Hogaanka baarlamaanka oo sharci darro ku tilmaamay "calaamadeynta xuduuda
badda ee Somalia iyo Kenya"
Posted on: Sabti, 11 April 2009 - Simba, Muqdisho
Gudoomiye
ku xigeenka baarlamaanka ee dowladda KMG, Prof. Maxamed Cumar Dalxa oo u
waramayey idaacadda Simba, ayaa ka hadlay arrintan muranka uu ka taagan yahay ee
xuduuda dhanka badda ee Soomaalida la wadaagto dalka Kenya.
Prof. Dalxa ayaa ku tilmaamay qododbkaasi
inuu yahay mid qabyo ah maadaama aan la
marsiinin baarlamaanka si u ansixiyo, isagoona
carabka ku dhuftay madaxda dowladda KMG in aysan
xaq u laheyn heshiiskaasi oo kale inay kaligooda
saxiixaan.
Heshiiskan ayaa waxaa uu abuuray xiisad iyo
shaki badan, iyadoo madaxda ugu sareysa dowladda
KMG ay ku doodayaan in uusan jirin heshiis rasmi
ah oo dhankooda la saxiixdeen dowladda Kenya,
balse ay arrintu ay tahay ka hadal oo kaliya.
Prof. Dalxa ayaa sharci darro ku sheegay
talaabadan ay qaadeen madaxda sare ee dowladda
KMG ka dib markii ay ka talaabsadeen oo ay
hareer mareen dastuurka iyo jartarka u degsan
dowladda.
"Ma dhici karto wax qabyo ah in laga
aqoonsado caalamka, mana loo soo marin
qodobkaasi sharciga" ayuu yiri isagoo ku sugan
magaalada Nairobi, Prof. Maxamed Cumar Dalxa,
gudoomiye ku xigeenka baarlamaanka.
Isha:
http://www.simbanews.com/
|