FARAJ BAA DHOW
HA ISDHIIBIN SOOMAALIYEY !...
- Iyadoo 1da Luuliyo ay ahayd, 49 sano ka hor, maalintii
xusuusta iyo farxadda lahay ee Qaranka Soomaaliyeed, meel u joogaba,
isaga oo isku duuban, u sarakacday Dalkiisa, dadnimadiisa iyo
dowladnimadiisa.
- Waxaan manta Ummadda Soomaaliyeed la qaybsanaya geerida iyo
murugada, waqtiga mugdiga ah iyo taariikhda madow ee manta la marayo;
iyadoo dhibaatadaas culus, si isdabajoog ah loogu soo jirey muddo 20
sano ah: dad iyo duunyo lagu hoobtay; dal, bulsho iyo dowladnimona ku
burbureen oy ku baaba’een; laguna illaawey xusuus, xaq iyo xeer,
wax horey loo soo ahaan jirey iyo aayatiin dambe oo lagu ku tashado…
- Inkasta oy sidaas tahay, waxaan haddana Qaranka Soomaaliyeed guud
ahaantii iyo qof kasta oo Soomaali ah, gaar ahaantiis, ku goobaabinaya
in aan la rajadhigin oon la isdhiibin!... Gurmadka Alla iyo
gargaarkiisa ayaa innooga iman gees aan la filayn!...
- Ha isdhiibin, ha isdhiibin Soomaaliyey!... Ilaahii mar walba oo
halistu heerkaas gaadho ku bixin jirey, ee ku badbaadin jirey,
Ilaahiibaa maantana jooga oo jira!...
- Hubaal, waxa kuu dambeyn: GUUL, SHARF IYO FARXAD!... Iyo wax
aad ku illawdo wax kasta oo ku soo marey!... Faraj Allaa dhow, ha
isdhiibin Soomaaliyey!..
Cumar Cusmaan Raabe
(1da Luuliyo 2009)
Faafin : SomaliTalk.com | July 1, 2009
 "Kuwa
xabashida u tegey waxaysan garanayn xabashi, waxaysan garanay sidii
xabashidu u gashay kuwii ayaga ka horeeyey" Akhri...
(2005) |
Daabaco
Boggan | Print
