Birmad Gabay
Mubashir Sheekh c/laahi
mubashir506@hotmail.com
Gabaygan waxaan tiriyay taariikhdu markay aheyd
02/02/06 aniga oo ah Mubashir Sheekh c/laahi waxaana
kula hadlayay xukuumada ka jirto Denmark iyo inta la
halmaasho oo wuxuu faafaahin iyo tusaalooyin isugu
darayaa marna asagoo udigayo marna wax usheegayo oo
uwaramayo wuxuuna ka duulayaa gafkii qirada weynaa
ee ay kula kaceen dunida Islamka iyo aflagaadadii
Rasuulka N.N.K.H gabayga wuxuu ku hadlayaa codka
Muslimiinta wuxuuna ku calool adeygayaa in Islaamku
dadnimo iyo dhanwalbaba isaga filanyahay oo uusan
ubaahneyn kaalmo baaderi wuxuu gabayga kusoo
gabagabeysmayaa marhadii ILaahdeeqsi yahay nin
diririyo nin taliyana aan heysto ma cidbaan ka
wardhowrayaa weeye ujeeda guud wuxuuna yidhi
Ba'da gabayga waayadan magelin baabki maansada e
Xalay unbuu burdaha ii aqriyay sheekh ku baariyehe
Aan bilaabo jeer-aan buddhigo beegis ma aqaane
Bahweyn iyo Islaam baanunahay laga baqaayaaye
Burji adag ninkaan igu ogeyn ima bariid sheene
Basarkeyga ruux garanayaa iima soo baxo e.
Aduunyada badhkeed yaanunahay beelku aaminahe
Bilyan iyo laguug baan tirsiga baac ku dheerahaye
Bir xadiid ah iyo waxaanu-nahay buur ma liicdo ahe.
Bush quusay idinkana dhaqsaad ubaqtiyeysaane
Boqolkiiba mid unbaadtihiin badana meysaane
Bismillaahi gootraan dhahaad bururi doontaane
Afartaa bayaan iyo midaan buug kudaabacay dheh
Birmad iyo difaac wada socdoon beyda giijiyay dheh
Caawana beriba waa cimriye hadalyar baan baanay
Baxsanow Rasuulkeenibaad beenka weriseene N.N.K.H
Boqorkaan dhacaynbaad afxuno kula bariiqdeene
Hadee yeydin bixin weydinkaa biimo soogalaye
Biyahaa karkaray iyo qamrida dhalada kuu buuxdo
Sidaad biir udaacdeen unbaad beyl ufilaysaaye
Hadee yeydin bixin weydinkaa biimo soogalaye
Baanisaha colaadeed ragbaan baratameynaaye
Baqdaad iyo new york ragbay beegsi nootahaye
Adna biido biidaadtihiyo buuryo qabahaase
Bada aad dhaxjiiftaaba weykuu bulxameysaaye
Haday kugu baxsato mowjadaad kubalqan doontaaye
Bilaash uguma dhaartee Allaad dib ubaryeysaane
Afartaa bayaan iyo midaan buug kudaabacay dheh
Birmad iyo difaac wada socdoon beyda giijiyay
dheh
Caawana beriba waa cimriye hadalyar baan baanay
Barkad haamo lagasoo dhuroo booyad laguqaaday
Burqad kama sugeyniyo inuu baaqi soo hadho e
Baabkaana adigaa ahee haku baxnaaneyso
Adoon bukin adiga oo badqaba balana aansheegin
Adoo barafku kuuda'ahayoo wada barwaaqeysan
Waxay baahi kuuheyso sow badan rasaas ma aha
Boholaha ragii kugu ridee kaaga dusay buuqa
Balamaha kuwii kulagalee buuxin kariwaayay
Een berigi kuu joojineyn sow wax bidhan ma aha
Markaan kugu banaanbaxay anooboodhadh
wadahesyata
Bandow aan kusaaree anoon iman bilaadkaaga
Wuxuu beerku kuu ruxanayaa bilcsi sow ma aha
Afartaana bayaan iyo midaan buug kudaabacay
dheh
Birmad iyo difaac wada socdoon beyda
giijiyay dheh
Caawana beriba waa cimriye hadalyar baan
baanay
Bangiyada aduunyada intaad beeso dhiganeysay
Rag unbaa busaarado qaboo bacadka taagnaaye
Boobaay hadaan lagu dhaheyn boogikuma
gaadhin
Birta aad liseysiyo intaad baangad tumaneyso
Haduunbaan baraarugay sidii qoladi baarliine
Oon boqonta kaa dhowrsadiyo biixiyaha darane.
Waxbase yaanan badin erayxun waa laga
bogsoodaye
Beyd iyo labaan kaga hadhaa baadil tuug
ihiye
Marhadaan barbaar heysanaa qalabka boobeyso
Iyo oday madaxu booshyahoo talada baandheeya
Wax kaloon ubaahdadaba rabiga baaqiyaa jiro
