Naadiga K/Koleyga Dekedda Muqdisho oo ka adkaaday kooxda K/Kolayga
Madaxtooyada Jabuuti
Sawirada Halkan ka daawo....
Shalay ciyaar xiiso leh oo ka dhacday Garoonka K/Koleyga Jabuuti, ayaa waxaa
daawashadeeda ka soo qeyb galay madax ka tirsan xiriirada labada dal ee
Soomaaliya iyo Jabuuti.
Sidoo kale waxaa ka soo qeyb galay daawadayaal fara badan, waxayna mudadii
ciyaarta loogu talagalay ay ku dhammaatay 52 = 53 oo guusha ay ku raacday kooxda
K/Koleyga Dekedda Muqdisho, hase yeeshee labada kooxood ayaa iyagu soo bandhigay
ciyaaro aad u xiiso badan.
Dhinaca kale madaxdii iyagu ka qeyb galay daawashada ciyaarta ayaa ciyaartan
waxay ku tilmaameen inay tahay mid taariikhi ah, isla markaasina muujineysa
walaaltinimada labada dal ee Soomaaliya iyo Jabuuti.
C/qani Jenyo oo isagu ka mid ahaa xiriiriyayaasha kooxda Naadiga K/Koleyga
Dekedda Muadisho ayaa sheegay inuu aad ugu faraxsan yahay guusha ay la soo
hoyatay kooxda, isagoona tilmaamay ciyaartoyda inay la soo baxeen dardar iyo
adkeysi, isagoo ka dambeeyay imaanshaha kooxda K/Koleyga Dekedda Muqdisho uuna
yahay nin dhallinyaro ah oo jecel mar kastaba inay horay u maraan bahda
Isboortiska Muqdisho.
Xoghaya naadiga K/Koleyga Cabdullaahi Macallin Abuukar ayaa mar uu ka hadlayay
aragtidiisa ku aadan guusha kooxdiisa ay la soo hoyatay, waxa uu sheegay in
guusha ay tahay mid u soo hoyatay labada dal, balse tallaabadaasi ay muujiyeen
K/Koleyga Dekedda Muadisho ay tahay mid ka tarjumeysa dadaalka macallimiinta
kooxda.
Waa markii ugu horeysay oo kooxda K/Koleyga Dekedda Muqdisho ay guul ka soo
hoyso ciyaar saaxibtinimo oo ay la yeelatay dhigeeda madaxtooyada Jabuuti,
waxaana sidoo kale Guddoomiyaha Xiriirka Soomaaliyeed ee K/Koleyga Md. Ibraahim
Xuseen Cali (Roombe) uu sheegay inay ciyaartani tahay mid taariikhi u ah labada
kooxood, isla markaasina ka tarjumeysa walaaltinimada labada dal.
Mahamud Ahmed Hassan <xuurshe114@hotmail.com>
Faafin: SomaliTalk.com | May 23, 2009 | 
Daabaco
Boggan | Print
