Xafladda 15-ka May ee Soomaalida deggan Dalka NorwayMunaasabad si heer sare loo soo agaasimay oo lagu xusaayo sanadguurada
1aad ee Ururka Waddaniga Soomaaliyeed iyo Sanadguurad 66aad ee Xisbigii
Dhaliyarada ee SYL ayaa lagu qabtay Magaalada Hordland ee Dalka Norway.
Munaasabaddaas waxaa soo abaabushay Ifraax Yuusf Ciyow oo ah Madaxa
Arimaha Bulshada UWS, xaruunteedana ay tahay magaalada Hordland Dalka
Norway.
Ifraax Yusuf oo ah Madaxa Arimaha Bulshada UWS ayaa goobta xafladda
ku soo bandhigtay qaab dhismeedka iyo aasaaskii UWS, heerarkii kala
duwanaa ee soo maray iyo waxqabadka UWS mudadii sanadka ahaa ee soo
jiray, xaruumaha UWS ee uu ku kala leeyahay Caalamka, iyo madaxda
wakiilka uga ah.
Ifraax waxay kaloo sheegtay sababta aasaaska ururka loogu beegay 15ka
May, ay tahay inaan qaadano hanaankii wadaninimo ay lahaayeen
Dhalinyaradii SYL, dhalinyarada Soomaaliyeedna aan xusuusino Halgankii
waddaninimo ay soo mareen dhalinyaradii SYL, oo natiijadeedu ay noqotay
inaan noqono waddan xor ah.
Ifraax waxay kaloo sharaxaad ka bixisay qiimaha ay wadaninmada ay
leedahay iyo in ay Soomaalida Muujiyaan waddaninimo, waxayna tusaale
ahaan u soo qaadatay xisbigii dhalinyarada ahaa ee SYL sida ay
waddaninimada daacad uga ahayd.
Munaasabaddaas waxaa khadka telefoonka uga qeyb qaatay Abdifataax
Xuseen Sabriye oo ah madaxa warfaafinta UWS, isagoo jooga Dalka
Somalia. Abdifataax wuxuu dhaliyarada Soomaaliyeed ku guubaabiyey
dhibaatada ay qabyaaladda leedahay, wuxuu ku yiri qabyaalad ayaa
dalkiinii hooyo idinka Dumisay, oo idin soo qaxisay, welina qabyaaladdii
ayaad faraqa ku haystaan idinkoo hilmaamay dhibaatadii aad soo martaan.
Abdifatah Husein
Abdifataax wuxuu kaloo dhalinyarada ku guubaabiyey inay waddaninimo
muujiyaan, iskuna duubnaadaan, kana faa’deystaan fursadda ay heystaan oo
ah waddanka ay joogaan ee Noway oo waxbarashada ku dadaalaan.
Shacabkoodii dhibaateysana ay meel uga soo baxaan.
Dadkii xafladda ka soo qeybgalay aad ayey ugu riyaaqeen hadaladii
Abdifataax, Sacab ayeyna ku taageereen.
Markii la qaatay xoogaa nasasho ah ayaa waxaa bilaabatay Su’aalo ay
soo jeediyeen dadkii xafladda ka soo qeybgalay, waxaana si wanaagsan uga
jawaabtay su’aalihii oo dhan Madaxa Arimaha Bulshada UWS Ifraax Yusuf
Ciyow.
Gabagabdii Xafladda waxaa halkaas iska diiwaan geliyey dhalinyaro
badan oo diyaar u ah ianay ku soo biiraan UWS.
Waaxda Arimaha Bulshada UWS
Xafiiska Norway.