Guddoomiyaha Barlamaanka Federaalka Soomaaliya iyo Wafdi uu Hogaaminayo oo
Maanta u Dhoofay Dalka Norway.
Dowladda Noway oo Dooneysa in ay Dib u soo Nooleysa Heshiiskii Fashilmey
ee Dhinaca Badda
- Waftiga Jawaari waxaa uu ka kooban yahay 17 Xubnood oo ay Shan iyo Toban
ay yihiin Gudoomiyayaasha Guddi Hoosaadyada Baarlamaanka iyo Gudoomiye ku
xigeenka Baarlamaanka.
Wafddi ka socda Barlamaanka Federaalka Soomaaliya oo uu Hoggaaminayo
Guddoomiyaha Baarlamaanka Por. Maxamed Cusmaan Jawaari ayaa maanta (April 3,
2013) ka ambabaxay Garoonka Diyaaradaha Caalamiga ee Aadan Cadde Magaalada
Muqdisho, ayagoo kusii jeeda dalka Norway.
Guddoomiyaha oo intii uusan ka Duulin Garoonka Diyaaradaha Saxafiyiinta kula
hadlayay Garoonka Diyaaradaha ayaa ka warbixiyay Safarka ay ku tagayaan Dalka
Norway. Jawaari ayaa sheegay in bixitaankoodaani uu yimid ka gadaal markii ay
casuumad ka heleen Guddoonka Barlamaanka Dalka Norway.
 Porf
Jawaari ayaa intaa ku daray in mudada ay joogaan Dalka Norway in Baarlamaanka
Dalkaasi ay is weydaarsan doonaan aqoon is weydaarsi iyo kala qaadashada waaya
aragnimada labada Baarlamaan. Waxyaabaha ay kala hadli doonaan Barlamaanka
Norway ayuu sheegay Guddoomiyaha Barlamaanku in ay ka mid noqon doona is
dhaafsiga labada Baarlamaan dhinaca Waaya aragnimada.
Guddoomiyaha Barlamaanka ayaa farta ku fiiqay in mudada ay joogaan dalkaasi ay
kulamo kala gooni gooni ah ay la yeelanayaan Xildhibaanada Barlamaankaas oo uu
sheegay in ay ugu horeeyaan Caalamka dhinaca Horumarada Porf. Jawaari ayaa xusay
in Barlamaanka Soomaaliya ay tani u tahay fursad ballaaran isla markaana ay ka
faa’ideysan doonaan kulamada ay la qaadan doonaan Xildhibaanada Baarlamaanka
Dalka Norway.
Gudoomiyaha Baarlamaanka Maxamed Shiikh Cismaan Jawaari ayaa wafdigiisa waxaa uu
ka kooban yahay 17 Xubnood oo ay Shan iyo Toban ay yihiin Gudoomiyayaasha Guddi
Hoosaadyada Baarlamaanka waxaa kaloo ka mid wafdigaas oo ku Gudoomiye ku
xigeenka Baarlamaanka.
Dowladda Norway ayaa waxaa la sheegey in ay Soomaaliya ka leedhaya Dano aad u
Muhiim oo ay ugu horeyso Dhinaca Badda , maadaama Dowlada Norway lagu sheego in
Shirkado laga leeyahay Wadankaas ay haatan Shidaal Baaris ka wadaan qaybo ka mid
ah Badda Soomaaliya iyadoo ku Gambaneysa Dowlada Wadanka Kenya oo Sannadkii 2011
ay Ciidamo ka tirsan Wadanka Kenya ay Xoog ku soo galeen Dhul Balaaran oo ku
yaala Gobolada Jubbooyinka.
Baarlamaankii kan ka horeeyey ayaa waxaa ay si Cad u diideen Heshiis Dhinaca
Babdda oo ay wada gaareen Doweladii uu Hogaaminayey Shiikh Shariif iyo Kenya.
Hadaba Baarlamaanka hadda jira ma mari doonaa Wadadii uu marey Baarlamankii hore
iyadoo la ogyahay Gudoomiyaha Baarlamaanka uu yahay Nin haysta Dhalashada
Wadanka Norway ahaydna Dowlad lagu Xanto in Jawaari uu noqdo Gudoomiyaha
Baarlamaanka, hadaba la arkii doonee waxa ka soo baxa Kulamada labada Dal.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Kalfadhigii Baarlamaanka Federaalka Soomaaliya oo Maanta Dib u Dhac ku Yimid.
Kalfadhigii Labaad Kulankiisii Todobaad ee Barlamaanka Soomaaliya ayaa maanta
baaqday ka gadaal markii ay soo Xaadiri waayeen Kooramkii ama Tiradii uu Shirku
ku qabsoomi lahaa.Guddoomiye ku Xigeenka barlamaanka Mahad cawad oo la hadlay
Xildhibaanadii maanta soo xaadiray Barlamaanka ayaa u sheegay xubnihii halkaa ku
sugnaa in ay iska laabtaan isagoona sheegay in ay soo xaadireen Xildhibaano
gaaraya illaa Boqol iyo Toban Xubnood.
Guddoomiye ku Xigeenka ayaa sheegay in tirada rasmiga ah ee uu Shirku ku
qabsoomi lahaa lagana rabay ay ahayd boqol Soddon iyo Sagaal Xildhibaan hase
yeeshee tiradaasi la waayay taasina aysan suurta gal ahayn in uu qabsoomo
Fadhiga. Guddoomiye ku Xigeenka oo hadalkiisa sii wata ayaa intaa raaciyay in ay
jiraan Xildhibaano aan fasax lahayn oo gudaha magaalada iska jooga kuwaas oo uu
sheegay in tallaabo laga qaadayo.
Cawad ayaa u cudur daaray in ay jiraan Xildhibaano Dalka dibaddiisa ku maqan
kuwaasoo loo baahan yahay in maalinimada Berri ah ay iska soo xaadiriyaan
Fadhiga oo halkiisa ka sii socon doono.Sikastaba maalinimada Berri ah ayaa la
filayaa in Fadhiga halkiisia uu ka sii socdo haddiiba uu dhamaado Kooramka
Suurta galinaya Fadhiga Baarlamaanka.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | April 3, 2013 | 
Daabaco
Boggan | Print
