Kulankii Wasiirka Cadaaladda Janaqoow iyo Jaaliyadda Finland
Wafdigaan oo ka koobnaa Wasiirka
Cadaalada iyo Garsoorka ee Dowlada Midnimo Qaran Sh C\raxmaan Max,uud Faarax
(janaqoow), xildhibaan ugaas Axmed Bile iyo Xildhibaan Daahir Max,uud Geelle
ayaa wexeey kulan aad u balaaran la qaateen Jaaliyada Soomaalida ee ku dhaqan
Magaalada Helsinki ee Wadanka Finland.
Kulankaan oo ay dad aad u badan kasoo qaybgaleen ayaa waxaa soo qaban
qaabiyey Golaha Midnimada Soomaaliyeed ee Finland.
Dadkii kasoo qeyb galay oo gaarayay boqolaal ayaa ugu horeyntii waxaa isaga
oo magaca jaaliyadda finland ku hadlaya bilaabay hadalkii Gudoomiyaha Golaha
Midnimada Soomaaliyeed ee Finland Mudane Said Karshe
wuxuuna ugu horeyntii u mahad celiyey wafdiga iyo dhamaan dadkii kale ee
halkaas isugu yimid isagoo xusey ineey baahi weyn u qabaan in ay la kulmaan
mas,uuliyiinta ka socda DKMG isla markaasna loo faahfaahiyo marxalada guud ee
wadanku marayo, ka dibna waxaa uu warbixin guud ka bixiyey xaaladda jaaliyadda
Finland heerarkii ay soo martay iyo waxqabadkeeddiiba.
Sidoo kale waxaa halkaas ka hadasheyay Xildhibaan Cabdulqadir Dhicisow oo ka
mid ah xubnaha baarlamaanka ee dowladda Midnimo Qaran kana mid ah jaaliyadda
Finland ayaa waxaa isagoo ku hadlaya magaca jaaliyadda iyo kan xildhibaanimaba
kusoo dhaweeyey sidoo kale wafidgii uu wasiirka hogaaminayey wadanka finland ka
dibna wax yar kataabtay Taariikhda Jaaliyadda Finland oo uu isagu ka mid ahaa
dadkii wax ka aasaasay.
Waxaa sidoo kale kaalintii Dumarka ee jaaliyadda Filand ku hadlay Mulki oo ah
takhtarad Soomaaliyeed degan Finland, oo iyadda ku nuux nuuxsatay kaalinta
dumarka iyo waxa looga baahan yahay.
Waxaa kaloo hadalo kooban halkaas ka soo jediyey xildhibaan Ugaas Axmed Bile
oo isagu intii uu hadlayey aad arkeysey iney dadbadan xiiso gaar ah siinayeen ka
dib markii uu dhowr dhacdo oo layaab leh oo ka dhacdey wadnkii uu uga sheekeeyey
dadkii jaaliyadda ee kasoo qayb galay ka dibna waxaa uu ugu baaqay dadka reer
Finland ineey taageeraan dowlada, dadka ay la nool yihiina ixtiraamaan.
Intaas ka dib ayaa waxaa hadalkii lagu soo dhoweeyey Wasiirka Cadaalada iyo
Garsoorka ee Dowlada midnimo qaran Sh C\raxmaan Janaqow wuxuuna sheegay ujeedada
ay u yimaadeen oo aheyd dalab iyo casumaad ay ka heleen Golaha midnimadda
Soomaaliyeed ee Finland
Dhanka kalana wuxuu ku dheeraadey waxa ay Diinteena islaamku ka qabto afkaar
Diineed nagu cusub oo ay wataan qoladaan magacyada badan sida uu qofba u yaqaano
isagoo sheegay wasiirku in xiligii Rasuulka SCW la arkey ninkii ugu horeeyey ee
qabay fikirkaas cudurka ah wuxuuna Rasuulka ku tilmaamey inuusan cadaalad
faleynin,fikirkaas qaldana waa fikirkii lagu diley Sayid Cusmaan iyo Sayid Cali,
wuxuuna wasiirku hoosta ka xariiqay dhibaatada balaaran ay ku hayaan dadka iyo
dalkaba ayna haboon tahay in Dowlada kaliya aan la sugin ee si wada jir ah la
isaga kaashado.
Dhibaatada ugu badana waa Diintii oo si qaldan loogu fasirayo dadka aan cilmiga
laheyn dhalinyaradeeniina maskaxda ayaa laga qaldey,jihaad ayeey dhegta ka
maqleen meel ay ka bilaabaana ma yaqaaniin, diinta islaamku ma qabto xagjirnimo
dariiqadeena Ahlusunna ma ogola in laga hor imaado madax ku dhaqmaysa diinta
islamka ama dowlad Islaam ah, wuxuuna wasiirku ku nuuxnuuxsadey in
culumoowdiinka looga baahan yahay in ay waajibkooda gutaan qaladka iyo saxdana u
kala cadeeyaan dadkooda.
Dhanka kale waxa uu wasiirku
hoosta ka xariiqey in dowladaan tahay dowlad muslim ah oo ay ka duwan tahay
dowladihii horey u soo marey Dalka waxaana diyaar u nahay in la doodo la is
toosiyo la isi saxo waxaana geed dheer iyo geed gaabanba u kornay wada hadal si
loo helo nabad waarta balse waxaa nasiib daro ah in ilaa iyo hada la nahay.
Dhamaan dadkii kulankaas ka so qeyb galey ayaa aad ugu qiiroodey qudbadii
wasiirka oo aad u soo jiidatey wuxuuna dhamaan hadaladiisa u adeegsaneyey aayado
qur,aana axaadiis, iyo qaar ka mida murtida Soomaaliyeed.
Ugu dambeyntiina waxaa halkaas su aalo ku saabsan howlaha dowlada iyo
waxqabadkeeda ay ku weydiiyeen ka soo qeybgalayaashii kulanka wasiirka iyo
xildhibaanadii la socdey. guud ahaana si wanaagsan kusoo dhamaadey.
Guddoomiyaha golaha midnimadda Soomaaliyeed Waxaa uu halkan mahad celin uga
dirayaa qaybihii kaalinta weyn ka qaatay soo qaban waxaana aya kala yihiin
ururka dhallinyarada ee Kanava
dad wadaniyiin ah oo ka kala socday bulsha qaybaheeda kala duwan. Halkaan waxaad
ka arki kartaan guddiga qabanqaabada iyo magacyadoodaba.
1. Said Karshe Aden
2. Abdulkadir Deicisow
3. Abdulkadir Ahmednur
4. Mulki Elmi Mölsä
5. Abdirisaq M. Hassan
6. Dr. Axmed Weheliye
7. Dek Gurhan
8. Axmed Sandheere
9. Sh. Mohamed Musse Abdulle
10. Abdirashid Awad Dirie
11. M.Ali yaanyo
12.Abdiaziz Godah
13. Ahmed Dahir Kahie
14. Xuseen Yussuf
15. Foodcade
16.Yasin Gas
17.Abdi Caagane Omar
iyo in kale oo aan halkaan magacyadooda lagu soo koobi karin.
Abdiaziz Godah
Helsinki-Finland
agodah@hotmail.com
Faafin : SomaliTalk.com | July 24, 2009 |