HARGEYSA

Office Telephone: 252 2 517269/ 252 24112633/252 2 4409125/25224481219

Hargeisa, Somaliland

Ref/SHURO-Net/ 0409 /07 Date: 22/11/07

Ujeedo: War bixin

Cabudhinta Saxaafada Madaxabanaan iyo Inqilaabkii SHURO-Net

Isku-xidhka Ururada Xuquuqda Aadamiga Somaliland ee SHURO-NET oo ay ku bahoobeen ururada rayidka ah ee ka shaqeeya horumarinta iyo ilaalinta xuquuqda iyo xoriyadaha aasaasiga dalka Somaliland, ururadaasi oo ka kala hawl gala dhamaan gobolada dalka,ayaa waxay aad uga xunyihiin hawl galkii ay booliska somaliland kula wareegeen xarunta isku-xihdka ururada xuquuqda aadamiga Somaliland bishan horaanteedii,taasoo si cad u baaalmarsan destoorka dalka iyo shuruucda caalamiga ah ee xuquuqda aadamiga.

1/11/2007 abaaro 10:00 a.m ayay ciidanka booliska Somaliland oo horkacaayo Taliye ku Xigeenka Ciidanka Bilayska Somaliland, Maxamed Shiil Dhidar la wareegeen mafaatiixda xarunta isku-xidhka ururada xuquuqda aadamiga Somalialnd.Taliye ku xigeenak bilayska Somaliland ayaa u socday inuu hogaanka shuro-net ku wareejiyo guddi sheegatay in lagu soo doortay kulan aan caadi ahayn oo kadhacay hudheelka ambaasadar bisha October 24keedii, laakiin waxaa Xarunta shuro-net waqtigaas ku sugnaa in kabadan afartan urur oo kamida dalada shuro-net kuwaa soo si adag u cadeeyay inaanay soo dooran guddidan balse ay taageersanyihiin hogaankii hore ee shuro-net,islamarkaasina ay qabsanayaan doorashii hogaanka shuro-net bil kadib sida uu dhigayo destoorka shuro-net, taasi waxay dareensiisay taliye ku xigeenka bilayska Somaliland in ururada intooda badani ka soo horjeedaan hogaankan cusub ee sheegtay in lasoo doortay.

Isku-xidhka heer qaran ee ururada xuquuqda aadamiga Somaliland (SHURO-Net) waxay si xoogan u cambaaraynayaan ficiladda laf jabka ku ah xuquuqda aadamaha iyo xoriyadaha aasaasiga ee uu caadaystay Wasiir ku Xigeenka Wasaarada Cadaaladu Yusuf CiiseTalaabo tan iyo markii uu xilka wasaarada cadaalada uu qabtay.

Falalka ku tacadiga xuquuqda aadamaha ee Wasiir ku xigeenka Wasarada Cadaaladu Yusuf CiiseTalaabo uu caadaystay kii ugu dambeeyay waxa uu haleelay Garyaqaan Mubarik Ibrahim Aar ahna Agaasimaha SHURO-Net, maaliniminaddii axadii 4 November 2007 , abaaro 10:00 subaxnimo

Koormeerayaasha xuquuqda aadamiga SHURO-Net oo baadhitaan qotodheer ku sameeyay kiiska lagula wareegay xafiiska shuro-net ayaa waxay ogaadeen in garyaqaan mubarik oo ku guda jira hawlihisii maalilmeed oo ku sugan jaamacada hargeisa ay ciidan bilays ahi ugu yimadeen halkaasi kadibna ay amar ku siiyeen inuu u raaco xafiiska shuro-net,si uu u wareejiyo xilkii uu kahayay shuro-net.

Mudane aar oo xoog lagu soo kexeeyay, ayaa waxaa uu sooraacay ciidankii bilaysa waxaanu yimi xarunta shuro-net isagoo halkaasi kula kulmay wasiir ku xigeenka wasaarada cadaalada Yusuf CiiseTalaabo, Madax ka tirsan ciidanka bilayska Somaliland, Garsoore ka socda maxkamada gobolka iyo masuuliyin kale, intaa kabacdi waxaa uu ku wargaliyay wasiir ku xigeenka wasaaradda cadaaladu inuu agaasimuhu ku wareejiyo hogaanka shuro-net guddida cusub ee ay ka dambaysay samayntiisa xukuumadda Somaliland, laakin agaasimuhu wuxuu u cadeeyay dhammaan masuuliyiintii xukuumadda ee goobtaa joogtay inaan isaga xaq loogu lahayn xil wareejin, laakin ay arintani u taalo ururada ku bahoobay shuro-net kuwaa soo iyagu si cad u diidan hogaanka cusub oo ka kooban ashkhaas hore looga cayriyay ka mid noqoshada shuro-net kadib markii xilkii loo igmaday ay gudanwaayeen ayna ku kaceen dambiyo ka dhan ah destoorka shuro-net iyo ururo aan iyagu xubinba ka ahaynba shuro-net .

Hanjabaad iyo Dood dheer ka bacdi ayaa agaasimaha shuro-ne wuxuu ku warejiyay agabkii iyo alaabtii taalay shuro-net wasiir ku xugeenka wasaarada cadaalada Yusuf CiiseTalaabo kazoo isaguna isla markiiba ku wareejiyay guddidii cusbayd ee uu horkacaayay Maxamed Omar Wayab oo madax ka ah wakaalada wararka ee Somaliland.

Sidoo kale garsoore Siciid ee la hawlgala Maxkamameda Gobolka ee Hargeisa, garsoorahaas oo si toos ah uga amar qaata Xukuumadda Somaliland, ahna garsoorihii ka garnaqaayay dacwadii lagu soo eedeeyay masuuliyiintii urur siyaasadeedka qaran ayaa loo soo kaxaystay si uu waranka u jaro hadii uu agaasimuhu diido xil wareejinta, arintan ayaa yaab iyo fajiciso ku noqotay dhammaan shacbiwaynaha reer Somaliland iyo cid kasta oo danaysa xuquuqda aadamiga.

Sida ay xogogaalka u yihiin ururada xuquuqda aadamiga Somaliland ma'aha oo kaliya inuu wasiir ku xigeenka wasaarada cadaaladu ku amray inuu xilka uu wareejiyo mudane mubarik aar balse waxaanu ogaanay in xukuumaddu markay ogaatay inaanay wadikarin hawlaha shuro-net hogaankii cusbaa ay iyagu keenen, islamarkaana ay cadaatay in ay xukuumaddu ku fashilantay faragalinta ururada xuquuqda aadamiga, taasoo sumcadii Somaliland wax wayn u dhintay, ayaa waxay amar ku siiyeen mudane aar inuu ku soo noqdo maamulka shuro-net,laakiin waxa uu u cadeeyay mudane aar inaanu dib ugu soo laabanayn meel ay xukuumaddu haysato.

Baadhitaan ay sameeyeen kormeerayaasha xadgudubyada xuquuqda aadamiga oo ka tirsan Isku-xidhka Xuquuqda Aadamiga Somaliland (shuro-net) ayaa daboolka ka fayday in ay xukuumaddu u burburisay shuro-net iyadoo ay shuro-net si cad uuga hadashay xadgudubyada ka dhanka ah xuquuqda aadamiga oo si isdaba jooga uga dhacaayay somaliland sanadaii lasoo dhaafay iyo shuro-net oo daaha ka fayday boqolaal qof oo ah rayid oo u xidhan guddida nabadgalyada, dadkaasoo aan la horkeenin wax maxkamad ah ,intaa marka lagu daro shuro-net oo si adag u cambaaraysay xadhigii sharcidarada ahaa ee lagula kacay madaxda urur siyaasadedka qaran oo ilaa hadda ku jira xabsiga madheera

Dhinaca kale waxa Isku-xidhka Xuquuqda Aadamiga Somaliland waxa ay aad iyo aad uga walaacsan yihiin xakamayta aan sharciga ahayn iyo cabudhinta saxaafada madaxa banaan taasi oy xukuumadda Somaliland ku kacayso si ay uuga takhalusto cododka xorta ah ee ka soo yeedhaaya shacbiwaynha Somaliland

Ujeedadda ugu weyn ee Isku-xidhka Xuquuqda Aadamiga Somaliland waa horumarinta iyo ilaalinta dhamaan xuquuqda iyo xoriyadaha aasaasiga ee ku cad dastuurka dalka iyo heshiisyadda caalamiga ah ee xuquuqda aadamaha,anagoo tixraacayna muhimadaas waxaanu si adag u cambaaraynaynaa xeerka cusub ee saxaafada kaasoo ay rabto xukuumaddu inay ku cabudhiso saxaafada madaxabaan taasoo ah astaanta kaliya ee ka siinool hanaankii dimuquraadiga ahaa ee ay ku hanaqaaday jamhuuriyada Somaliland.

Isku-xidhka ururada xuquuqda aadamiga Somaliland waxay aaminsanyihiin in ay saxaafada madaxa banaani si weyn uuga soo qayb qaadatay horumarka iyo kaladambaynta maanta ay ku faanayso xukuumada somaliland,waana isha kaliya ee uu hada haysto shacbiweynaha reer somaliland ,taasoo ay kala socdaan dhammaan waxqabadka xukuumadda iyo guud ahaanba horumarka dalka,sidaa daraadeed ilaalinta xarriyadda saxafadu iyo horistaaga waxkasta oo keeni kara in la cabudhiyo waa mid ay tahay inay u guntadaan dhaammaan shacbiwaynaha reer Somaliland

Isku-xidhka ururada xuquuqda aadamiga Somaliand waxay u arkaan,xoogii lagula wareegay xafiiskii komissionka doorashooyinka, xadhigii madaxdii urur siyaasadeedka qaran,inqilaabkii foosha xumaa ee lagula kacay hogaankii shuro-net iyo xeerkan saaxaafadda ey xukuumaddu wado mid larabo in lagu soo afjaro xarriyaddaha aasaasiga ah ee uu dammaanad qaaday destoorka Somaliland

Isku-xidhka Ururda Xuquuqda Aadamiga Somaliland waxa uu ugu baaqayaa xukuumada Somaliland in:

- xukuumada Somaliland baadhis ku samayso sababta keenta in Boolisku si fudud ula wareego xaruntii shuro-net, isla maraasina u hawlgasho sidii ay u dhamayn lahayd arinta shuro-net

- in ay cadaalada horkeento saraakiisha iyo askarta geysta ama amartay faragalinta shuro-net

- Waa in ay joojiso xukuumaddu xadhiga sharcidarrada ah ee ay kula kacayso dadka rayidka ah, una marto wixii xadhiga sifo sharci ah.

- In xukuumaddu joojisa faragalinta ururada xuquuqda aadamiga kana fogaato waxkasta oo wax udhimi kara sumcada somaliland

- In xukuummaddu xoriyadoodii u soo celiso madaxda urur siyaasadeedka qaran ,tixgalisana dhawaaqyada ka soo yeedhaya shacbiwaynaha reer somalialnd

- In xukuummadu ixtiraamto xoriyadda saxaafadda ,kana dheerato cabudhinta saxaafada madaxa banaan

- In golayaasha qaranka Somaliland ganafka ku dhuftaan xeerka cusub ee cabudhinaaya saxaafada madaxa banaan

- Waxay ugaysiinaysaa ururada xubta ka ah shuro-net in doorashii hogaanka cusub ee shuro-net uu dhici doono waqitigii loogu talagalay taasoo ah 23 December 2007, cid alla cidii rabtaana ay halkaa iska sharixikarto iyadoo ay noqon doonto doorasho xor ah oo xalaal ah.

Hawlwadeenada SHURO-NET

Shurada sharciga ah

Faafin: SomaliTalk.com | Nov 24, 2007