Waxaa Maanta 31 May Lagu soo gebagabeeyay Dalka Switzerland Xarunta Ururka Fifa Shirkii Sanadlaha Ahaa oo eey ku kulmaan xubnaha ururka fifa oo ka koobna 208 Dalka Waxaana Sanadkaan si buuxda uga midnoqday Dalka Montaneegaro ka dib markii dadka dega dhulkii laysku oran jiray Yuguslaafiya eey intiisa badan isbaheeysigii wadaga ee isu tagii dowladii Seerbiya oo eey hoostagi jireen qowmiyadaha kala duwan eey noqatay dalkii ugu danbeeyay ee ka baxa xeeyndabkii Seerbiya..

Shirkaa fifa oo eey ka soo qeebgaleeyn dhamaan 208 Dal ee xubnaha Joogtada ka aha Marka laga reebo Dalka Kuweyt oon shirka soo xaderin waxay doorteen Musharaxa keliya ee u sharaxnaa President Afarta sano ee soo socoto Mr Joseph S. Blatter,ooy u tahay Malkadii Sadexaad oo loo doorto Xilkaa,Waxaana ku xigeeno u aha wakiilada Afarta Qaradood ee Aduunka.

TACSI TIIRAANYO LEH                                    Anigoo ah Aadan Khayr Jamac Sahal waxaan tacsi u diyaraa reer xaaji abokor joofay iyo waxay dhaleen geeridi naxdinta lahayd ee ku timi Ayeeyo Faaduma Cigaal Wacays oo habeenimadii xalay oo tariikhdu ahayd 30/05/2007 ku geeriyootay magalada laascaanood. waxaa kaloo tacsi taas la mida diyara   XUSEEN AADAN CALI KANEEC C/LAAHI AADAN CALI KANEEC YOONIS C/LAAHI C/RAXMAAN DEEQ MAHAD XIRSI DHABIS FARXAAN DAYR CABDI QAADH MUSTAF C/QADIR AW MUUSE XASAN CABDI JAMAC DHIBLE AADAN CUMAR DHICIS NAFISA CAWIL JAMAC CAASHA MUUSE HAWD FAADUMA MUUSE HAWD XALIIMA MUUSE HAWD   DHAMAAN DADKANI OO JOOGA MAGALADA NAIROBI EE WADANKA KENYA WAXAY ILLAAH UGA BARYAYAAN MARXUUMADA INUU JANADI FIRDOWSA UU KA WARAABIYO EHELKII IYO QARAABADI AY KA GEERIYOTAYNA SAMIR IYO IIMAAN INUU ALLE KA SIIYO AAMIIN AAIIN AAMIIN La xiriir: kaneec3@hotmail.com

Dhinaca Soomaliya waxaa uga Wakiil ahaa wafdi Sadex xubnooda oo u horkacayay Gudoomiyaha Xiligaan Said Mohamed Nuur (Muganbo) K/Xigeenkiisa Ali Said iyo Xoghaya Ururka Abdiqani Said Carab. Iyo Waliba wafdi sadex xubnooda oo ka socday Jabuuti.

Waxaana halkaa looga dooday Arimo dhinacyo badan Taabanaya oo ku saaabsan xiriirka kubada cagta Fifa,Waxaana shirkaa kan xiga uu noqondoona Magalada Sydney 2008 austaraaliya

Mustaf Bashir Gobdon
somalichradio@bluewin.ch 

Sidoo kale ganacsatadan oo sida ay sheegayaan goob joogayaal ku sugan deegaankaasi laga afduubtay ay sheegeen inay inay ciidamo Ethiopian ah ay kala bexeen xalay fiidkii guryahooda oo sida ay sheegeen kamid ahaa xaafada suuq bacaad ee waqooyiga caasimada muqdisho.

Mid kamida ganacsatadaasi ayaa kamid ahaa masuuliyiinta shirkadda faaruuq Electric qaybteeda Suuq Bacaad .

Dhinaca kale tan iyo xiligii ay dowlada Ethiopia ka furatay safaarada cusub islamrkaana calankeeda ka taagtay bartmaha caasimada ayaa la sheegayaa inay kusoo qul-qulayaan sirdoonka xukuumada Ethiopia magaalada muqdisho si ay u ugaarsadaan dadka lagu tuhmaayo shareecada iyo taageerida golaha maxaakiimta islaamka soomaaliyeed.

Arintan ayaa kusoo beegmaysa xili ay xubno ka kala tirsan sirdoonka maraykanka iyo yuhuuda ay kasoo degeen garoonka macmalka ah ee jasiira loona gudbiyey waqooyiga caasimada sida ay sheegayaan warar xog-ogaal ahi .

yaasiin maxamed cali (faytin)
yaasiinfaytin@hotmail.com
Faafin: SomaliTalk.com | June 1, 2007

Daahir Riyaale oo 20 sano oo xarig ah ugu bedeley Laba Nin oo ku xakunaa dil

Warsaxaafadeed ka soo baxay Somaliland ayaa sheegay in 20 sano oo xarig ah loogu bedeley laba nin oo hore ay maxkamada Hargeysa ugu xukuntay dil kaddib markii lagu soo eedeeyey dilkii dad ajnebi ah. Waxa kale oo warsaxaafadeedku sheegay in xukunkii laga khafiifiyey 15 qof oo kale oo loo haystey waxa loogu yeray "Argaggaxiso", saddex dadkaas ka mid ahna xabsiga laga siideynayo. Warsaxaafadeedkuna waxa uu u qornaa sidan:

JAMHURIYADDA SOMALILAND
Madaxtooyada Jamhuuriyadda Somaliland
31/05/07

Warsaxaafadeed

Maanta oo taariikhdu tahay 31/05/07, madaxweynaha jamhuuriyadda Somaliland, Mudane dahir rayaale kaahin, isagoo cuskanaya Qodobka 90aad, faqradiisa 5aad ee dastuurka jamhuuriyadda Somaliland iyo Qodobka 149aad ee xeerka ciqaabta guud, markuu dhagaystay codsiyadii ay ku eheladii iyo qaraabadii dadkii geystay falalkii argagixisada ahaa, markuu ka helay codsiyo ay ku eheladii iyo dowladihii dadka Ajaanibka ee la laayay kuwaasi oo ay ku doonayaan in aan la dilin dabiilayaashii gaystay falkii argagixisada ahaa, markuu dhageystay, Tallooyinkii mas’uuliyiinta ay arintaani khuseyso, markuu tixgaliyay, codsiga ay soo jeediyeen madax dhaqameedyo iyo wax garad kale oo dadweynaha reer Somaliland ah.

Madaxweynuhu wuxuu garawsaday in Xukunkii Maxaabiista Laga dhigo sidan,

In la joojiyo labadii Xukunka dilka ahaa ku xukunnaa, looguna bedelo 20 sanno oo xadhig ah.
1. Maxamed Cali Ciise iyo
2. Jaamac Cabdi Ismaaciil(kuutiye)

In shantii Xabsi Daa’imka ku Xukunnaa, loogu bedelo 15 sanno oo xadhig ah.
1. Axmed Cilmi Samatar
2. Cali Muuse Maxamuud
3. Daa’uud Saalax Iidle
4. Farxaan Cabdulle Maxamuud.

In Labadii min labaatanka sanno (20) ee xadhiga ahaa ku Xukunaa loogu bedelo 10 sanno oo xadhiga.
1. Cabdiraxmaan Maxamuud Jaamac (Indho-cadde)
2. Cabdiraxmaan Cismaan Yuusuf

In Saddexdii,min saddex iyo tobanka sanno (13) ee xadhiga ahaa ku xukunaana loogu bedelo 6 sanno oo xadhig ah.

1. Maxamed Cabdi Xaamud (jacfar).
2. Yaasiin Khaalid Cismaan
3. Yaxye Cabdiraxmaan Cali

In laba ka mid ah, oo ku xukunaa ,laba iyo toban sanno (12) oo xadhiga ah loogu bedelo 5 sanno oo xadhig ah.
1. Muuse Cali Yuusuf
2. Maxamed Sh.Ismaaciil Xassan

Saddexdii falkoodu ugu fududaa marka loo eego qaybtay ka qaateen dembigii dhacay in la saamaxo iyaga.
1. Maxamed Ibraahim Axmed (laba Qumac)
2. Axmed Cali Xusseen (Axmed kayse)
3. Cabdillaahi Maxamed Axmed (Cabdillaahi Gaab)

Allaa Mahad Leh
Siciid Caddaani Mooge.
Lataliyaha Madaxweynaha ee Arrimaha
Warbaahinta iyo Af-hayeenka Madaxtooyada JSL

Wararkii Shalay hoos ka akhri

Fadhigii golaha wasiirrada oo maanta cod buuxa laysugu raacay inaanay dowladda federalka ka qeyb gelin shir ay qaban qaabisay dowladda Talyaaniga

Shirkii golaha Wasiirrada ay maanta isugu yimaadeen ayay si weyn uga doodeen arrin ku saabsaneyd dowladda Talyaaniga oo iyadu horay u shaacisay in 100 xubnood oo haween ah oo Soomaali ah ay u qabaneyso shir ka dhacaya dalka Talyaaniga.

Sida ay sheegtay wasiir ku xigeenka Wasaaradda arrimaha dibadda ee Dalka Talyaaniga Patric Sentinelli in magaalada Roma ee dalka Talyaaniga uu ka dhacayo shir dowladda Talyaaniga ay u qabaneyso 100 ruux oo haween ah oo Soomaali ah, kaasoo ay sheegtay in ay ku casuumeyso.

Goluhu waxa uu si weyn uga dooday arrintaasi, waxaana dood dheer iyo falanqeyn kaddib leys tusay in dowladda Talyaaniga oo xiriir dhow uu kala dhexeeyo dowladda Soomaaliya ay dhinac martay hannaankii diblomaasiyadeed ee caalamiga ah, isla markaana qabashada shirkaasi ay sheegtay dowladda Talyaaniga ay ku soo beegtay shirka dib u heshiisiinta ummadda Soomaaliyeed, sidaas darteed Goluhu wuxuu isku raacay inaanan haba yaraatee marnaba shirkaasi la soo marinin dariiqii loo baahnaa iyo nidaamka dowladnimo, uuna yahay mid marin habaabin ah.

Sidaas darteed Goluhu wuxuu go’aamiyay inaanan sinaba shirkaasi looga qeyb geli karin, sidaasna uu ku fashilmay mar haddii la dhinac maray nidaamkii dowliga ahaa ee labada dal, balse dowladda Soomaaliyeed aanay ka hor jeedin in dowladda Talyaaniga ay qabato shir.

Shirkii golaha wasiirrada oo uu shirgudoominayay ku simaha ra’iisul wasaaraha ahna wasiirka Kalluumeysiga & Kheyraadka Badda Xasan Abshir Faarax oo lagu ansixiyey sharcigii saxaafada iyo miisaaniyad bileedkii bishii jun ee dowlada

Shirkii golaha wasiirrada Dowladda federalka Soomaaliya oo uu shirguddoominayay ku simaha ra’iisul wasaaraha Xasan Abshir Faarax ayaa looga hadlay qodobbo dhowr ah, waxaana qodobadaasi ka mid ahaa: Miisaaniyad bileedka dowladda federalka, iyadoo ay wasaaradda Maaliyadda soo hordhigtay kulankii maanta, waxaana golaha hortooda ka akhriyay agaasimaha Guud ee wasaaraddaas Axmed Max’ed Max’ud iyo agaasimaha Miisaaniyadda Wasaaradda Maaliyadda Dr. Xasan Cabdulle Kulmiye.

Miisaaniyad bileedka ay soo diyaarisay wasaaradda Maaliyadda bisha Juun 2007da ayaa aheyd Shan Milyan oo dollar una dhiganta 85 Bilyan oo shilin Soomaali ah, waxaana dood dheer iyo falanqeyn kaddib goluhu uu ku ansixiyay cod aqlabiyad ah, waxaana ammaan iyo bogaadin loo jeediyay wasaaradda Maaliyadda oo iyadu soo diyaarisay shaxda Miisaaniyadda.

Dood dheer iyo falanqeyn kaddib Golaha wasiirradu wuxuu cod buuxa ku ansixiyay miisaaniyad bileedka oo la soo hordhigay, wuxuuna isku raacay in kaalin mug leh laga siiyo miisaaniyaddaas hay’adaha amniga iyo nabad gelyada.

Golaha wasiiradu waxay cod buuxa ku ansixiyeen sharcigii saxaafada lagu dhaqi lahaa oo wasaaradda Warfaafinta iyo Xubno ka tirsan saxaafadda madaxa banaan ay soo wada diyaariyeen, kaasoo golaha wasiirrada horay loogu gudbiyay, waxaana maanta isku raacay cod buuxa.

Wasiirka Warfaafinta Madoobe Nuunow ayaa ka hor akhriyay golaha Wasiirrada qodobada uu ka kooban yahay sharciga saxaafadda, sidoo kalena waxaa halkaasi caddeymo ka bixiyay Avv. Zakariye Max’ed Sheekh oo ah garyaqaan, wuxuuna goluhu isku raacay markii uu dhageystay qodobadaas in sidiisa loo qaato sharcigaas muddo seddax bilood kaddibna la hordhigo fadhiga golaha baarlamaanka federalka Soomaaliya.

Gabagabadii kulankaasi golaha wasiirrada ay isugu ymiaadeen waxay ku dhageysteen warbixin ku saabsaneyd Guddiga dhaqaalaha ee dhowaan la magacaabay iyo heerka uu marayo waxqabadkooda.