- Guddigii Culuma-u-diinka ee loo
xilsaaray xalintii xurguftii beelaha Cali Jibraahiil iyo Dishishe oo soo
dhamaystiray khilaafkii labada beelood:
- Puntland oo Qaylo-dhaan ka soo saartay
roobab khasaare naf iyo maal ugu geystay Sanaag Bari.
Guddigii Culuma-u-diinka ee loo xilsaaray
xalintii xurguftii beelaha Cali Jibraahiil iyo Dishishe oo soo dhamaystiray
khilaafkii labada beelood:
Ka dib khilaafkii soo kala dhexgalay beelaha aynu kor ku soo sheegnay oo ku
saabsanaa aanooyin qabiil, ayaa waxaa arintaan isu xilsaaray in ay xaliyaan
guddi culumo ah oo ka koobnaa 6 xubnood, kuna guulaystay ka dib markii ay
taageero ka heleen 2-dii reer ee xurguftu dhexmaray:
Heshiiskii labada beelood oo khamiistii ay soo bandhigeen culuma-u-diinka ayaa
waxaa goob joog ka ahaa guddoomiyaha gobolka Bari, Muuse Geelle Yuusuf, wasiir
kuxigeenka Hawlaha Guud iyo Gaadiidka iyo Duulista Hawada, Maxamuud Bile Dubbe,
wasiir kuxigeenka arrimaha gudaha iyo amniga, Ibraahim Ismaaciil Cartan (Xaaji
Bakiin), duqa degmada Boosaaso, ahna guddoomiyaha golaha deegaanka degmada
Boosaaso, Khadar Cabdi Xaaji Mire, taliye xigeenka ciidanka booliiska Puntland,
Gaashaanle sare; Cabdicasiis Siciid Gacamey, aqoon yahanno, isimo iyo madax
kale.
Dhamaan shacabka Reer Puntland iyo Maamulka ayaa soo dhaweeyey heshiiskaan ay
gaareen beelaha walaalaha ah, ee lagu soo dhamaystirayo khilaafka.
Issimada iyo Culuma-u-diinka ayaa had iyo goor xaliya khilaafaadka beelaha isku
dhaca.
Iyadoo ay dhawaan, soo afjareen Issimada Goboladda Sool, Cayn, Nugaal iyo Mudug
khilaafkii beelaha Cagaare.
: Sidoo kale, waxaa ay ku guulaysteen Issimadu xalintii dhacdooyinkii Jeelka
Garoowe.
Dhinaca, Maamulka Puntland ayaa lagu dhaliilayaa in aysan waxba ka qaban Karin
khilaadka soo kala dhex gala beelaha.
Magacyada Guddiga Culumada heshiiska suurta geliyey ayaa kala ah:
1. Shiikh Xuseen Shiikh Maxamed
2. Shiikh Cabdi Xayi Muuse Macallin Xasan
3. Shiikh Daahir Aw-Cabdi
4. Shiikh Xasan Xuseen Axmed
5. Dr Axmed Xaaji Cabdiraxmaan
6. iyo Shiikh Axmed Daahir aw-Xasan
Puntland oo Qaylo-dhaan ka soo saartay
roobab khasaare naf iyo maal ugu geystay Sanaag Bari.
Wasiirka warfaafinta ee DGPL, Mudane. C/raxmaan Maxamed Bangax ayaa saxaafada u
sheegay in roobab lixaad leh oo ka da'ay degaanada Dhahar iyo Xingalool ay dad
ku laayeen, halka xoolo iyo guryana ay khasaare u geysteen. Wasiirku wuxuu
sheegay in loo xilsaaray 3 wasaaradood la tacaalida arintaas, kuwaas oo kale ah:
Wasaaradda Arimaha Gudaha iyo Amniga, Dowladaha Hoose iyo Horumarinta Reer
Miyiga iyo Caafimaadka.
Seddex qofood oo labo ka mida ay gabdho yihii ruuxa kalena uu wiil yahay ayaa
geeriyooday ka dib markii uu habeenkii xalay ahaa danab ama hanqadh/biriq uu ku
dilay deegaan miyi ah oo lagu magacaabo god yalalow oo kala bara degmada
xingalool iyo tuulada damale xagare ee gobolka sanaag.
Danabkan xalay dadka ku laayay deegankan oo 15km u jirta degmada xingalool ayaa
sidoo kale Gabar kale oo ay seddexdan qof ee geeriyooday walaalo ahaayeen
waxaana ay wararku in taasi ku darayaan in gabadhan dhaawac culus soo gaaray,
lagana soo dayrinayo xaaladeeda caafimaad.
Nin ku sugnaa goobta dhibaatadu ka dhacday oo uga waramay, saxaafada xaalada
guud iyo sida ay wax u dhaceen ayaa sheegay in xalay 12kii ilaa 7kowdii
habeenimo uu ku bilowday roobku mudo aad u dheerna uu hayay isagoo danabyona
ridayay .
Dhanka kele roob lixaad leh oo isna xalay ka da'ay deegaan miyi ah oo 15km
dhanka koonfureed kaga beegan magaalada baran ayaa 5-shan geel ku
dilay.
Maxamuud Cumar Bille
-Garowe-Puntland
mcbille@gmail.com
Faafin: SomaliTalk.com | June 1, 2007


|