URURKA ARDAYDA JAAMACADAHA DALKA EE G/SAAXIL OO DEEQ WAXBARASHO
GUDOONSIIYEY DUGSIGA DHEXE EE SICIID DAAUUD
Xaflad siwayn loo soo agaasimay oo lagu gudoonsiinayey deeq waxbarasho
dugsiga dhexe ee Siciid Daud oo lagu qabtay hoolka Jaamacada Berbera ayaa waxaa
kazoo qayb galay gudoomiyaha golaha deegaanka mudane Cabdale Maxamed Carab,
xildhibaano, maamulayaasha dugsiyada, macalimiin iyo martisharaf kale.
Deeqdan waxbarasho oo ay ku deeqeen ardayda G/saaxil ee waxkabarata jaamacadaha
dalka ayaa ka koobnayd hal computer iyo agab kale. Ugu horayn waxaa halkaa
kahadlay gudoomiyaha ardayda G/saaxil ee waxkabarata jaamacadaha dalka Mr.
Shabcaan C/laahi oo kawaramay sababaha loo aasaasay ururkan iyo ujeedooyinkiisa
iyo waliba waxa uqorshaysan halkaas oo uu sheegay in ururkan ardaydu kashaqayn
doono horumarinta waxbarashada G/saaxil.
Waxaa sidoo kale halkaa kahadlay mayorka magaalada Berbera Mr Cabdalle
Maxamed Carab oo siwayn u amaanay ardaydaa isxilqaantay kuna dhiiri galiyey inay
dadaalkooda halkaa kasii wadaan, mudan tahayna in lagu daydo ardaydaa dib
uxasuusatay dugsigii ay kaqalin jabiyeen in ay wax uqabtaan, waxaa kale oo uu mr
Cabdalle sheegay in ay deeqdani tahay fariin ku socota dhamaan bulshada reer
saaxil oo usheegaysa in ay fadhiga ka kacaan oo ay gacmo wadajir ayay wax
kugooyaane iskaashadaan oo wax uqabtaan gobolkooda.
Waxaa kaloo halkaa kahadlay maamulaha dugsiga dhexe ee Siciid Daud Mr Cali Cige
oo sheegay sida uu ugu faraxsan yahay ardaydiisii oo maanta dib usoo xusuusatay.
Waxaa iyaguna halkaa kahadlay martisharaf isugu jirtay waalidiin iyo
xildhibaano.
Ugu danbayntii waxay halkaa ardaydu ku gudoonsiiyeen maamulaha dugsiga dhexe
ee Siciid Daud (x.saaxil) agabkii waxbarasho, waxa kale oo ay ardaydu
gudoonsiiyeen mayorka Berbera shahaado sharaf uu kumatays tay sida uu uga qayb
qaato horumarinta waxbarashada gobolka saaxil.
A/rahman Ahmed
Freelance Journalist
Berbera
Tell: 4474085
raxdo_ukraine@hotmail.com
Faafin: SomaliTalk.com | May 21, 2009 |