Maamuluhu waa hoggaamiye kolka la eego tilmaanta gaar aheeneed
ee uu ku leeyahay shaqaalaha, awooddiisa iyo khibraddiisaba.
Maamuluhu guulo la taaban karo kama keeni karo shaqdiisa haddii
uusan lahayn tayooyinka soo-socda:
Waa in uu aqoon u
leeyahay ganacsiga
Maamuluhu waa in uu aqoon u leeyahay; shaqadiisa, waaxda uu
maamulo, shirkadda, suuqa, warshadda, tartanka suuqa ka jira iyo
xitaa ummuuraha dibedda. Arrimahaan waa kuwa awoodda u siiya in
uu gaaro go’aan wax ku ool ah.
Waa in uu yahay daacad
Maamuluhu waa in uu yahay shaqsi daacad ah, sharaf leh,
ilaaliya maalka shirkadda, si fiican ula dhaqma shaqaalaha,
macmiisha iyo dawladdaba. Marka uu yahay maamuluhu daacad dadka
oo dhan way aaminaan, taasina waxay u fududaynaysaa shaqadiisa.
Waa in uu yahay mid isku kalsoon
Xaaladaha ad-adag iyo mashaakillada cul-culus kolka ay soo
wajahaan, waa in uusan niyad jabin, walaacin, naftiisa xukumi
waayin oo uusan khal-khalin. Isku-kalsoonaantu waxay ku abuurtaa
dhiiri- galin. Taasina waxay muhimmad weyn u tahay maamulaha.
Waa in uu fayowyahay
Caafimaadka wanaagsani wuxuu shaqsiga ka dhigaa qof tabar
leh, shaqo adag qaban kara, fir-fircoon oo hawl-kar ah.
Maamulaha fayow wuxuu awooddiisa iyo dareenkiisa oo dhan saari
karaa ujeedooyinka ururkiisa.
Waa in uu yahay mid nidaamsan
Maamuluhu waa in uu xirtaa dhar nadiif ah oo bilicsan, waana
in uu yahay mid miisaaman, edeb iyo akhlaaq leh oo Diblomaasi
ah.
Waa in uu yahay Af-tahan kaftan-yaqaana
Maamuluhu ma liibaano haddii uusan dareenkiisa si waafi ah u
muujin karin. Waa in uu aad ugu fiican yahay hadalka iyo
qoraalkaba, oo si fiican oo la fahmi karo u kala dhig-dhigi
karaa una bayaamin karaa. Waa in uu yaqaannaa kaftan-sheekeedka
dadku jecel yihiin kana qoslinkaraa dadka mar kasta oo u baahdo.
Taasi waxay ka dhigaysaa qof caan ah oo ay jecel yihiin dadka uu
hor-fiiqa u yahay.
CASHARKA IYO SETIMAANKA DAMBE
Waxaad Setimaanka dambe la socon doontaan Haddii Alle Qadaro
qayb kale oo ka mid ah Cutubkaan oo Shaarraxaya; Hawlaha
Maamuluhu uu qabto.
Qoraha: S. Nayruus
Goobta: Karachi, Pakistan
E-mail-ka: snayruus@hotmail.com
iyo
nayruus@gmail.com
Mobile-ka: +92-345-8118910.
ILAHA XOG-URURINTA
- A practical Introduction to Business
By: Koontz and Fulmer
- Accounting- The basis for business
decisions By: Meigs, Williams, Haka & Buttner.
- Strategic Management – Concepts and
Cases By: Fred R. David.
- Business Research Methods By:
Emory.
- An Integrated Approach to Business
Studies By: Bruce R. Jewell
- Business Accounting By: Frank
Wood & Alan Sangster.
- Business Law By: Ronald A.
Anderson.
- Financial Management of the Small
Firms By: Walker W. Pitty.
- Principles of Commerce and New
Management By: M. A. Khalid.
- The Business – Problems and Solutions
By: Skatler.
- Qaamuuska Af-Somaliga By:
Keenadiid