Kulankii Baarlamaanka KMG ah Oo Uu Ka Qayb Qaatay Madaxweyne Shariif Oo dag
dag u joogsaday Madaafiic Lagu Soo Garaacay Awgeed
Muqdisho: Barlamaanka FKMG Soomaaliya ayaa maanta kulan uu ka qayb galay madaxweynaha dowlada FKMG ah
Shariif Sh. Axmed oo ay lahaayeen uu ku dhamaaday kala carar iyo kabtay maaragtay kadib markii xarunta maamulka gobolka banaadir oo kulan uga socday baarlamaanka iyo madaxweynaha oo ka qayb qaadnayey ay madaafiic kusoo garaaceen xoogaga islaamiyiinta ee dowlada kasoo horjeeda .
Fadhigan baarlamaanka KMG ah ee uu ka qayb qaadanayey madaxweyne Shariif ayaa waxaa kasoo qayb galay mudnayaasha baaramaanka oo ka koobnaa ilaa iyo 301-xubnood oo mudanayaasha kasoo jeeda kuwaasoo la sheegay inuu
maanta Baarlamaanka fadhigiisa ay ugu muhiimsanayd kulan ay wada lahaayeen madaxweyne
Shariif iyo Baarlamaanka KMG ah taasoo ugu dambayn ku dhamaatay natiijo la,aan .
Sidoo kale Madaxweyne Shariif ayaa ugu horayn inta aysan dhicin duqayntaasi waxuu halkaasi ka jeediyey khudbad ku saabsanayd dhowr qodob oo uu ugu horayn mahad celin uu jeediyey ciidamada dowlada FKMG ah isagoo tilmaamay inay had goor u taagan yihiin difaaca dalka waa siduu hadalka u dhigaye islamrkaana mahad taas lamid ah u diray ururka la magac baxay Ehlu sunnah waljameeca ee dariiqada suufiyada oo uu ku tilmaamay kuwo si weyn u garab taagan dowlada iyagoo kasoo horjeeda ururada Islaamiyiinta mayalka adag ee dagaalada kala soo horjeeda dowlada .
Khudbada kadibna madaxweyne Shariif markii ay gawaaridiisu ka dhaqaaqeen xarunta gobolka Banaadir ayaa waxaa halmar is qabsaday diryanka madaafiicda taasoo sahashay inay
Baarlamaankii iyo masuuliyiintii kale ee halkaasi ku sugnaa ay si fudud u kala cararaan iyadoo aysan jirin wax horumar ah oo laga sameeyey kulankaasi .
Ma aha markii ugu horaysay oo sidan oo kale madaafiic lagu soo garaaco Goob ay kulan ku leeyihiin baarlamaanka KMG ahi iyadoo kulankan kulankii ka horeeyeyna sidaas oo kale duqayn madaafiiceed lagu soo garaacay baarlamaanka xili ay kulan ku lahaayeen xaruntii hore ee gaadiidka oo iminka kamid ah goobaha ay dowlada FKMG ahi kasoo qaxday .
Yaasiin Faytin
yaasiinfaytin@hotmail.com
Muqdisho
Faafin : SomaliTalk.com | July 27, 2009
Mutamarkii Saddexaad oo ka Furmay Galabtay Magaalada Rochester ee Gobolka
Minnesota Dagaal sadex maalmood socday oo
cwxo ay ku qabsadeen saldhigii weynaa ee Dhakaayo. |