Baarlamaanka Baaxadda Weyn & Badbaadin La'aanta Badaheena.
- Eng. Cabdulqaadir Cumar Yuusuf ( Daadurey)
Somalihungerhivprojectus2004@yahoo.com
Soomaaliya ayaa Dagaaladii Sokeeye kaddib noqotay in muran la gasho
Badaheedii iyo Berrigeediiba sida ku cad heshiiskii dhowaanahan ay Dowladda KMG
ula gashay Dowladda Kenya taasoo ay Dowladdu ku tilmaantay is Afgarasho oo
micnaheedu yahay inay Xaqiiq tahay in Badaha iyo Berrigga Xuduudaha u dhexeeya
Soomaaliya ay noqotay mid uu muran ku jiro ,Laakiin arrintaasi ay tahay mid
Xaqiiqada ka fog oo ay cadahay in Dhulka Soomaaliyeed uusan ahayn mid muran ku
jira Soomaaliyana ay tahay Dhul Xor ah oo la doonayo in Gumeysi Dib loogu soo
Celiyo waa hadii laga helo Shacabka Soomaaliyeed iyo Baarlamaanka.
Waxaa sii kordhaya maalinba maalinta ka dambaysa walaaca ay arrintani abuuratay
oo bishan aannu ku jirno 05/13/2009 ay tahay Maalinta ugu dambaysa ay u Qabatay
Hay'adda Qaramada Midoobay inay soo gudbiyaan dhammaan Nuqulada Cabirka ee
Xudduudaha u dhexeeya Soomaaliya iyo Kenya iyadoo la filayo in haddii aanan la
gudbin Nuqul aan Xaq ahayn ay Baddaha Soomaaliya ay noqon doonto mid ay yeelato
Kenya ama loo nasbeeyo in aysan Cid lahayn .Haddaba walaacani waxaad moodaa inay
Dowaladdu ka dhega adaygaso oo aysan doonayn inay horkeento Golaha Baarlamaanka
si Mooshin loogu sameeyo loona saxo .
Xaruntii Baarlamaankii Hore | ISha saiwkan: www.swan.ac.uk
Haddaba , Baarlamaanka KMG ahi ee Soomaaliya maxaa la guboon?Su'aashani
jawaabteedu way iska cadahay maadaama ay soo dhowaatay mudadii loo qabtay ee
ahayd 05/13/2009 haddii la dhaafana uu dhaqan galayo kii ay Dowladda KMG ahi u
Saxiixday Dowladda Kenya waxaa haboon inay soo Dedejiyaan Mooshinka arrinkani ku
saabsan lana joojiyo kii hore in ay Dhaqan geliso Hay'adda Qaramada Midoobay si
loo Badbaadiyo Xudduudaha Xaqa ah ee uu Dalkeennu leeyahay ha ahaadeen Badaha
ama Berrigaba.
Xeerarka Xuduudaha Xeebaha ee Adduunka ayaanan marnaba ogalaanayn in Waddan Xor
ah uu Xaqiisii lagu qaato Khiyaamo Qaran sida ku Cad Xeerka u yaalla Qaramada
Midoobay ee Qeexaya Sharciyada u degsan Badaha Adduunka oo tilmaamaya Qodobada
iyo Qeexidooda la soco www.un.org/Depts , sidaa darteed marna lama ogolaan karo
in is-afgaradkaasi uu yahay mid Sax ah iyadoon la soo hor dhigin Baarlamaanka
waxaana laga maarmaan ah in Xubnaha Baarlamaanka Ballaaran ee Baaxadda weyn waa
mid Matalaya Shacabka Soomaaliyeed ma haboona inay Dib u Dhigaan arrintan
Murugsan oo ay Xaaladeedu Xun tahay.
Soomaalidu beenta way sheegtaa laakiini Run bay ku Maahmaahdaa waxaa jirtay
Maamaah Soomaaliyeed ee oranaysa " Awalba Roore Ma ahayn haddana Ruugagaa i
Jaban"
runtii Murtida Maahmaahdani ka dambaysaa Qof waliba waa uu garanayaa
Baarlamaanadii hore waa kuwii aad aragteen waxay Shacabka Soomaaliyeed u soo
hoyeen Gumeysi dib u soo noqda iyo Xasuuq Aadane oo aan Xad lahayn haddana maxaa
Xigay in Xadadkii Xeebaha ay Beec galaan oo weli uusan Baarlamaanku ka hadlin
wax Tallaabo ahina uusan qaadin Illaa iyo Maallintii ay arrintani dhacday
,Maantay waxay taagan tahay in Waqtigii loo qabtay uu u sii Siiqayo runtii iyo
Xaqiiqdii in ay faraha ka baxday Xeebihii Bilicida Sanaa ee Soomaaliya ayna si
Sahlan gacanta ugu gashay Dowladda Kenya oo hore u haysatay Dhulkeena Badh ka
mid ah oo lagu Magacaabo N.F.D .
Gabagabadii iyo qoraalkani ku saabsanaa Baarlamaanka Baaxadda weyn iyo Badbaadin
la'aanta Badaheena ayaa waxaad moodaa in qoraal lagu soo koobi karin ,laakiin
hordhaca aannu kor ku soo tibaaxnay ayaa inooga filan waxaase arrintani sii
Cakiraya Xasillooni la'aanta ka jirta Dalka Soomaaliya oo Labada Dowladood ee
Itoobiya iyo Ereteria ay Forin ay ku Dagaalamaan ka dhigteen Dalkeena Soomaaliya
Hubkana isugu dhiibayaan Shacabkeena Soomaaliyeed ee aan Xaqiiqda Dhabta ahi
ogayn ,Oday,Xildhibaan Madaxweyne, Wasiir , Waxgarad ,iyo Aqoonyahano ay noqdeen
kuwa Maqla ama ka shidaal qaata Labadaa Dowladood ee ku Hardamaya sidii ay u
burburin lahaayeen Dhulkeena Hooyo ee Dagaallada Sokeeye ay Aafeeyeen in ka
badan 20ka Sanadood. Sida keliya ee lagu Badbaadi karo Dalka iyo Dadkuna ay
tahay Midnimo waarta oo ka dhex dhalata Shacabka Soomaaliyeed meel waliba oo ay
joogaan.
Eng. Cabdulqaadir Cumar Yuusuf ( Daadurey)
Somalihungerhivprojectus2004@yahoo.com
Faafin: SomaliTalk.com | May 6, 2009 |
Daabaco
Boggan | Print
Aragtida
Shariifka iyo Faroole ee Heshiiska is Afgarad ee Kenya Lala Galay
