|
WARAR KOOBAN: |
|
30 Sept 2005: Joornaal ka soo
baxa Denmark (Jyllands-Posten)
ayaa daabacay sawir gacmeedyo aflagaado ku ah Nebi Muxamed.
20 Oct 2005: Ambaasadoorada 11 dal ee Muslim ah u
fadhiya Denmark ayaa waxay warqad u direen ra'iisul
wasaaraha Denmark ay ku weydiisanayaan in ay la shiraan,
ayagoo ugu baaqay in uu wax qabato wargeyska daabacay sawir
gacmeedyada, waxana uu ra'iisul wasaaruhu diidey kulankaas.
Oct 14, 2005: Lix iyo toban hay'adood oo Muslimiin ah
Reer Denmark ay ayaa cambaareeyey wargeyska
Jyllands-Posten, waxana
sheegeen in Muslimiinta la daan-daansanayo.
20 Oct 2005: Muslim Safiirada
Muslimka ayaa waxay cabasho u gudbiyeen ra'iisul wasaaraha
Denmark.
10 Jan 2006: Wargeys reer Norway
ah oo lagu magacaabo Magazinet, ( Christian newspaper
ee Norway)ayaa daabacay sawir gacmeedyadii wargeyska Denmark
ee aflagaadada ku ahaa Rasuulka NNKH.
25 Jan 2006: Muftiga
dalka Sacuudiga Sh. Cabcicasiis Aala-Sheekh uu soo saaray
fatwo uu ugu yeerayo shirkadaha sacuudiga, iyo guud ahaan
ganacsatada muslimiinta inay jaraan xiriirkooda dhaqaale ee
ay la leeyihiin shirkadaha laga leeyahay Denmark,
26 Jan 2006: Saudi Arabia ayaa u
yeertay safiirkoodii u fadhiyey Denmark. Waxaana sucuudiga
ka bilowday joojinta alaabta laga keeno Denmark.
30 Jan 2006: Waxaa weerar lagu
qaaday xafiiska Midowga Yurub ee Gaza ayadoo la weydiisanayo
raali gelin in ay bixiyaan
31 Jan 2006: Joornaalkii Denmark
ayaa bixiyey wax u eg raali gelin
1 Feb 2006: Wargeysyo reer Yurub
ah ayaa mar kale daabacay sawir gacmeedyadii iyagoo ku
taageeraya Denmark iyo waxa ay ugu yeeraan Xorriyatul Qowlka,
wargeysda daabacay waxaa kamid ah France, Germany, Italy iyo
Spain .
3 Feb 2006: Dad mudaharaadaya ayaa isugu soo baxay meelo
badan oo k amid ah dunida, sida London UK, Ciraaq,
Pakistan, iyo Indonesia
4 Feb 2006: Waxaa dad caraysani
weerareen,dabna qabadsiiyeen safaaradaha Denmark iyo Norway
ee dalka Suuriya.
5 Feb 2006: Waxaana mudaharadyo
lagu qabtay 25 dal. Dad mudaraadayey ayaa gubey safaarada
Denmark ee magaalada Beyruut, Lubnaan. Waxaa is
casiley wasiirkii arrimah agudaha ee Lubnaan.
6 Feb 2006: Ciidamada Booliska Afganistan ayaa rasaas ku
furan dad mudaharadaadayey halkaas waxaa ku dhintay afar qof.
Magaalada Boosaasona waxaa ku dhintay wiil 14-jir ah.
|
Abwaanka Cali Mataan Xasan Barre ayaa
ku billaabay gabaygiisa sidatan:-
Allahuma salli nabi muxamad waa ergey
ilaaheeye
Insi iyo jinkiyo kii layiri aad u wada
raaca
Ashahaata oo qira inuu yahay
rasuulkiina
Anbiyada dhamaantoodna ay wada
amraayene
Inuu ugu danbeyo injiill lagu
akhbaareyay
Aqoon bay uleeyiin ogaal way
inkirayaane
Aduunyada fisqiga baahayee ilbax lagu
sheegay
Aroorkooda wuxuu gaaray baan iin
ifbixinaaye
In laba dhadig ah oo aadana ah aqalka
loo taaga
Ama laba nin oo aroos loogu alalaaso
Ifka lagu cadaab urubo waa akhas
uraysaaye
Ilaahay kunaar uunka way agab
rogaayaane
Aflagaada weeyn bey rasuul ula
abaarreene
Umadaha damiirkii katagay ee allana
diiday
Anshaxumida diin ay utahay lagu
abaabeeyay
Amakaag ma ay aha inay ku afxumaadaane
Aragtida waxay tahay iney noo
ansaxiyaane
Oraahdiya sawiradii qoreen edebe la
antooda
Irdha bey ku beertay dadkii uunka wada
joogay
Ee islaamka haystee bulhaan ooda soo
jabiye
Arinkaa wuxii uu kasbada anafa uu reeba
Aduunyada kadhaca aawadii iyaga
weeyaane
Ardaalkii qoriya dowladay ku
antaroortaaye
Arla yurub dadkeedii la arag
aragtidoodiiye
Amar dowlo shacb iyo ra-iis ayni qura
weeye
Oo ibliis durbaankuu tumay idil
adeecaane
Ihaanadii rasuulkii dhaheen way
ayidayaane
Italiya ,isbeyn iyo holand eray kaso
yeeray
Waxaa lagu adkeeyaa midkey isir
wadaagaane
Bal aan eegna meeshay arini ku
intihoonaysa
Anigoo ogsoonaa xumida taala edegooda
Ingiriis amerika dhamaan aagga yuruboo
dhan
In illaah horaan nooga digay urug
fogaantooda
Adinkaba akhriya diinta waa ka arki
haysaane
Aqbalkay rabaan waa inaad aragti
raacdaaye
Ilaah iyo rasuulkiina aad ka
anfariirtaane
Afartaa miriyo eraya gabay alifyadeydii
dheh
Ashqaraarka maansiyo tixdaan ku
andacoonaayay
Abwaanada kaleentana ileys uga
ishaaraayay
Imtixaan iney tahay inana nalagu
eegaayo
Ikhlaas iyo ilaahay dartii waan
onkodayaaye
Ansaartii rasuulkaan ihiyo ubaxa
diineede
Israaiil iyo uroba way is ursanayaane
Islaamnimo naceybey horaan ku
isbaheysteene
Waxa askumay waa Deenishkaa uunka lagu
naarye
Awlaadda ibliis iyo kufriga ways
arxamayaane
Adeegyada yahuuday demarka ku
ixtiraamaane
Asalkii islaamkiyo waxay jaa-ifada
aaday
Ilaahay rasuulkii khalqiga ugu
udgoonaaye
Aduunyada cadliya aaminaad ugu
adeegaayay
Aadanaha asluubtiya tusiyay ayadaha
eebe
Ee akhlaaqda lagu layliyee abid
ilduufoobin
Amuuraha aduunayad ka jira waa
ibtiladaase
Awood sheegad gaalada waxay nagu
ekaynaysa
Afqaan iyo ciraaq waad midaad wada
arkayseene
Al qurayb astaan nogu filan
aramidiisiiye
Alahayow islamkiyo cizee
eheladiisoo dhan
Uurka wixii ku jira afka wuu ku
ataraaraaye
Iminkana aslaynkiyo hidaha eebe ina
siiyay
Usuushiyo quraankiyo sunaha
aayadaha diinta
Afbuuxay ku diideen inaad ku
intifaacdaane
Ardaygii quraan loodhigee alifka
bilaabaaya
Imaam iyo khadiib daaci ahi umad wada
raacsan
Itijaah qudha wada lahoo diinta wada
eegi
Ebyan waa kitaabkee sharciga wada
adeecaaya
Arinkaa inuu soosocdaan odorosaayaaye
Asbaabaha inaan qaadanoo aayar
wada toosna
Addin iyo aqwashaba ilaah uga ujuur
doona
Aamiin iigu dhaha waa maqbuul idin
ilaaheye
Gabayaaga Cali Mataan Xasan Barre waxaa
kala xiriiri kartaa
Ibrahim S. Aden <ibra88@hotmail.com>
»Duq
Ibliis Copenhagen bay Daash ku leedahaye
»Gefka
loo geystey Nabiga (NNKH) waa Xaniinya taabadkii ugu..
»Denmark
oo muslimiinta ku dhex nool ku eedeyneysa..
»Fikirkiisa
Guracan baa dunida dab ka dhaliyey!!
»OGAAN IYO ULAKAC | Inj. Nabaddoon
»HADDII NABIGII ALLE
LOO GAFEY MAXAA KULA GUDBOON?
