Dhanka kale Jariidada Al Ahram ee ka soo baxda Qaahira oo waraysi la yeelatay
Sheikh Shariif ayaa weydiisey su'aal ku saabsanayd faragelinta shesheeye
su'aashaas oo ahayd "Waxaa shacabka Soomaalidu ay si weyn u hadal hayaan in ay
jiraan faragelin shisheeye oo curyaaminaysa maslaxadda Soomaaliya iyo
xasiloonideeda, sidee u aragtaa arrintaas?
Waxaa Madaxweynaha DFKMG ku jawaabey: "Waxaa jira dano laga leeyahay dhammaan
dalalka adduunka, waxaase muhiimaddu tahay sidee ula dhaqanaa dalalkaas wata
danahooda gaarka ah naga fushanaya".
Markii la weydiiyey "Ma dooneysaa in aad markale isu magacawdo
Madaxweynanimo?" Waxaa Sheikh Shariif ku jawaabey:
"Waxaan ka soo gudubney xilligii adkaa, waxaana geli doonaa waqtigii dib u
dhiska iyo dhismaha, waxaana u malaynayaa in qofkii xilka soo hayey watigaas
adag in uu ka khibrad wanaagsan yahay qof kasta oo aan garanayn meel uu wax ka
bilaabo, sidaas daraadeed waxaan rajaynayaa in aan xilka sii hayn doono xilliga
soo socda," ayuu yiri Sheikh Shariif.
Dhanka kale waxaa maalintii 19aad galay xad-gudbka ay Kenya ku gashay gudaha
Soomaaliya, ayadoo ay militariga Kenya ku hanjabeen in ay diyaarado ku duqayn
doonaan magaalooyin badan oo ku yaal Koonfurta Soomaaliya.
Arrinta ku saabsan duqaynta cirka weli Sheikh Shariif wax war ah kama soo
saarin, lagamana maqal war ka dambeeyey hadalkii uu hore u sheegay ee ahaa in uu ka soo horjeedey ciidamada Kenya,
ayna ka dambeysey in ra'iisul wasaaraha DFKMG heshiis magaalada Nairobi kula soo
saxiixday Kenya.
Warsaxaafadeed ka soo baxay DFKMG ayaa sheegay in guddoomiyaha baarlamaanka
iyo ra'iisul wasaaraha DFKMG ay u safreen xajka. Warsaxaafadeedka oo u qornaa
sidan:
Madax ka tirsan Dowladda oo sanadkan Gudanaya waajibaadka Xajka
Muqdisho, November 2, 2011--------Mas’uuliyiin sare sare oo ka tirsan dowladda
ayaa galabta ka dhoofay garoonka diyaaraddaha ee Aadancadde International iyaga
oo ku sii jeeda Magaalada Barakeysan ee Makkah ee dalka Sucuudiga halkaasoo ay
ku soo gudan doonaan waajibaadka Xajka sanadkan..
Ra’iisul Wasaaraha Xukuumada Federaalka KMG ah ee Soomaaliyeed Mudane Dr.
Cabdiweli Maxamed Cali Gaas iyo xubno ka tirsan golihiisa Wasiirada iyo sidoo
kale, wefdi kale oo uu hogaaminayo Guddoomiyaha Golaha Baarlamaanka Mudane
Shariif Xasan Sheekh Aadan oo ay ku jiraan xildhibaano ayaa galabta ka ambabaxay
magaalada Muqdisho.
Mas’uuliyiintan ayaa gudanaya Xajka sanadkan, maadaama Xajku uu yahay mid ka mid
ah Tiirarka Diinta Islaamka, oo qof kasta oo Muslim ah looga baahan yahay inuu
Xajiyo marka uu awoodo.
Ra’iisul Wasaaraha Xukuumada Mudane Cabdiweli ayaa warbaahinta u sheegay inuu ku
faraxsan yahay inuu sanadkan soo Xajiyo isagoo xusay inuu Alle uga baryi doono
shacabka Soomaaliyeed inuu dhibaatada abaarta iyo dagaalada ka dul qaado,
sanadkan sanadkiisana ku gaarsiiyo, Nabad, Horumar iyo Barwaaqo.
Madaxdan ayaa la filayaa in marka ay dhameystaan gudashada Xajka ay u tacsiyeyn
doonaan dowladda Sucuudiga oo uu dhowaantan ka geeriyooday dhaxal sugihii
boqortooyada, Boqor Sultan bin Abdulaziz Al Saud, waxayna halkaasi kulamo kula
qaadan doonaan madaxda dalka Sucuudiga.
-DHAMAAD - (Isha:
DFKMG)
***
Magaalooyinka ay Kenya sheegtay inay Diyaaradaha ku duqayn
doonto
Afhayeenka Ciidanka Militariga Kenya ayaa Talaadadii Nov 1, 2011
sheegay in weerar aan kala go'lahayn ay ku qaadi doonaan magaalooyinka:
Baydhabo, Baardhere, Diinsor, Afgooye, Bu'aale, Baraawe, Jilib, Kismaayo iyo
Afmadow.
Maj Chirchir isagoo adeegsanaya Twitter-ka waxa uu hadalka u dhigay
sidan: BAIDOA, BAADHEERE, BAYDHABO, DINSUR, AFGOOYE, BWALE, BARAWE, JILIB,
KISMAYO and AFMADHOW will be under attack continously - waxaa sidaas
qoraalka u qoray Maj Chirchir, laba jeer ayuu qoray Baydhabo, waxa uu sheegay in
weerarka uu ku qaadayo magaalooyinkaas uu xusay ay uu ahaanayo mid aan kala go'
lahayn (will be under attack continously)..
Daabaco
Boggan | Print
Magaalooyinka ay Kenya sheegtay inay Diyaaradaha ku duqayn
doonto
