Diyaaradaha Militariga ee Kenya oo Duqeeyey Xero Qaxooti oo ku taal Magaalada Jilib,
kuna diley 12 qof oo 6 carruur ahayd..
"Labo diyaaradood ee nooca miigga ah ayaa weeraray degmada Jilib ee Jubadda
Dhexe, waxayna xero qaxooti oo ku taal magaalada Jilib ay ku duqeeyeen hubka
noocyadiisa kala duwan, waxayna halkaas ku laayeen dad masaakiin qaxooti ah oo
teendhooyinkooda qaxootiga qorraxda ka gabaadsaneyey,' waxaa sidaas Idaacadda
Codka Maraykanka u xaqiijiyey Salaad Xasan Cali oo kamid ah odayaasha degaanka
oo ku sugan magaalada Jilib.
Telefishaanka Kenya ee KTN ayaa sheegay in diyaaradaha duqeeyey Jilib ay
lahayd Kenya. Telefishanka oo soo xiganayey Reuters waxa ay sheegtay in 12 qof
oo shacab ah ay ku dhinteen duqayntaas, kuwaas oo 6 ka mid ah ay ahaayeen
carruur, waxaa kale oo ku dhaawacmay 52 qof oo shacab ah.
Ciidamada Dalka Kenya ayaa duullaan ku qaaday Soomaaliya 16-kii Oct 2011,
muddaas wixii ka dambeeyeyna ciidamadooda ayaa duqayn u geystey goobo ay ka mid
yihiin magaalada Buurgaabo ee xeebta la olloga ah Raas Kambooni.
VIDEO: Daawo warbixintii NTV ee dagaalka kenya qaaday
Taariikh: November 27, 1962 ayey ahayd markii ra'iisul Wasaarahii
Soomaaliya, Cabdirashiid Cali Sharmaarke oo booqasho ku tegey Maraykanka uuna la
kulmay madaxweynahii Maraykanka John F Kennedy, kaddibna jasiiradda Puerto Rico
ee hoos tagta Maraykanka ku tegey diyaarada madaxweynahii Kennedy.
Jariidadda Daily Nation Oct 30, 2011 waxay qortay in ciidamada
Badda ee Kenya ay ku biirayaan duullaanka lagu qaadayo Soomaaliya, gaar ahaana
magaalada Kismaayo.
Bidix hoggaamiyaha ciidanak Kenya Gen. Julius Karangi iyo wasiirka difaaca
Kenya Mohamed Yusuf Haji
oo saxaafadda kula hadlayey Nairobi (Sawirka: Latimes, Oct 29, 2011)
Ra'iisul Wasaaraha DFKMG oo Gaarey Nairobi, xilli Sheikh Shariif weli
ku adkaysanayo ka soo horjeedka Ciidamada Kenya ee soo galay Soomaaliya
SomaliTalk.com | Oct 30, 2011
Ra'iisul Wasaaraha DFKMG oo Gaarey Nairobi lana sheegey in uu saxiixo
Doono Heshiis Kenya u Ogolaanaya in ay ka mid noqoto Ciidamada AMISOM
Wafdi uu Hogaaminayo Raiisul Wsaaraha Dowladda Federaalka ee ku meel gaarka ah
Dr Cabdiweli Maxamed Cali Gaas ayaa maanta gaarey Dalka Kenya ka dib markii ay
ka helaan Casumuud Dowladda Wadanka Kenya waxaana ku wehliyey safarkiisa
Wasiirada Arrimaha Gudaha Cabdisamad Macalin Maxamuud iyo Wasiirka Gaashaandhiga
Xuseen Carab Ciise.
Warar kala duwan ayaa ka soo baxaya Wafdiga Ra'iisul Wasaaraha
KMG, qaar baa sheegaya
in Raiisul Wasaaraha uu saxiixi doono Heashiis dowladda Kenya u ogolaanaya in ka
howlgasho Deegaano ka tirsan Wadanka Soomaaliya oo Ciidamadeed haatan ay ku
sugan yihiin kuwaas oo dagaalo kula jira Xarakadda Alshabaab ka dib markii ay
soo ifbaxeen in Kulankii ka dhacay Muqdisho uu dhaliyey Khilaaf soo kala dhex
galey Madaxda Sare ee Dowladda Federaalka.
Ra'iisul Wasaaraha DFKMG Soomaaliya oo wax ka yar 12 Sacaadood ku Hadley hadalo is
burinaya oo ku aadan soo gelitaanka Ciidamada Wadanka Kenya ee Dhulka Soomaaliya
isagoo hore u sheegery in Dowlada Kenya aysan wax heshiis la gelin Dowladda
Federaalka ayaa aakhirkii waxaa uu sheegey in Dowladda Federaalka ay raali ka
tahay Cidamada Kenya ee ku sugan Dhulka Soomaaliya hase yeeshee Madaxweynaha
Dowladda Federaalka Shiikh Shariif Shiikh Axmed ayaa sheegey in Dowladda
Federaalka aysan marnaba ogolaan doonin Ciidamada Kenya ee ku sugan dalka
Soomaaliya.
Dadka Siyaasdda u dhuun daloola waxay sheegayaan in Haddii uu Ra'iisul Wasaaraha
KMG uu Nairobi ku saxiixo heshiis ku aadan soo gelitaanka Ciidamada Kenya in ay sii
abuuri karto in uu sii laba lixaadsado khilaafka u dhexeeya Madaxweynaha iyo
Raiisul Wasaaraha, waxaana jira warar sheegaya in looga digey Raiisul Wasaaraha in uu heshiis la galo
Dowladda kenya kaas oo aan soo marin Baarlamanka Federaalka isla markaana uu
saxiixin Madaxweynaha.
Warar kale oo aan helney ayaa sheegey in Ra'iisul Wasaaraha
KMG uu saxiixi doono heshiis ah in Ciidamada Kenya ay ku shaqeeyaan Magaca
AMISOM ka dibna ay la
wareegaan Gobolada Jubbooyinka hase yeeshee waxay dadka qaar qabaan in ay adkaan
doonto in Ciidmada Kenya ay ku shaqeeyaan Magaca Amisom waayo looma hayo
Dhaqaale lagu howlgeliyo Ciidmada Kenya maadaama Ciidmada Amisom ee ku sugan
Muqdisho aysan 4 Bilood qaadan wax Mushaaraad ah.
Warar kala oo aan ka helney Siyaasiyiin ku dhow dhow Madaxtooyada ayaa sheegaya
in Madaxweynaha uu diidey Casumaad uu ka heley Dowladda Kenya balse uu aqbaley
Ra'iisul Wasaaraha hase yeeshee waxay sheegeen in Madaxweynaha uu ku dhegan yahay
Go’aankiisii hore ee ahaa in Dowladda iyo Shacabka Soomaaliyeed aysan ogolaan
doonin in Ciidmao Kenyaati ah soo galaan dhulka Soomaaliya.
Warsaxaafadeed ka soo baxay xafiiska ra'iisul wasaaraha DFKMG ee ku saabsan
safarka Kenya hoos ka akhri....
Muqdisho, October 30, 2011-------Ra’iisul Wasaaraha Xukuumada Federaalka KMG ah
ee Soomaaliya Mudane Dr. Cabdiweli Maxamed Cali Gaas iyo wefdi ballaaran oo uu
hogaaminayo ayaa maanta ka dhoofay Garoonka Aadancadde International ee
magaalada Muqdisho iyagoo ku sii jeeda magaalada Nairobi ee dalka Kenya.
Ra’iisul Wasaaraha iyo wefdigiisan ayaa waxa ay casuumaad rasmi ah ka heleen
dowladda Kenya gaar ahaana Ra’iisul Wasaare Raila Odinga iyagoo ka wada hadli
doona arrimaha siyaasada iyo horumarinta ammaanka xuduudaha labada wadan oo
beryihii ugu dambeeyey ay ka soconayeen howlgalo ka dhan ah kooxaha argagixisada
ku daaban ee Al shabaab.
Ra’iisul Wasaaraha oo markii uu ka dhoofayay garoonka faah faahiyay safarkiisa
ayaa tilmaamay in muhiimada socdaalkiisu ay tahay sidii loo xoojin lahaa wada
shaqeynta labada wadan ee Soomaaliya iyo Kenya isagoo xusay in labadan ay
iskaashi wanaagsan ka yeelan doonaan sugida amniga iyo deris wanaaga.
Maalinta berri ah oo ay taariikhdu tahay 31-10-2011 ayaa la filayaa in Ra’iisul
Wasaaruhu uu kulan la qaato dhigiisa dalka Kenya Mr. Raila Odinga iyo Wasiiro ka
tirsan golihiisa.
-DHAMAAD -
--
Garad Salad Hersi
Communication Director, office of the PM
Mobile: +252-615536608
+252-6-2536608
Mogadishu, Somalia
Daabaco
Boggan | Print
Wafdi uu Hogaaminayo Raiisul Wsaaraha Dowladda Federaalka ee ku meel gaarka ah
Dr Cabdiweli Maxamed Cali Gaas ayaa maanta gaarey Dalka Kenya ka dib markii ay
ka helaan Casumuud Dowladda Wadanka Kenya waxaana ku wehliyey safarkiisa
Wasiirada Arrimaha Gudaha Cabdisamad Macalin Maxamuud iyo Wasiirka Gaashaandhiga
Xuseen Carab Ciise.
Warar kale oo aan helney ayaa sheegey in Ra'iisul Wasaaraha
KMG uu saxiixi doono heshiis ah in Ciidamada Kenya ay ku shaqeeyaan Magaca
AMISOM ka dibna ay la
wareegaan Gobolada Jubbooyinka hase yeeshee waxay dadka qaar qabaan in ay adkaan
doonto in Ciidmada Kenya ay ku shaqeeyaan Magaca Amisom waayo looma hayo
Dhaqaale lagu howlgeliyo Ciidmada Kenya maadaama Ciidmada Amisom ee ku sugan
Muqdisho aysan 4 Bilood qaadan wax Mushaaraad ah. 
Ra’iisul Wasaaraha iyo wefdi ballaaran oo uu hogaaminayo oo u dhoofay magaalada
Nairobi
