Ref: 1503/W/WWM/09 Talaado - 19--05-2009
Warsaxaafadeed
Cafis Madxweynuhu u fidiyay Maxaabiis
Madaxweynaha Soomaaliya Mudane Shariif Sheekh Axmed ayaa cafis u fidiyay
dhalinyaro ku jiray xabsiga, kuwaas oo tiradoodu gaaraysay 14 dhalinyaro.
Dhalinyaradaas ayaa 10 ka mid ah Maxkmad Meleteri ay ku xukuntay labo sano iyo
bar xarig ah iyadoo lagu eedeeyay ineey ka mid ahaayeen Muqaawamada. Halka 4
kalana ay Maxkamad Madini ah xukuntay, waxaan ay xabsiga ku jireen 8 bilood..
Madaxweynaha ayaa kula hadlay Maxaabiistaas cafiska Madaxweyne lagu sii daayay
Madaxtooyada Soomaaliya, iyadoo ay goobjoog ka ahaayeen Gen. C/laahi Macalim
Cali Taliyaha guud ee Ciidanka Asluubta Soomaaliyeed, iyo G/Sare C/naasir Axmed
Maxamed Xeer ilaaliyaha Ciidamada Qalabka Sida.
Madaxweynaha ayaa khubadiisu dhinacyo badan taabatay isagoo ugu horeeyntii kula
dardaarmay ineey ka faa’ideystaan fursadaan oo ay noqdaan muwaadiniin wanaagsan
oo wax tara dadkooda iyo dalkooda, una rajeeyay ineey ku nolaadaan nolol toosan
oo wanaagsan, wuxuuna xusuusiyay xadiiskii nabigeena Naxariis iyo Nabad galyo
dushiisa ha ahaatee “Muslimku waa qofkii ay Muslimiintu ka nabad galaan afkiisa
iyo gacantiisa”. Iyo in xabsiga iyo ka soo bixistiisaba ay yihiin wax xag Alle
ka qoran.
Madaxweynaha oo u Khudbeeynaya Maxaabiixtii Cafiska loofidiyay
Madaxweynaha ayaa carabka ku adkeeyay in asalka go’aan maxkamad uu yahay in la
ixtiraamo, ama ha saxsanaado go’aanka Garsooraha ama ha khaldanaadee, waxaa uu u
tilmaamay Madaxweynuhu ineey saas u fahmaan.
Gen. C.laahi Macalim Taliyaha Ciidanka asluubta oo ka hadlaya Cafiska
Madaxweynuhu wuxuu u sheegay in Dalka iminka wixii ka danbeeyay lagu xukumayo
shareecada, waxaana uu ka dalbaday ineey fahmaan islaamku inuu yahay nidaam,
kala danbeyn, dhowrida sharciga iyo adeecida Madaxda.
Taliyaha Ciidanka Asluubta oo ka hadlaya cafiska
Madaxweynuhu wuxuu wax laga xumaado ku tilmaamay in ragii islaamka sheegaynayay
ineey raadinayaan, ineey dhiigii muslimka ku dhex jiraan, oo ay xaalaalsadeen
dhiiga walaalahood, isagoo Madaxweynuhu tilmaamay in 18 sano oo fowdo ah, in
weli lagu sii jiraa ay tahay khasaaro.
taliyaha Ciidanka Asluubta oo Hadiyad gudoonsiinaya Maxaabiixta Cafiska loo
fidiyay
Madaxweynuhu isagoo arinkaa daba jooga waxaa uu dhalinyarada kula taliyay
ineeysan ku kadsoomin fikradahaas khaldan waxaa uuna yiri “ waxaan idiinka
digayayaa arinkaas, dhalinyaradu waa u nugul yihiin, waxaa aad u xun in qof
muslina lagu qanciyo in walaalkiis oo muslina isku qarxiyo, arinkaas oo uusan
ilaahay ogoleyn kana mid ahayn Dhaqanka Soomaaliyeed”
Ugu danbeyntii Madaxweynuhu wuxuu ku booriyay dhalinyarada ineey Dowlada garab
galaan , oo ay bog cusub noloshooda u furan. Iyadoo la gudoonsiiyay Hadiyad
Madaxweynuhu ugu talagalay maxaabiista cafiska loo fididyay.
Magacyada Maxaabiista Cafiska loo Fidiyay
1. Maxamed C/laahi Cilmi.
2. C/qaadir Maxamed Gaas
3. Maxamuud Maxamed Abukar.
4. Axmed C.raxmaan Xaamud
5. Maxamuud Xasan Daauud.
6. Abshir Cabdi Cusmaan
7. Akram Cabaas Maxamed
8. Cumar Muuse Xuseen
9. Maxamed Jeylaani Abuukar
10. Mascuud Maxamed Siyaad
11. Daahir Cabdi Cali
12. Cabdi Cali Axmed
13. C/qaadir Cali Axmed
14. C/nuur Ibraahim Maxamed.
C.qaadir Maxamed Cusmaan
Agaasimaha Warfaafinta Madaxtooyada.
Faafin: SomaliTalk.com | May 20, 2009 | 
Daabaco
Boggan | Print
