Casmara: Ururka Dib-u-Xoraynta oo Hambalyo u diray Shacabka
reer Eritrea 18-Guurada Xoriyadooda...
- Xaafiiska Warfaafinta ARS ayaa Halkaan waxa uu maanta
hambalyo uga dirayaa shacabka reer Eretria...
Anagoo ku hadlayna magaca shacabwaynaha Soomaaliyeed waxaan
maanta oo ay bisha May tahay 24ta May 2009.
Halkaan hambalyo iyo bogaadin uga diraynaa dhamaan shacabka
reer Eretria gaar ahaan Dowlada Eretria runtii taas oon uga
hambalyaynayno maanta oo ku aadan maalinkii ay ka madax
banaanaadeen dowlada Ethiopia.
Waxaan u rajaynaynaa shacabka iyo dowldaba guul iyo baraare
taa ka dib waxaan xasuusinaynaa dadwaynaha Soomaaliyeed dowlada
iyo shacabka reer Eretria inay yihiin kuwii noo istaagay
maalinkii dalkeena hooyo gumaysataha madoow ku soo duulay
bilowgii 2007 ka ilaa maantana ay noo taagan yihiin.
Waxaan kale oon u cadaynaynaa dhamaan ummada Soomaaliyeed
inay dowlada Eretria dhibkii lagu hayay shacabka Soomaaliyeed
dartiis ay uga baxay urur goboleedka IGAD maantana laga yaabo
inay uga baxdo ururka midowga Afrika markii uu go’aan ku gaaray
in la go’doomiyo ummada Soomaaliyeed.
Waxaan u cadaynaynaa ummada Soomaaliyeed in dowlada Eretria
ay tahay dowlada kaliya afrikaanka ee ka dhiidhisa dhibaatada
lagu hayo shacabka Soomaaliyeed ee ay ku hayaan dowladaha
dariska nala ah oo noo tashtay sida Kenya, Ethiopia,Ugaandha iyo
kuwa kale ooy hor boodayaan .
Ugu danbayntii waxaan u rajaynaynaa guul dowlada Eretria
,shacabka Soomaaliyeedna waxaan leenahay ka digtoonaada
hagardaamada iyo shirqoolada ay nagu wadaan dowladaha dariska
nala ah.
Xaafiiska Warfaafinta ARS
Asmara 24/05/2009