Nuur Xasan Ciise ” Ummadda Soomaaliyeed waxay Idiin ka Fileysey in Cabirka
Badda laga Kordhiyo 200nm ee idiin kama Fileyn wax yareeyn la yiraahdo”
Cid Soomaali ah oo Diidan ma jirto in Badda Soomaaliya ay Tahay 200nm, waana mid
Sharci ah hase yeeshee waxaan Sanadahaan Dambe marka laga soo bilaabo Sannadkii
2009 waxaa soo baxay dad Soomaali ah oo Dano Shisheeye u adeegaya in Badda
Soomaaliya laga dhigo 12nm kuwaas oo qaarkood Madax Sheeganaya iyadoo taasi ay
jirto ayaa waxaana nala soo xiriirey Aqoonyahan Nuur Xasan Ciise oo ka mid ah
Aqoonyahanada Soomaaliyeed oo si aad ah uga Caroodey in Xiligaan la soo hadal
qaado Badda Soomaaliya.
 Mudane Nuur waxaa uu sheegey in dadka Wata Qorshaha ay ku doonayaan in Badda
Soomaaliya lagu soo koobo 12nm yihiin kuwa u adeegaya Danno Shisheeye oo salka
ku ahaya in lala baxo wixii Khayraad ah ee ku jira Badda Soomaaliya marka waxaa
leeyahay dadka ku Howlan Qorshahaasi in ay Maskaxdood ka saaraan in Badda
Soomaaliya la farageliyo wuxuu intaas ku darey “Ummadda Soomaliyeed waxay idiin
ka Fileysey in Cabirka Badda laga Kordhiyo 200nm ee idiin kama Fileyn wax yareyn
la Yiraahdo” “waxaan Fileyney in Dadka Madaxda u noqdey Shacabka Soomaaliyeed in ay Dadaal u
geli doonaan in la Balaariyo oo Cabirka Badda Hadda ay tahay ee 200nm laga sii
kardhiyo ee kama fileyn in ay ku andacoodaan in Badda Soomaliya ay tahay 12nml
waana wax ummada Soomaaliyeed aysan marnaba aqabali Doonin in Badda Soomaaliya
lagu soo Koobo 12nm” Mudane Nuur Xasan Ciise waxaa u soo jeediyey Baarlamaanka Dowladda Federaalka in
ay si Taxadar ama Feejignaan ku jirto u Daafacaan Badda Soomaaliya oo aad
raacdaan talaabooyinkii uu qaadey Baarlamaankii hore ee uu ku diidey in Badda
Soomaaliya Fergelin lagu sameeyo, Shacabka Soomaaliyeed waxaad u qabtaan waa la
arki doonaa sidaa darteed waxaa la idiin kaga fadhiyaa waa sidaa u Difaaci la
haydeen Badda Soomaaliya iyo Khayraadka ku jira . Mar uu ka hadlyey Mudane Nuur Burcad Badeedka waxaa uu sheegey in Faa'iido iyo
Khasaaro ay keeneen marka aan leeyahay Faaiido waxaa Xaqiiqo ah in Burcad
Badeedka ay Badda Soomaaliya ka fogeeyeen Maraakiibtii ka Kaluumeysan jirtey
Xeebaha Soomaaliya iyo kuwii Sunta ku Shubi jirey isagoo sheegey in ay Fursad
heleen Kaluumeysatadii Soomaaliyeed kuwaas oo Dhibaatooyin kala kulmi jirey
Maraakiibtaas Shisheeye , marka la fiiriyo Khasaaraha ay keenaa waa iyagoo soo
qabta Maraakiib Ganacsi oo Badda iska Maraya. . W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | May 8, 2013
| 
Daabaco
Boggan | Print
