay ka qayb qaateen  Prof. Cabdi I.Samatar  iyo Eng. Maxamed Cali  oo ku saabsan dhul-badeedka Somalia
Dhagayso ama
Soo rog



Xasan Dhooye oo faahfaahiyay Heshiiskii Kenya & Soomaaliya
Q.1aad: Dhagayso ama soo rogo
Q.2aad: Dhagayso ama
soo rogo



Barnaamij ku saabsan xuduudaha badaha ee Radio Codka Beesha



ka hor daabacaadii cilmi-baarista


HESHIISKII IS AFGARAD

Heshiiskii Is Afgarad ee Kenya iyo Soomaaliya: Af-Soomaali
| English Version



Waxaan ku baaqeynaa in Heshiiska badda ee dhexmaray dowladda Kenya & DFKMG loo soo bandhigo culimaa’uddiinka iyo qaanuunyahanno, kadibna baarlamaanka DFKMG.. Akhri