Ethiopia was colonized by Italy for five years: 1936-1941

DAAWO:- VIDEO: Muhammad: Legacy of a Prophet

Daabaco Boggan | Print

May 27, 2007: Geedi iyo Seyoum Mesfin oo calanka Itoobiya ka taagaya Xamar.... GUJI...

Ali Mohamed Gedi
Prof. Cali Maxamed Geeddi oo Diyaarad Militari oo Itoobiyaan ah keentay Afgooye:29/12/06, Sawirka: AP.
Geeddi oo aan Weli Ka Jawaabin eedayntii ahayd in "uu Mas'uul ka ahaa Mamnuucidii Dhoofinta xoolaha Akhri

Xildhibaan Ka Fakaday Itoobiya

The rise and fall of Mogadishu's Islamic Courts,

Read Here..

VIDEO: "The Most Lawless War of Our Generation" - Fmr. UN Spokesperson on Somalia or Read here

VIDEO:: Ra'iisal Wasaarihii hore ee Soomaaliya, Mudane Cabdirisaaq Xaaji Xuseen oo ka hadlaayo duulaanka cadowga Itoobiyaanku ku soo qaadeen Soomaaliya... DAAWO

VIDEO: Xeryaha ay Shacabku ku qaxeen

"Waxaan Rabnaa in aan Soomaaliya Ka Asaasno Dowlad aan wax Diin ah Shaqo Ku Lahayn
Maxkamaduhuna Waxay rabaan in ay Soomaaliya ka Asaasaan Dowlad Islaami ah" kuxigeenka wakiilka DFKMG ee UN Akhri...

Dhagaxbuur: 9 Shaqaale Shiine ah iyo 65 askari oo Itoobiyaan ah ayaa lagu diley meel Shiinuhu Batrool Ka Baarayeen... Akhri..

Ceelka iyo Xaruntii Conoco, Garoowe, Soomaaliya... Akhri....

Nidaamka Islaamiga ee Wadaagga Batroolka: Laga bilaabo Morocco ilaa Indonesia: Q.3aad

Qaybta: 1aad | 2aad | 3aad

Dowlada FKMG Ah Ee Soomaaliya oo Indhaha Ka Laabatay Ceelasha Shidaalka Ee Ay Kenya Ka Baarayso Xadka Soomaaliya... Akhri

Kenya ma Badda Soomaaliyeed ayey Shidaal Ka Qodaneysaa?
Dawladda Kenya ayaa dardar gelisey baaritanka batroolka ay ka wado xeebta, waxaana soo baxay warar tibaaxaya Akhri

Itoobiyaan baaraya laba nin oo Soomaali. Muqdisho. AFP - Jan 13, 2006

Taangi Itoobiyaan ah oo taagan garoonka muqdisho - AFP - Dec 2006
ARAGTIDA/MAQAALLADA DADWEYNAHA EE MAANTA

Ciiddanka DFKMG Soomaaliya oo laba askeri looga dilay gudaha suuqa weyn ee bakaarha Isniintii...

Ammaanka suuqa weyn ee bakaaraha ayaa khalkhal galay Isniintii ka dib markii suuqaasi lagu dilay laba askari oo ka tirsanaa ciidanka dowlada FKMG oo labisan isla markaana hubeysnaa kana tirsanaa Ciiddanka Boliska ee DFKMGS.

Dhimashada labadaan askeri ayaa ka danbeysay Iska horimaadka aan sidaa u weyneyn oo si kedis ah ku dhexmaray dablay hubeysan iyo qaar ka tirsan ciidanka , sidoo kale warar kale ayaa sheegaya inay Dabley hubeysan iyo Ciiddamo ka tirsan Boliska oo hawl Ammaan-sugidda ah ku joogay Bosteejadda Baabuurta Kismaayo oo ku taalla bartamaha Suuqa Bakaaraha.

Warar aanu ka helay dad goobjogayaal ah ayaa waxay sheegayaan inay koox aad u hubeysan oo aan haybtooda la garaneynin ay tacshiirad ku fureen Ciiddanka Boliska, oo ay is-difaac galay, waxayna is-rasaasayntaasi socotay dhowr daqiiqo ku geeriyooday labo Askari iyo 4 qof oo shacab ah, dhaawacune waa tiro intaa ka badan, dadkaan ayaa ahaa kuwo aan wax lug ah ku lahayn shaqaaqadaasi.

Arintaan ayaa ah mid ku soo noqnoqotey gudaha suqa bakaaraha oo an horey looga baran iska hor imaadyada hubeysan una ahaa meel ay ka caagan yihiin malleshiyaadka aan heybtooda la garanaynin oo hubeysan balse kooxahaan ayaa caadeystey in ay si gaadmo ah ku khaarijiyaan xubnaha cidanka boliska ee ka tirsan kuwa DFKMG isla markaana ka howgalaya suqa bakaaraha iyaga oo qaarkoodna ay bilaabeen arimo la xiriira Canshuur-ururinta iyo Ammaan Sugidda taas oo ay ka wadaan Suuqa Bakaaraha.

Gudoomiyaha gobolka banadir Maxamed Cumar Xabeed ( Maxamed Dhere ) ayaa maanta warsaxaafaded ka soo sarey xafiskisa magaalada muqdisgo .

warsaxafadeed

Maxamed Dheere wuxu warsaxafadeedkiisa kaga hadlay qaraxii ismidaaminta ahaa ee lala beegsaday guriga raisal wasaare geedi iyo khasaarihi uu geystey oo lahaa dhimasho iyo dhaawac .

Maxamed Dheere wuxu warsaxaafadeedkiisa ku sheegey in qaraxaasi ismidaaminta ah ay ku nafwaayeen ilaa 7 ruux oo ka mid ahaa ilaalada gaarka u ah raisal wasaaraha iyo 3 rux oo rayid ah gudoomiyaha gobolku wuxuu kale oo uu ka waramay qaraxyadaan iska soo daba laabanaya in ay ka danbeeyaan wuxu ugu yeeray argagixiso caalami ah ee hos taga urur weynaha al qacida qeybteeda somaliya wuxuna sheegay in koxahaan ay baabi.iyen xubno boolis ah mas.ulliyin iyo dad rayid ah kuwaas oo u shaqeynayey dalkoda iyo dadkoda iyaga oo mararka qaarkood ku andacooda kooxahaasi in ay yihin qabiil isdifaacaya balse sida muqata waa kuwo halis ku ah gud aha beesha calamka gaar ahaana dalka somaliya

"waxaa marqaati ma doonto ah in koxahani ay ka heystaan taageero dowlado iyo hay.ado gacan ka siiya howlahaan argagixisada ah si ay u dhibaateeyaan dadka iyo dalka somaliyeed " ayuu yiri Maxed Cumar xabeed oo mar kale ku cleiyey in qaraxyadaan ay ka danbeeyaan odoyaasha beelaha hawiye oo uu sheegay in ay horey u cadeyeen in ay iyagu dagaalamayaan wuxuna sheegay in maamulkisu isha ku haayoi goor ay noqotaba sharciga in la horgeyn doono waxana jira ayuu yiri kooxahaani in sababta ay wax u qarxinaya ay tahay in aanu qabsoomin shirka dib u heshiisinta wuxuna meesha ka saaray in shirka u qabsoomi dono xiliga logu tala galay nabad gelyadane ay sugi doonaan

Maxamed cumar xabeed ( Maxamed Dheere ) ayaa ku cel cleiyey in gudoomiyayaasha degmooyinka maamihi la soo dhaafay la ugaarsanayey isla markaana uu faray in gudoomiye kastahu uu sameystaa laba ilaaliye oo boolis ah oo uu saldhiga degmadiisa ka xulanayo gudoomiyihi aan sidaa yeeline dhibaatadii soo gaarta isaga ayaa mas.ul ka noqonaya ayuu yiri Maxamed Dheere oo intaa si raaciyey in kooxaha ku qaraabta iyaga oo labisan dareeska ciidamada uu maamulkiisu talaabo ka qaaday taasine ay dhamaatay xiligan wuxuuna dhinaca kale shegay in koxaha haatan wax qarxiya ay awoodoodu ku so hartay oo keliye in ay bamboyin gacanta ka turaan isla markaana ay bustoolado ku so qorsadan maro ka hos taas sida ugu dhaqsiyahay badan u sooafjarmi doonto

MAAMULKA GOBOLKA BANAADIR OO SOO�

Maamulka Gobolka Banaadir oo uu horseedka ka yahay Max�ed Cumar Xabeeb (Max�ed dheere) ayaa wareegto uu ka soo saaray xafiiskiisa, sumadeeduna tahay DHM/SSDM/794/077 kuna taarikheysneyd 30/05/07 waxa uu ku mamnuucay in kaddib markii uu arkay dhibaatada ay aloosaan burcadda caadeysatay in shacbiga Soomaaliyeed khal-khal iyo nabad gelyo xumo joogto ah, kaddib markii uu arkay nidaam darrida gaadiidka la dhigayo jidadka hareerahooda taasoo ka dhalan karta nabad gelyo xumo, markuu arkay gaari gacano, mootooyin iyo qalab kale oo la soo saaro waxyaa-baha qarxa isla markaana la dhigayo jidadka hareerahooda, markuu tixgeliyay soo jeedinta hay�adaha nabad gelyada gobolka Banaadir, isla markaana uu eegay xaaladda adag ee dalku marayo waxaa la go�aamiyay in laga bilaabo 30/5/07 la mamnuucay inaan la dhigi karin jidadka hareerahooda baabuur, gaari gacano, mootooyin iwm, iyadoo aanay cidi la joogin, ciddii arrintaasi fulin waydana waxay u bareertay nabad gelyo xumo, waxaana la horgeyn doonaa sharciga.

Sidoo kale wareegto taa la mid ah oo sumadeedu tahay WXX/XW/157/007 ee 28/05/07 ujeedadeeduna tahay dhulka xadiiqada xoolaha (Zoo) kana soo baxday xafiiska wasiirka Xanaanada xoolaha, sidoo kale iyadoo la tixgelinayo baahida weyn ee loo qabo in la helo dhul baaxad weyn leh oo ku yaalla gobolka Banaadir sida dhulka ugaarta ee degmada Dharkeynley ee ay lahaan jirtay WXX baahi jirto awgeed waxaa loola wareegay dan guud.

Sidoo kale wareegtada sedexaad ayaa lagu wargeliyay dhamaan guddoomiyaasha degmooyinka Gobolka Banaadir in dhowaan la dhameystiri doono dhismaha maamulka Degmooyinka Gobolka Banaadir iyadoo horey loo dhameystiray dhismaha heer laameed, waxaana haatan la gudo galayaa dhismaha heer tabeello ee degmooyinkaas, waxaana la faray guddoomiyaasha degmooyinka inay u diyaar garoobaan arrintaas.

WASIIR KU XIGEENKA DHALINYARADA IYO

Xaflad ballaaran oo ay ka qeyb galeen wasiir ku xigeenka dhallinyarada iyo isboortiga Axmed Ciise Awaare, xiriirada kala geddisan ee isboortiga dalka iyo maamulaha machadka Olympic fitness centre iyo madax ka tirsan Guddiga shirkadda Telecom ayaa shalay lagu qabtay Hotel Naasahablood ee magaalada Muqdisho.

Xafladdan oo aheyd mid si heer sare loo soo agaasimay ayaa waxaa lagu abaal mariyay ama la guddoonsiiyay koob sanadkiiba mar la guddoonsiiyo shaqsiyaadkii loo arko inuu kaalin mug leh ka qaatay horumarinta isboortiga Soomaaliyeed ayaa waxaa sanadkan nasiib u yeeshay in la guddoonsiiyo ayna guddoonsiiyaan masuuliyiinta wasaaradda Isboortiga iyo dhallniyarada maamulaha xarumaha Olympic Fitness centre Md. C/laahi Axmed Colow.

Munaasabaddan oo uu hadal gaaban ka jeediyay wasiir ku xigeenka isboortiga Axmed Ciise Awaare ayaa ku amaanay dadaalka hagar la�aanta ah ee uu muujiyay Colow wuxuuna sheegay in taasi ay keentay in lagu abaal mariyo koobka sanadlaha ah ee sanad kasta la guddoonsiiyo shaqsiyaad gaar ah.

C/laahi Axmed Colow oo guddoonsiinta koobkaas kaddib hadal gaaban ka jeediyay munaasabaddaas ayaa sheegay in uu yahay nin kaalin weyn ka soo qaatay horumarinta isboortiga isla markaana iyadoo lagu jiro xilli adag uu sameeyay machadyo jimicsi oo ay ka faa�ideysteen dad fara badan oo markii hore ulo ku kutubayay basle markii dambe markii ay muddo qaateen jimicsi ay ulihii iska tuureen taasoo keentay in inay ku soo xirmaan dad badan xarumaha machadka.

Sidoo kale wuxuu hoosta ka xarriiqay in horumarinta isbortiga uu si weyn taakuleyn uga qaatay xilli uu dalka ku jiro xaalad adag, haatanna uu diyaar u yahay inu u sii labalaabo inta uu nool yahay.

Guddoomiyaha Guddiga Olimbikada Soomaaliyeed C/qaadir Gacal Abkow iyo Md. Tarabbi oo iyaguna munaasabaddaa ka hadlay ayaa sheegay in C/laahi Axmed Colow (Goerge) uu yahay halyey Soomaaliyeed oo isboortiga Soomaaliyeed dartiis isagoo ku nool qurbaha dalkiisa hooyo uga doorbiday si uu heer u gaarsiiyo taasina uu ku amaanan yahay, maantaan fursaddan loo gartay in lagu guddoonsiiyo abaal marintan oo loo arko inay tahay mid adduunka ku weyn oo sanad kastaba la guddoonsiiyo shaqsiyaadka hormuudka ka ah hormarinta isboortiga.

Muuse Maxamuud Jiisow
somali39@hotmail.com
Muqdisho Somaliya
025215576666/ 002521653623

Jariidada Telegraph ee ka soo baxada Ingriiska oo warbixin ka qortay dhacdadii Baargaal ayaa ugu horayn soo xigatey warkii wasiirka maaliyadda DGPL, Gaagaab, ee ahaa in dadka lagu diley aagga Baargaal ay ka mid yihiin dad ka soo jeeda dalalka "America, Britain, Sweden, Morocco, Pakistan iyo Yemen".

Afhayeen u hadlayey safaarada Ingriiska ee Nairobi oo arrinta Soomaaliya la socda waxa uu yiri: Waan la soconaa warka sheegaya in dagaal-yahaniin shisheeya ah lagu diley Soomaaliya, laakiin xilligan la joogo wax akhbaar ah oo ku saabsan ma hayno."

Jariidada oo warkeeda sii wadata waxay qortay: In wararka soo noqnoqonaya ee ay DFKMG iyo Itoobiyaanku ku sheegaan in shisheeye ay ku jiraan Ingriis ay ka dhinac daggaalameen Mujaahidiinta Soomaalida in aan ilaa hadda la cadday loo hayn"

Jariidada Telepraph waxay intaas ku dartay "Dhawr qof oo goob joogayaal ah, oo ay ku jiraan dad ka tirsan hay'adaha Gargaarku waxay sheegeen 'caddaymaha' u horeeya ee muujinaya dagaalyahaniin shisheeye ah in ay tahay arrin xaalad-abuur ah si taageero caalami ah loogu helo hawl-galka looga soo horjeedo Islaamiyiinta Soomaaliyeed" waa sida jariidadu warka u dhigtay'e.

Dhanka kale waxay jariidadu sheegtay in Cali Maxamed Geeddi uu weerarkii gurigiisa lagu qaaday Galabnimadii Axadii ee ay 7-qof ku dhinteen uu ku eedeeyey Al-Qaeda. Isha: qormada Telepgraph: Islamic terrorist killed in Somalia was British

Qarax xooggan ayaa xalay (oo ay Isniin soo geleysey) ka dhacay meesha lagu magacaabo xerada Tolmada ee aagga wersheddii Caanaha ee magaalada Muqdisho, halkaas oo ay ku sugan yihiin ciidamada DFKMG. Lama oga khasaaraha halkaasi ka dhacay.

COPENHAGEN, Denmark - Markab ah kuwa xamuulka qaada oo laga leeyaay Denmark ayaa lagu afduubay xeebta Soomaaliya, sida uu Sabtidii sheegay mulkiilaha markabkas, isagoo soo xiganey warbixin laga helay markab ay leeyihiin ciidamada Faransiisku, sida ay werisey AP.

Markabka oo lagu magacabo Danica White waxa uu kusii jedey magaalada dekeda ah ee Mombasa Kenya isagoo ka yimid Dubai, waxan auu Mombasa u wadey qalab dhisme, waxaana la qafashay Sabtidii (Jun 2) ama gelinkii dambe ee Jimcadii (Jun 1), sidaas waxaa yiri, Jorgen Folmer, oo ah afhayeen u hadlayey shirkada xamuulka qaada ee Danish-ka ah ee la yiraahdo H. Folmer & Co.

Waxa uu afhayeenkaasi sheegay in markab ciidamada Fransiisku uu aagga lagu afashay markabkaas ku sugnaa, laakiin ay u suurta geli wedey in uu markabkaas badbaadiyo maadaama Markabka Faransiisku uusan geli karin biyaha Soomaaliya.

Afhayeenku macadayn meesha qafakaasi ka dhacay, laakiin waxa uu sheegay in ay tahay biyaha Soomaaliya. Shirkaddana waa u suurta geliweydey in ay wax xiriir ah la sameeyaan shaqaalihii markabka saarnaa.

Daahir Riyaale oo Itoobiyaanku Ku Baareen Hargeysa intii uusan u Dhoofin Itoobiya...

Waxaa waji-gabax ku noqotay maamulka Daahir Riyaale kaddib markii diyaarada Ethiopian Airline oo magaalada Hargeysa ka qaadeysey wafti uu hoggaaminayo madaxweynaha Somaliland lagu amray in la baaro iyaga iyo alaabtoda, arrintaas oo dhacday Sabtidii June 2, 2007 xilli uu Daahir Riyaale Kaahin ka duulayey Magaalada Hargeysa, isagoo raacayey diyaaradda Itoobiyaanku leeyihiin ee Timaada Hargeysa.

Markii arrintaasi dhacday dad goob joogayaal ah waxay sheegeen in waftiga Daahir Riyaale ay arrintaas ka biyo diideen, laakiin ay saraakiishii Itoobiyaanka ahaa ee ku sugnaa garoonka diyaaradaha Hargeysa ay u sheegeen in waftigaas iyo alaabtoodaba la baarayo, sidaasna lagu baaray.

Qaar kamid ah warbaahinta maxalliga oo arrintaas ka hadlayey waxay sheegeen in "muran iyo is maandhaaf ka dhashay baadhista Madaxweynaha iyo alaabtiisu ay xannibtey duullimaadka diyaaradda muddo Nus-saac ka badan."

Wararkaasi waxay sheegeen, waa sida ay warbaahinta maxalliga hadalka u dhigta'e: "in Madaxweyne Riyaale aanu qaadan wax tallaabo iyo go'aan ah oo uu si adag ugu muujinayo diidmadiisa � qawl iyo ficil midna, isla markaana uu si niyadjab leh uga warsugayey waanwaan, dood iyo maslaxaad ay wadeen Wasiirka Arrimaha Dibadda, mudane Cabdillaahi Maxamed Ducaale iyo wasiirka Duulista Hawada, mudane Cali Maxamed Warancadde, iyada oo sida la sheegay saraakiisha Nabadsugidda Diyaaraddu ay ku adkaysteen inay amar ku haystaan baadhistaas."

Daahir Riyaale safarkiisa uu kaga ambabaxay Hargeysa waxa uu kusii jeedey Norway iyo Sweden. Waxase uu sii maray Addis Ababa, halkaas oo uu habeenimadii Axada kula kulmay Ra'iisul wasaraha xukuumada Itoobiya, Zenaw, in kasta oo aan la shaacin uu uga dacwoodey sida ay sarakiisha Itoobiya ula dhaqmeen markii uu ka soo duulayey Hargeysa, waxa keliya oo la sheegay in kulankaas albaababadu u xirnaayeen.

Warbaahinta Itoobiya waxay soo saareen sawir muujinaya Daahir Riyaale oo is-gaabinaya si uu ula sinmo Meles Zenawi uu si qummaati ah u taagan iyagoo isa salaamaya. [Eeg dhanka midig.]

Arrinta ah in Daahir Riyaale lagu baaray Hargeysa oo ay baareen saraakiisha Itoobiya ee ku sugnaa Hargeysa waxay maamulka Somaliland ku noqotay waji gabax.

Xalay oo Sabti soo geleysey fiidkii waxaa magaalada Kismaayo lagu diley Taliyihii Nabadsugidda Kismaayo, Makhtal Faarax, waxaana wararku tibaaxeen in ay toogteen saddex nin oo aan haybtooda la aqoon.

Arbacadii lasoo dhaafay ayey ahayd markii Muqdisho lagu diley taliyihii nabadsugidda Degmada Xamar weyne.

Xalay oo Sabti soo geleysey waxaa magaalada Muqdisho lagu diley Guddoomiyihii Degmada Hawl-wadaag, Xasan Farey, waxaana dilkaas geystey dabley aan haybtooda la garanayn, kuwaas oo meeshii ka fakaday.

Xalay fiidkii waxaa weerar lala beegsaday goob ay ciidamada Itoobiya kaga sugan yihiin degmada Yaaqshiid. Waxaana weerarkaas ka bacdi ay ciidamada Itoobiya fureen rasaas xooggan. Ilaa hadda lama oga khasaaraha dhabta ah ee ka dhacay halkaas.

Telefishanka Maraykanka ee CNN ayaa sheegay in Jimcadii uu Maraykanku duqeeyey meel ka tirsan Woqooyiga Bari ee Soomaaliya (Aagga Baargaal), waxana uu sheegay in weerarkaas lagu qaaday wax looga shakisan yahay Al-Qaeda, waa sida warku u dhigay'e. Telefishanku waxa uu soo xigtey ilo aan la cayimin, kuwaas oo sheegay in aan la aqoon khasaaradii uu weerarkaasi geystey.

Baargaal waa magaalo ku taal xeebta Badweynta Hindiya, gaar ahaan cirifka Woqooyi Bari ee Soomaaliya, waxay fogaan ahaan qiyaastii magaalada Boosaaso dhanka bari ka xigtaa 230km marka laga eego cabbirka khariidada. Islamar-ahaantaasna waxay qiyaastii 100km woqooyi ka xigtaa magaalada Xaafuun.

Dagaal Kharaar oo ka dhacay Buuhoodle.

Waxaa Jimcadii dagaal sababay dhimasho ugu yaraan 10 ruux iyo dhaawac tira badan uu ku dhexmaray labo maleeshiyo beelood oo hadda ka hor ku dagaalamay degaanka Aangalo ee Gobolka Ismaamulka Soomaalida ee Itoobiya, labadaan reer ayaa lagu kala magacaabay Tayaag iyo Reer Hagar .

Nin ku sugan degmada Buuhoodle oo somalitalk.com u waramay ayaa sheegay in dagaalkaan Jimcadii oo ku sii fiday halka loo yaqaan Quraca Buuhoodle oo meel banaan ah layska helay uu khasaare ba'an geystay oo in ka badan 10 ruux ay ka dhinteen labadii dhinac ee dagaalku dhexmaray midkood.

Waxaa hadda soo kala dhexgalay labada dhinac ee dagaalamaya, maamulka iyo odayaasha degaanka, inkastoo, Buuhoodle ay tahay meel qeybsan oo ay ku sugan yihiin dad kala taageeersan labada dhinac ee Puntland iyo Somaliland taas oo xoojinaysa xamaasada dagaalka, Maamulka Puntland ayaan wali ka hadlin waxa Buuhoodle ka dhacaya, balse hadda waxaa gurmad xoog leh ku jira duqayda iyo waxgaradka gobolada laysku yiraahdo SSC(Sool, Sanaag iyo Cayn).

Maxamuud Cumar Bille
Garoowe | mcbille@gmail.com

Ciidamada Xukuumada Ethiopia Oo Baaritaan Ka Sameeyey Xaafado Kamida Caasimada Muqdisho.

Ciidamada xukuumada Ethiopia ayaa Jimcadii waaberigii Dhaq dhaqaayo baaritaan ka bilaabay xaafado kala duwan oo kamida caasimada muqdisho islamrkaana buux dhaafiyay Xaafadda Towfiiq ee degmada Yaaqshid halkaasi oo ay ka bilaabeen howlgal ay guryaha ku baarayaan.

Dadka deegaanka xaafada Towfiiq ayaa sJimcadii ku waabariistay iyadoo Ciidamo Ethiopian ahi ay ku gadaaman yihiin guryahooda ,islamrkaana dhamaan dadka degan xaafadahaasi ku amray in aysan kasoo bixin guryahooda.

Sidoo kale Ciidamadan Ethiopianka ah ayaa galay guriga sheikh yaxye oo kamid ahaa culimada golaha maxaakiimta islaamka soomaaliyeed islamrkaana ku shahiiday dagaaladii Muqdisho, waxaana la sheegay in ay gurigaasi baaritaan xoogan ka sameeyeen.

Ciidamada ethiopianka ayaa galay sidoo kale guryaha dadka rayidka ee deegaankasi islamrkaana baaritaano ku aadan hubka iyo xijaabka ay haweenku dar alle u qaateen ka baarayey iyagoo sidoo kale cagta marinayey wax alla waxii ay arkaan oo ay galeen guryo ay uga shakisnaayeen in lagu aasay hub.

Si kastaba ha ahaatee tan iyo xiligii ay istaageen dagaaladii u dhexeeyey xoogaga diidan joogitaanka ciidamada shisheeyey ee dalka ku sugan ayaa ciidamada xukuumada Ethioipia u muuqanayaan kuwo aargoosi ka wada gudaha caasimada muqdisho islamrkaana isha ku haya dadka muslimiinta ah iyo weliba haweenka xijaaban.

yaasiin maxamed cali (faytin)
yaasiinfaytin@hotmail.com

London: Mudaaharaad Lagu Qabanayo Halka Ay Ku Shirayaan International Somalia Contact Group

Mudaaharaad Balaraan oo ayaa subaxa Talaadaha ah 05/06/07 10:30am ilaa 1:00pm lagu qabanayaa ilinka hore ee wasaaradda arrimaha debeda Ingiriiska, halkaasoo ay ku shirayaan Kooxda Xiriirka Caalamiga ah ee Soomaaliya.Dadwaynaha Soomaaliyeed ee ku dhaqan wadanka Ingiriiska ayaa loogu baaqayaa in ay si xoog leh uga soo qaybgalaan mudaaharaadkaas oo ay wax kasta u soo daayaan si ay u beeniyaan hadalkii Males Zenawi ee ahaa in inta badan Soomaalidu taageersantahay Gumaysiga Itoobiya ee Soomaaliya.

Kooxda xiriirka Caalamiga ah ayaa ka koobaan wadamadda, Maraykanka, Ingiriiska, Talyaaniga, Norway,
Sweden, Tanzania, Gudoonka Midowga Yurub, iyadoo si korjooge ah ay uga soo qaybgalayaan Qaramada Midoobay, Jaamacada Carabta, IGAD iyo Midowga Afrika.

Codkaagu Saamayn ayuu leeyahay ee lasoo bax, u sheeg dunidda in aad Gumaysiga Itoobiya diidantahay, codkaaga ugu gargaar walaalahaaga gumaysiga ka dhiidhiyey.

wixii faahfaahin ah kalasoo xariir A. Warsame on 07951414019 ama M. Suldan 07939952197. Email: cabdirahman@hotmail.com

Cinwaanku waa: King Charles Street, London SW1A 2AH

Maku hadashaa Afka Ethiopianka: Dhegeyso halkan
Waa waraysi lala yeeshay Tamagne Beyene iyo Neway Debebe oo caan ka ah Itoobiya oo ka hadlaya xukun xumida TPLF, doorashadii May 2005 ee la musuqmaasuqay iyo dilka dadka aan waxba galabsan Dhegeysi