Duulaanka Kenya waa mid salka ku haya in ay Shidaal ka Baarato Xeebaha
Soomaaliya...
Maxamed Cabdi Gaani oo ka hadlay Kenya iyo Maamulka Azaniya ee laga
samaynayo Jubbooyinka - "Maxamed Cabdi Gandhi, waxa uu ahaan jirey lataliye
shirkadda Shidaalka ee Total ee laga leeyahay dalka Faransiiska" BBC
David Shinn “Kenya way ku khasaari doontaa Gelitaanka Soomaaliya, waxaana
Taageero heli doona Alshabaab”;
SomaliTalk.com | Oct 29, 2011
Maxamed Cabdi Gaandi oo ka hadlay Kenya iyo Maamulka Azaniya ee laga samaynayo
Jubbooyinka
Shabakada
BBC English ayaa qortay warbixin ay kaga hadashay Azaniya, waxayna xustay in
aaggaasi yahay dhul qani ku ah Shidaal (oil). Waxaana warbixintu raacisay in
Maxamed Cabdi Gandhi, wasiirkii hore ee difaaca DFKMG, waxa uu lataliye ahaan
hore ugu soo shaqeeyey
shirkadda Shidaalka baarta ee Total ee laga leeyahay dalka Faransiiska. Arimahaas ayaa
waxay dadka qaarkii sheegeen in dalalka Faransiiska iyo Norway ay lacag ku
bixiyeen mashruuca Azania, ayey tiri warbixintu.
Markii Gandhi la weydiiyey arrintaasna waxa uu yiri "Taasi waa war la isla dhex
marayo oo aan run ahayn", waxana uu intas raaciyey "Inta aan ogahay ma
jiraan koox ama shirkad noo timid. Marka ay nabadi dhacdo waxaan albaabada u
fureynaa shirkada caalamiga ah ee shidaalka baara. ma jiraan wax miiska
hoostiisa ah.
Bishii September ayey ahayd markii Shirkadda Fransiiska ee Total ay heshiiska la
gashay Kenya si shidaal looga sahamiyo aagga loo yaqaan
BLOCK L5 oo
150km gudaha u gashan dhul badeedka Soomaaliya, arrintaas oo aan ilaa hadda
Sheikh Shariif wax jawaab ah ka bixin.
Waxa kale oo uu intaas raaciyey in madaxwenaha DFKMG Sheikh Shariif uusan
isbedel doonayn, balse waxa uu rabaa ay tahay Alshabaab.
Waraysi kale oo uu siiyey Idaacadaa British Broadcasting Corporation (BBC),
qaybta Afka Soomaaliga
halkan ka
dheegyso
Dhanka kale jariidadda The Star qoraal ay cinwaan uga dhigtay (Why
Somali President Wants Kenya Army Out) ayaa lagu xusay waraaqo ay is
weydaarsadeen Sheikh Shariif iyo madaxda Kenya, kuna saabsan ciidamada Kenya
tabaraysey iyo ujeedadooda.
Sidoo kale qoraaga caanka ka ah Kenya ayaa qoraal uu cinwaan uga dhigay (The
Quixotic Invasion of Somalia Will Devastate Kenya) waxa uu kaga faallooday
sida uu u saadaalinayo in weerarka ay Kenya ku qaaday gudaha Soomaaliya uu
sababi karo in Soomaaliya ay la soo laabatoo gobolka NFD oo gumaysigii gacanta u
geliyey Kenya.
Qoraallo badan ayaa muujinaya in ujeedada Kenya ay u gashay Soomaaliya ay la
xiriirto batrool ama shidaal laga baarayo aagga Lamu oo la doonayo in qayb
Soomaaliya ah halkaas lagu darsado.
(Somalia: Oil And Interests – Shadowy Areas Lurking Behind Kenya Offensive)
- Norway oil interests push Kenya into Somalia proxy war.
Waxaana Kenya sheegtay in duulaanka ay ku qaaday Soomaaliya in uusan lahayn
waqti go'an oo aya ka soo baxayso. (Kenya's Operation Linda Nchi not time
bound).
Dhanka kale waxaa dib loo dhigay warbixin uu soo bandhigi lahaa Kaaliyaha
Xoghayaha guud ee Qarammada Midoobay u qaabilsan arrimaha siyaasada, B. Lynn
Pascoe, warbixintaas oo markii hore qorshuhu ahaa in la soo bandhigo 27-kii
October ayaa la sheegay in dib loo dhigay ilaa 31-da October, 2011. Waxaana
warbixintaas ka mid ah in Madaxda Soomaaliyeed loogu baaqi lahaa in ay ku
dhawaaqaan aagga dhaqaalaha ee Badda Soomaaliyeed cabbirkeeda.... "The report
also calls on Somali authorities to declare an exclusive economic zone off
the Somali coast and take other steps to enhance maritime security, such as
acceding to relevant international conventions." Akhri (Somalia
Briefing and Consultations Postponed.)
Mooshin ka Dhan ah Ra'iisul Wasaaraha DFKMG C/wali Gaas iyo Kenya oo loo Gudbiyey
Golaha Baarlamaanka
Xildhibaano gaaraya 50 Xildhibaan oo ka tirsan Xildhibaanada Baarlamaanka
DFKMG ayaa
la sheegay in ay guddoonka Baarlamaanka u gudbiyeen mooshin ka dhan ah Ra’isul
Wasaaraha Dowladda Federaalka C/wali Maxamed Cali Gaas iyo Dowladda Kenya oo
ciidamadeedu soo galeen gudaha dalka Soomaaliya.
Xildhibaan diiday in magaciisa la xuso ayaa noo xaqiijiyey in Guddoonka
Baarlamaanka loo gubiyey mooshinkaasi isagoo sheegay in Ra’isul Wasaare C/wali
Maxamed Cali Gaas uu raali ka noqday in si sharci daro ah ciidamada Kenya ku soo
galaan dhulka Soomaaliya, isla markaana uu ka hor yimid go’aankii Madaxweyaha
Dowladda Federaalka Sheekh Shariif oo ahaa in shacabka Soomaaliyeed iyo Dowladda
Federaalka aysan marnaba ogolaan doonin in ciidamada Kenya iska soo galaan
dhulka Soomaaliya, sidoo kale wuxuu sheegay xildhibaankaasi in Dowladda Kenya
ciidamadeedu ay si sharci daro ah ku soo galeen dalka Soomaaliya iyagoo aan
ogolaansho ka haysan Baarlamaanka Soomaaliya isagoo sheegay in AMISOM soomaaliya
ku joogaan fasaxa Baarlamaanka sidaasi darteedna aysan xildhibaanada
Baarlamaanka marnaba ogolaan doonin in dalka Soomaaliya layska soo galo.
Ugu dambeyntii xildhibaankaan ayaa sheegay in Ra’isul Wasaaraha Dowladda
Federaalka uu ku kacay wax uu ku tilmaamay Khayaano Qaran, kadib markii uu
sheegay in Kenya ciidamadeeda ku joogaan dhulka Soomaaliya rabitaanka Dowladda
Federaalka.
Dowladiihii Soo marey Dalka gaar ahaan waqtiyadii dagaalada ayaa waxaa la dhihi
karaa midba mid kale ayuu Siyaasada uga adkaadey - aan soo qaadano Dowladii
Cabdulaahi Yuusuf waxaa uu Daaqadda kala baxay Raiisul Wasaarihii hore Cali
Maxamed Geedi hase yeeshee Bilo ka dib waxaa isna Daaqada laga saarey Cabdulaahi
Yuusuf ka dib markii uu siyaasada uga adkaadey Raiisul Wasaarihii hore Nuur
Cadde ,waxaana Siyaasada Soomaaliya Majaraha u qabtey Madaxweynaha DFKMG Shiikh Shariif
oo intii uu hayey Waxaa xilalkoodii waayey Gudoomiyihii Hore ee Baarlamaanka
Shiikh Aadan Madoobe , waxaa Xigey Raiisul Wasaarihii hore Cumar Cabdirashiid ,
waxaana si lama filaan ah Daaqada uga baxay Raiisul Wasaarihii hore Maxamed
Cabdulaahi Farmaajo hadaba waxaa soo ifbaxaya Khilaaf ka dhex jira Madaxweynaha
DFKMG
Shiikh Shariif iyo Raiisul Wasaaraha DFKMG Cabdiweli waxayna dadka u kuurgala Siyaasadda
ay sheegayaan in La gaarey Waqtiigii Shiikh Shariif uu isna iska bixi lahaa
waayo ilaa Afar Masuul ayuu siyaasada kaga adkaadey sidaa darteed waa la arki
doonee halka ay ku Dambeyso Tartanka Isreeb reebka Madaxda Dowladda Federaalka .
David Shinn “Kenya way ku khasaari doontaa Gelitaanka Soomaaliya, waxaana
Taageero heli doona Alshabaab”;
Mr. David Shinn oo horey u ahaa danjiraha Mareykanka u adhiya ee dalka Itoobiya
ayaa wax laga weydiiyey soo gelitaanka ciidamada Kenya ee dhulka Soomaaliya,
wuxuuna sheegay in haddii ay Kenya dooneyso ama hamigeedo yahay in ay qabsato
koonfurta Soomaaliya ay ku khasaari doonto, isla markaana ay ka qoomameyn
doonto.
Danjire David Shinn wuxuu xusay in Kenya ay ku deg deg tahay gelitaanka dhulka
Soomaaliya, wuxuuna yiri “Haddii ay dooneyso in ay Soomaaliya mudo dheer ku
jirto ayna Gobalada Koonfureed qabsato, ama ay wadato qorshayaal siyaasadeed iyo
Dhul balaarsi waxay ka mudan doontaa khasaare dhinac walba leh, waxaana kula
talin lahaa in Kenya ay ka joogto in ay horey u sii gasho gudaha Dalka
Soomaaliya”.
Mar wax laga weydiiyey David Shinn qorshaha Kenya ay ku sheegtay in ay dagaal la
galeyso Xarakada Alshabaab wuxuu yiri David Shinn “Haddii ay Kenya mudo kooban
ay ku fulineyso hawlgalkaasi way dhici kartaa in ay natiijo ka gaarto, laakiin
haddii ay ku fekerto hami qabsasho, taasi waxaa ka imaan kara cawaaqib xumo”,
wuxuu intaas sii raaciyey in gelitaanka Kenya ee dhulka Soomaaliya ay xarakada
Alshabaab ka heli doonto Taageero aad u xoogan oo ay siiyaan dadka Soomaaliyeed.
Mr. David Shinn ayaa lagu xasuustaa xiligii ay ciidamada Itoobiya galeen
Soomaaliya 2006 kadib markii uu xiligaasi sheegay in gelitaanka Itoobiya ee
Soomaaliya ay Itoobiya u keeni doonto khasaare taas oo markii dambe soo baxday
soona dedejisay in Itoobiya ciidamadeeda si halhaleel ah uga baxaan dhulka
Soomaaliya.
Waxaa isa soo taraya ka soo horjeesiga Kenya ee Gudaha Dhulka Soomaaliya taasoo
inta badan shacabka soomaaliyeed ay si aad uga horyimaadeen ka dib markii
Gelitaanka Ciidamada uu noqdey mid huwan siyaasado Dhul Balaarsi ah waayo
Dowladda Kenya Soomaaliya waxay ka leedahay Dano aad u fara badan oo ugu Horeyso
dhinaca Badda .
Kenya oo Sheegatay in ay Qabsadeen Magaalada Buurgaabo iyo Sheikh Shariif oo
aan ka hadlin Sheegashada Kenya
Kibaki: "Hawlgalka aan ka fulinayno gudaha Soomaaliya waa mid
sharci ah oo aan ku difaacayno xornimada iyo wadajirka dhulka Kenya"
Kibaki: Qaxootiga Soomaaliyeed waa in lagu celiyaa dalkoodii ama la
geeyaa dal kale..
Wasiirka Amniga gudaha Kenya: "Kenya uma dan laha in ay qayb ka
goosato Soomaaliya"
SomaliTalk.com | Oct 29, 2011
Jariidada reer Kenya ee Standard ayaa qortay in "Ciidamada Militariga Kenya
ay ku guulaysteen in ay qabsadaan magaalada
Buurgaabo ee gudaha Soomaaliya," Waxaana jariidadu soo xignaysey afhayeenka ciidanka Kenya Major
Chirchir. ("Kenya’s Defence Forces successfully captured the town of Bargavoin in Somalia."
).
Warkaas in Kenya qabsatay Buurgaabo waxaa ku celceliyey telefishanada Kenya oo
qoray cinwaano ay arrintaas ku muujinayaan - Hoos ka daawo Video... "Kenya
Defence Forces capture key town" NTV
Waxaana warku intaas raaciyey in dawladda Kenya ay sheegtay in aysan
Soomaaliya ka soo laabanayn ilaa "la xaqiijiyo Ammaanka iyo dhaqaalaha Kenya".
Dhanka kale madaxweynaha Kenya oo ka qayb gelaya shirka Barwaaqa Sooranka oo
ka dhacaya Australia ayaa sheegay "Hawlgalka aan ka fulinayno gudaha Soomaaliya
waa mid sharci ah oo aan ku difaacayno xornimada iyo wadajirka dhulka Kenya," ayuu yiri
Kibaki ("Our mission in Somalia is therefore, based on a legitimate right to
protect Kenya’s sovereignty and its territorial integrity".)
Kibaki waxa uu intaas raaciyey "Ma xamili karno culayska in aad marti gelino
qaxooti aad u tiri badan, sidaas daraadeed waxaan barwaaqa-sooranka ugu baaqayaa
in ay naga taageeraan sidii loo fududayn lahaa in (qaxootiga) lagu celiyo Soomaaliya ama la
geeyo dal kale."
Xukuumadda uu hoggaamiyo Sheikh Shariif ayaan ilaa hadda war cad ka soo
saarin sheegashada Kenya sheegatay in ay qabsadeen dhul Soomaaliyeed, waxaana
warki iugu dambeeyey ee lag amaqlay madaxweynaha DFKMG uu ahaa in uusan raali ka
ahayn in ciidamo Kenya soo galaan Soomaaliya, laakiin aysan muuqan in arrintaas
ay Kenya dheg u jalaqsiisay.
Saitoti: Kenya uma dan laha in ay qayb ka goosato Soomaaliya
Wasiirka Amniga gudaha Kenya George Saitoti ayaa Jimacdii sheegay in Kenya
qorshaha ay ku gashay Soomaaliya uusan ahayn in ay qabsadaan Soomaaliya. Isagoo
intaas raaciyey waxa ay u socdaan in uu yahay in ay sugaan ammaanka xuduudaha ee
aysan doonayn in ay Kenya kusoo daraan qayb ay ka goosteen Soomaaliya -
(Saitoti: Kenya doesn't intend to annex Somalia).
Waxaana hadalka Saitoti ka mid ahaa "Waligeed ujeedadayadu m anoqon mid la
xiriirta dhul aan ka soo goosano Soomaaliya ama dhulkooda qaadano. Kenya waxa
keliya oo ay doonaysaa in ay difaacdo dalkeeda iyo dadkeeda."
Waxana uu intaas raaciyey in ciidamada Militariga Kenya ee ku jira gudaha
Soomaaliya ay hadda la dagaalamayaan Alshabaab oo ay ka soo laaban doonaan marka
ay tirtiraan.
Ciidamada Kenya ayaa Oct 16, 2011 wqaxay ku duuleen gudaha Soomaaliya,
hawlgal militari oo ay ugu magac dareen “Operation Linda Nchi”.
VIDEO: Kenya oo Sheegtay in ay Qabsataya Buur Gaabo
Oct 28, 2011 Kibaki said: "Our mission in Somalia is therefore, based on a legitimate
right to protect Kenya’s sovereignty and its territorial integrity". "Kenya
can no longer bear the burden of hosting the massive number of refugees and
calls upon the Commonwealth to support efforts to facilitate their return to
Somalia or relocation to another country," Eeg halkan)
Akhri: Are Kenyans
seeking a buffer zone in Somalia? (bbc English)
BBC: There are reports that Azania - or at least the sea off its coast - is rich
in oil.
Mr Gandhi, a former Somali defence minister, has worked as a consultant for the
French oil giant Total. This and this has led some to conclude that countries
including France and Norway have thrown money at the Azania project.
"These are all rumours. Not true," he says.
"To my knowledge, there are no groups or companies that have come to us. When
it's peaceful, then we will open the door and all the international oil
companies can come to explore. Nothing is under the table."
Daabaco
Boggan | Print
Shabakada
BBC English ayaa qortay warbixin ay kaga hadashay Azaniya, waxayna xustay in
aaggaasi yahay dhul qani ku ah Shidaal (oil). Waxaana warbixintu raacisay in
Maxamed Cabdi Gandhi, wasiirkii hore ee difaaca DFKMG, waxa uu lataliye ahaan
hore ugu soo shaqeeyey
shirkadda Shidaalka baarta ee Total ee laga leeyahay dalka Faransiiska. Arimahaas ayaa
waxay dadka qaarkii sheegeen in dalalka Faransiiska iyo Norway ay lacag ku
bixiyeen mashruuca Azania, ayey tiri warbixintu.
Waraysi kale oo uu siiyey Idaacadaa British Broadcasting Corporation (BBC),
qaybta Afka Soomaaliga
Xildhibaano gaaraya 50 Xildhibaan oo ka tirsan Xildhibaanada Baarlamaanka
DFKMG ayaa
la sheegay in ay guddoonka Baarlamaanka u gudbiyeen mooshin ka dhan ah Ra’isul
Wasaaraha Dowladda Federaalka C/wali Maxamed Cali Gaas iyo Dowladda Kenya oo
ciidamadeedu soo galeen gudaha dalka Soomaaliya. 
Danjire David Shinn wuxuu xusay in Kenya ay ku deg deg tahay gelitaanka dhulka
Soomaaliya, wuxuuna yiri “Haddii ay dooneyso in ay Soomaaliya mudo dheer ku
jirto ayna Gobalada Koonfureed qabsato, ama ay wadato qorshayaal siyaasadeed iyo
Dhul balaarsi waxay ka mudan doontaa khasaare dhinac walba leh, waxaana kula
talin lahaa in Kenya ay ka joogto in ay horey u sii gasho gudaha Dalka
Soomaaliya”. 
Warkaas in Kenya qabsatay Buurgaabo waxaa ku celceliyey telefishanada Kenya oo
qoray cinwaano ay arrintaas ku muujinayaan - Hoos ka daawo Video... "Kenya
Defence Forces capture key town" NTV 
Xukuumadda uu hoggaamiyo Sheikh Shariif ayaan ilaa hadda war cad ka soo
saarin sheegashada Kenya sheegatay in ay qabsadeen dhul Soomaaliyeed, waxaana
warki iugu dambeeyey ee lag amaqlay madaxweynaha DFKMG uu ahaa in uusan raali ka
ahayn in ciidamo Kenya soo galaan Soomaaliya, laakiin aysan muuqan in arrintaas
ay Kenya dheg u jalaqsiisay.
