Zenawi:
Haddaad Wanan Qalan Jirteen Ciidaha; Annagu Wiilashiinaan Qudha
Ka Jareynaa
C/Waaxid
C/hi Khaliif
London, UK
cabdulwaxid@hotmail.com
Ilaah baa mahad leh. Nabadgelyo
iyo naxariis nabi Muxamed korkiisa ha ahaato.
Labo ciid Udhxiyo ee ugu
dambeeyey Muqdisho kuma soo dhowaan in wanan laga qalo ee waxa
qura ee dhegta dhiiga loo darayey waxay ahaayeen carruur iyagoo
Qur’aan dhiganaya madfac ku dhacay ama hooyo iyadoo qado
karineysa uu iskari Tigree ahi madfac kaare laga soo tuuray
jikada ugu gashay ama odey cad oo masaajidka usii luudaya ay
Xabashida iyo kuwa u adeega ay xabbad ku daldalooliyiin ama
barbaar shaqo la’aan ah oo bannaanada dhooban oo boqollaal laga
dilay. Wax kastoo dadka Soomaaliyeed ku weynaa sida masaaxifta
Qur’aanka iyo masaajiddii waxaa najaaseeyey Tigreega. Inta
gabdhood ee Tigreega ah oo inta imaam masjid tujinaya u galeen
kaddibna soo gardaduubeen lama tiring karo.
Ilaahoow khaatumada hanaga
xumeyn. Nimankii naga waaweynaa sida korneyl C/hi, Nuur Cadde,
Cabdi Qeybdiid iyo Gacmo-dheere waa na khataleen. Waxaan soo
xasuustaa xamaasad heysay carruur Soomaaliyeed! Xamaasaaddaas
darteed ayaa maareeyayaasha ganacsiga ee carwadii Qaranku
allifeen arrin lacag lagu sameyn karay. Ma garaneysaa khiddadaas
waxay ahayd? Mar kale ka feker? Ma rumeysaneysaa waxaan soo
wado? Waxay allifeen ciyaar u eg middaan Ingiriiska lagu dhaho
“darts” waa mudacyo lagu shiishayo hadaf. Hadafkii waxay ka
dhigeen labada korneyl ee Mingiste iyo Qadaafi. Waxaa lagaa
gadayaa mudacyo waxaadna ku shiisheysaa sawirrada labada
korneyl. Labada sawir mid kasta waxaa wadnaha korkiisa looga
dhejiyey goome guduudan. Marka qofkii goomahaas mudaca ka taaga
wuxuu helayaa lacag. Maareeyayaashu uguma telogelin in lacag
laga helo ee keliya waxay ogaayeen nacaybka Soomaalidu u qabto
Mingiste waxayna rabeen iney lacag ka sameeyaan. Waxaa laga
yaabaa dadkii carwada madaxda ka ahaa ama ka shaqeynayey in
qaarkood ay ku jiraan “xubnaha baarlamaanka” ee Tigreega hoos
gabran. Haddaanba ogaan lahaa in Soomaalidu sidaan tahay
sawirradaas dambi kama galeen! Hadda ciyaarta uu ra’iisul
wasaare ku-sheegga, gacmo-dheere, Cabdi Qeydiid ama
Maxamed-dheere ciyaarayaan waa ka duwantahay tii muducyada iyo
sawirrada. Iyagu lacagta la siiyo waxay ku gataan madfac
dabadeedna inta mooryaantooda u dhiibaan bey hadaf sawir ah kama
dhigtaane waxay ku garaacaan hooyadii dhashay ama kuwii ehelka u
xigay! Qofkii calaamadda sujuudda lagu arko waa in maskaxda laga
soo daadsho. Mar kastooy odey Soomaaliyeed beerka kaga
dhuftaanna waxaa la siiyaa abaalmarin.
Haddaan annagu ciidaha qali
jirnay wanan waxaa Zenawi rabaa in “ciiddiisa” Kirismaska uu
inta Tigreegu doofaar iyo khamri ka soo dharjiyo yiraahdo
wiilashaas Soomaaliyeed oo kuwii u waalidka ahaa
(dagaaloogayaasha) ay garwadeenka idiin yihiin xasuuqa. Dumarka
xabbadda ka badbaadana kufsada. Mar kasta oo Tigreegu gabar
asturan dakhuulaanba waxay u mahadceshaan Cabdi Qeybdiid iyo
Gacmo-dheere. Waxa kaliya oon ku fasiri karo waa adoo walaashaa
oo Tigree xoogayo iyada gacmaha sii qabta si aysan Tigreega u
xagan!
Marka laga reebo dad yar oo
waddaniyiin ah maahee ma aragteen meelay mareen hal-abuurradii
Soomaaliyeed? Xabashidii ay dacaayadeen jireen meeday? Mise
sidii qabqablayaashu sheegi jireen bey xabiib nala noqtay? Waa
sidii diintu u sheegtay oo mid mid dhif ah oo iimaan fiican leh
maahee intooda kale waxay u noolyihiin iney madaxweyne wax u
allifaan. Intooda badan reer tolkood bey wax la qeybsadaan.
Qaarkood waa la safnaayeen markii jabhaduhu Xabashida u galeen
iyagoo meelaha kaga faanaya “injir baa noo soo gashay halgankii
aan reer tolkeen la soo halgannay”! laakiin hadda oo Soomaali oo
dhan la halaagay makala jecla. Waxaad maqleysaa iyagoo xaflado
ka hantaatacaya. Marka bal aynu fiirinno mar sida Soomaaliya loo
qabsaday ay gaaladu u qabsatay Isbeyn (Andulus). Gabyaa Carbeed
baa la yaabay dadkii oo wuxuu leeyahay:
أحل
الكفر بالإسلام ضيما **** يطول عليه للدين النحيب
فحق ضائع وحمى مباح **** وسيف قاطع ودم صبيب
وكم من مسلم أمسى سليبا **** ومسلمة لها حرم سليب
وكم من مسجد جعلوه ديرا **** على محرابه نصب الصليب
دم الخنزير فيه لهم خلوق **** وتحريق المصاحف فيه طيب
أمور لو تـأملـهن طفل **** لطفل في عوارضه المشيب
أتسبى المسلمات بكل ثغر **** وعيش المسلمين إذا يطيب
فقل لذوي البصائر حيث كانوا **** أجيبوا الله ويحكمو أجيبوا
أما
لله والإسلام حـق يدافع عنه شبان وشيب
Gabyaagu wuxuu leeyahay:
- Gaalaa muslimiintii ku
habsatay oo sandulleysay, diinta dadkeediina waxaa ka
dhamaaday baroortii iyo oohintii.
- Xaqii baa dayacan, wixii
xurmada lahaa baa la banneystay, seeftii waa jabtay,
dhiiggiinna waa durdurayaa.
- Raggii iyo dumarkiiba waa
la salbiyey sida hadda Xamar ka socota.
- Tiro badanaa masaajid loo
bedelay kaniisad oo meeshii imaamku istaagi jiray laga
taagay mucatab ( Tigreegu waaba ku xaareen masaajiddii).
- Dhiigga doofaarka ayaa
caraf la ah halka ay gubidda masaaxifta ay ku
raaxeysanayaan.
- Waa arrin haddii
dhallaanku u dhabbogalaan keeneysa yaab dartiis ay la
cirreystaan.
- Dumarkii muslimiinta ahaa
meel kastaa lagu caayayaa halka nimankii ay badarka iska
cunayaan.
- Ku dheh kuwa caqliga u
saaxiibka ah meel kastooy joogaanba “belaayo” idin ku
dhacdaye maqla Ilaahay.
- Miyaan Ilaah iyo diintiisu
xaq lahayn oo la rabin in dhallinyarada iyo
cirroolayaashuba difaacaan?
Maxay tahay muslimkaan nahay
haddii ciiddii weyneyd aynaan ku tukan karin masaajiddii iska
daa wax kalee? Gabyaagaas waxaad mooddaa inuu Xamar iyo
Soomaaliya ka hadlayo. Soo ma arkeysid Tigree diideysa in
meydkeennii aan duuganno? Yaa garanaya dulli intaas ka weyn?
ALLAAHU AKHBAR. Niman baa halgankooda ku soo khatimaya iney
Ilaahey hortagaan iyagoo Tigree waddankii soo geshay oo uu
heysto! Diidayna in lagu tukado masaajidkii Isbaheysiga
Islaamka?! Axadka khaatumo-xumadaas ku socda waxaa taageersan oo
garabtaagan mid sheeganaya in maanta oo ciid ah uu soo tukaday!
Dadka kale oo iska dhiga
ineysan fadhi-ku-dirir ahayn ee isu qaba iney dacwad wadaan
waxaan xasuusinayaa tuducyadii Imaankii weynaa ee C/hi Binu
Mubaarak. Sheekh C/hi lama hadleyn madaxweyne ama wasiir ee
wuxuu heystay sheekh weyn oo Xaramka imaam ka ahaa. Wuxuu ku
yiri:
يا
عابد الحرمين لوأبصرتنا لعلمت أنك بالعبادة تلعب
من
كان يخضب خده بدموعه فنحورنا بدمائنا تتخضب
Ninka Xarameynka ku
cibaadeysanayoow haddaad na arki lahayd, waxaad ogaanlahayd
inaad cibaadada ku ciyaareyso.
Ninka dhabannadiisa ilmadu
qoysayoow; annaga godka dhuunta baa dhiigu naga da’ayaa.
Imaam C/hi wuu ogyahay qiimaha
ay leedahay cibaadada lagu sameeyo Xarameynka kamana wado in
sheekha kale ciyaarayo ee wuxuu leeyahay waqtigaan la joogo
waxaa koow ah in la jihaado oo dhulka muslimiinta la difaaco.
Marka nimanka iyagoo waddankii la heyso ku haya masaajid baan
dhiseynaa iyo mowlacyo ogaada kuwa Tigreega hortaagan ee ay dar
Ilaahay ka tahay inaan la arag wax loo dhigo. Haddii idinku aad
dhoobo iyo dhagaxii masaajidka garabka kuu saaranyahay, oo mar
mar dhagxaantaasi idin murxiso; iyaga waxaa garabka u saaran
baaruudii ay Tigreega ku halaagi lahaayeen. Hadduusan madfacu
madaxooda goyn oo aysan shahiidin, waxaa go’a addimadooda. Waxaa
taas ka sii daran marka dacaayad loola tago dadkaas dar Ilaahay
u halgamaya oo raba iney ku jihaadaan Tigreega waddanka ku soo
duulay.
Waxaan aaminsanahay in guushu
soo dhowdahay oo la gaari doono. Sidii aan mudacyada ugu
tuurijirnay sawirka Mingiste carwada dhexdeeda ayaan rajeynayaa
hadduu Ilaah idmo in jiilasha dambe inta mudacyo soo qaataan ay
ku tuurtuuridoonaan sawirrada gaalo-raacyada sheegta iney
Soomaaliya madax u yihiin. Marka ninkii maalintaas gaara oo arka
carruur sawirrada C/hi, Geeddi, Gacmo-dheere, Cabdi Qeydiid,
Nuur-cadde, Moorgan iyo kan Riyaale isha iyo wadnaha kala baxaya
ayaa dhimasho ku habboon tahay.
Waxaa taas ka sii farxad badan,
aakhirada aan u wada soconno ma aha meel Bush iyo Zenawi shaqo
ku leeyihiin. Marka waa u hoog iyo u halaag qof la dagaalsan
Axadka iska leh maalintaas – Allaah. Marka adduunka waa nala
qabaan dhibka soo gaara maatada Soomaaliyeed oo waa iyaga har
iyo habeyn hoyan la’; aakhirana waxaa dhabarka u saraan
dunuubtaas ay ugu weyntahay iney la dagaaleen diintii Ilaahay
iyo dadkeeda. Marka hadduu Ilaah idmo waxaa dhici karta in sida
Zenawi u laayey maatadeena loo arko micista iyo carruurta oo
inta ku yaacaan dagaaloogayaasha iyo dhabodhilifyadaas ay
nolashu ku dubtaan.
C/Waaxid
C/hi Khaliif
Biyo Zenawi Baa Nala Cabsiiyey (We Were Baptized Zenawi) Akhri
Afeef: Aragtida qoraalkan waxaa
leh qoraaga ku saxiixan