Ra段isul wasaaraha Soomaaliya oo ka qeyb galaya Shirka Dalalka Sahel Sahara, Khamiistii ka dhoofay Garoonka Aadan-cadde
(Sawiro)

Ra段isul wasaaraha Soomaaliya mudane Cumar C/rashiid Cali Sharmaake iyo wefdi uu hoaaminayo ayaa saaka ka dhoofay Garoonka Aadan-cadde International Airport, isagoo ku sii jeeda magaalada Tripoli ee dalkaasi Liibiya.

Ra段isul wasaaraha ayaa waxaa safarkiisan ku wehliyay wasiirada Dib u dhiska iyo Waxbarashada, Xuseen Ceelaabe Faahiye iyo Wasiirka Waxbarashada C/llaahi Sheekh Maxamuud (Waayeel) iyo Sarakiil ka tirsan xafiiska Ra段isul wasaaraha oo ay ka mid ahaayeen Yaasiin Muuse Boqor iyo Cawaale Cali Kullane.

Kulankan oo ka furmi doona dalkaasi Liibiya maalinta berri ah oo ay taariikhdu ku beean tahay (29.05.2009), ayaa la filayaa inuu socdo ilaa 30-ka bishan May, iyadoo la filayo inay ka soo qeyb galaan dalalka ka tirsan jiida Saahel oo kala ah, Somalia, Nigeria, Sudan Senegal, Mautiritania, Mali, Burkina Faso, Niger, Chad iyo Ethiopia.

Ajendaha ugu weyn ee shirkan ayaa noqon doona arrimaha ku aadan Caafimaadka iyo dhaqanka, waxaase la filayaa in si weyn diirada loo saaro arrinta Somalia, gaar ahaana taageero ay dalalkani u fidiyaan dowladda, sida arrimaha Amniga, Dhaqaalaha, Dib u dhiska, Waxbarashada, iyo Caafimaadka.

Ra段isul wasaare Sharmaake ayaa la filayaa inuu khudbo halkaasi ka jeediyo, taasoo uu ku sharaxayo arrimaha dalka Somalia iyo sida ku haboon ee loo taageeri karo dowladda Somalia, waxaana sidoo kale la filayaa inuu kulamo gaar gaar ah la qaato madaxda dalalkaasi iyo kuwa dalka Liibiya.