Mid kamid ah jamacaddaha dalka Malaysia oo aqbashay tiratii ugu badneed ee
Ardey soomaaliyeed Semester kaan
(KABOGO SAWIRADA ) Eeg halkan....
Jamacadda University Utara Malaysia (UUM) oo kamid jamacaddaha dalkaan Malaysia
ugu sumcadda, magaca iyo tayada wacan ayaa semestrekaan aqbashay 84 ardey
Somaaliyeed kuwaa oo noqonaya tiradda ugu badan ardeyda ajaanibta ey jamacadda
aqbashay semester kaan.
Ardeydaan oo isugu jira gabdho
iyo wiilaal ey Jamacaddu u soo qabashay faculty yada kala duwan ey bixiso, ayaa
intooda badan soo gaaray compus ka jamacadda waxa eyna si hab sami leh uga qeyb
qadanayaan how laha Orientation week ga ayaga oo intooda badan laga dheehanayo u
caaboonaan dhanka tacliita.
Dhanka kale waxaa jira ardey aanan wali soo gaarin jamacadda iyo guud ahaanba
dalkaan oo wali kusugan gudaha Somalia kuwaa oo lafilayo in ey soo gaaran
maalmahan fooda inagu soo heyda.
“Waxaad tihiin ardey aad u nasiib wacan sababta oo ah waxaad ku soo aadeen xili
ey jamacadda dhiganyaan ardey soomaaliyeed oo qaarkood qalin jabin rabaan waxa
eyna diyaar u yihiin in ey idin ka saacidaan wax waliba oo aad caqabad kala
kulantaan hadii ey ahaan laheed dhan tacliinta ama laqabsiga jamacadda” sidaa
waxaa yiri Axmed Abukar Sheekh (KENYA) oo ah gudoomiyaha ardeyda soomaaliyeed ee
UUM mar uu la hadalayaay ardeydaan cusub .
Kudhawaad boqol ardey Soomaaliyeed ayaa hore u dhiganeysay jamacadda kuwaa isugu
jira kuwa dhax dhaxaad iyo dhameystir ah. Qaarkood waxa ey hada ku howlan yihii
soo dhaweyta asxaabtooda kula soo biiratay tacliinta sida Maxamed C/lahi Januune
iyo C/fatax C/qadir Maxamed, walo jiraan ardey si qaas ah loogu xil saaray
soodhaweyta ardeydaan cusub sida C/raxman Bashiir, Mudane Adan iyo Cabdi Salaad
Warsame, .... .
Ma ahan markii ugu horeysay ey Jamacadda UUM ey aqbasho ardey sidaan u
tirabadan, balse labo sano iyo bar kahor ayey aheed markii tiro arday
soomaaliyeed ah oo sidaan oo kale ubadan ey jamacadda aqbashay kuwaa oo hada
badan kood ku dhaw dhaw heer gabo gabo ah lana filayo in ey qalin jabiyaan
semesteradda soo socda.
Sidoo kale Jamacadda waxa ey aqbashay tiro ardey Soomaaliyeed oo ah tacliinta
sare ee Master ka kuwaa oo ka kala yimid jamacaddo kuyaala Soomaaliya iyo wadamo
kale kuwaan qudhoodu waxa ey maal mahan ku jireen medical check up iyo
registration waxa ey diyaarinayaan faculty yo kala duwan.
Isku soo wada duub, Ma badna tirada ardeyda Somaliyeed ee hore ugu qalin jabisay
jamacadda, balse ardey ayaa intooda badan waxaa la dhihi karaan waxa ey marayaan
heer gabo gabo ah waxaana mardhawna lafilayaa in ey tiro ardey aad ubadan ey mar
qura ka qalin jabiso jamacada.
Warbixin Kooban oo ku saabsan Jaamacadda UUM
16 February 1984 ayaa dhidibada loo taagay UUM magalada Jitra ee gobolka Kadah
Darul aman, ayada oo daah fur looga dhigay in ey bixiso kuliyado kooban aan
sidaa u badnen, balse jamacadda hormar ku talaabsatay oo ey badisay kuliyadaha
ilaa ey manta aad u bateen kuliyadaha ey jamacadda bixiso.
Sanadkii 1990 ayaa UUM loo soo raray xaruta ey hada dagantahay oo ah dhismahada
weyn (main campus ) kuyaala Sintok oo 48 KM kaga began dhanka waqooyi magala
madaxda gobolka Kadah Darul aman ee Alostar, sidoo kale 10 km eyee ka xigtaa
dhanka bari magalada Changlun oo ah magaalo yar oo dhacda bartan ka wadada dheer
(high way) ee isku xirta koonfuta iyo waqoyiga dalkaan .
1,061 hectares dhul gaaraya ayuu ka koobanyahay compus ka jamacada oo ku
harereysan buuro, keymo cagaar iyo doog ah iyo waliba labada wabi Sintok iyo
Badak oo mara gudaha jamacadda ayaa guud ahaan kadhigay campus UUM mid kamid ah
campus yada jamacadeed ee ugu quruxda badan dalkaan Malaysia.
UUM waa jamacad ey udhameys tiran tahay dhamaan adeegyada tacliineed oo lagu til
maami karo waxa ey la heertahay jacadaha manta dunid ugu sareeya marka laga eego
dhanka agabka tacliita, tusalo ahaan UUM waxa ey leedahay Maktabat ka koobay
ilaa iyo 5 dabaq(biyaano) oo si aad usareysa loo qalabeeyey kuna shaqeysa
nidaam(system) computerize ah oo aad u casriyeysan, ardey kun gaareysa ayaa
halkii mar fariisan karta maktabada oo wax ku aqrisan kara, waliba waxa ey
leedahay qolal loogu talagalay doodaha iyo aqriska goonida ah (discussion and
carrel rooms).
Sidoo kale hanaan duurusta loobixiyo iyo sida imtixaanada loo saxo intuba waa
qaab Computeraze ah oo ardeydu u wada riyaaqeen.
Semester kasta jamacadda UUM waxa ey ardey ahaan u aqbashaa ardey aad utira
badan kuwaas oo isugu jira ardeyda dalka (local students )iyo ardeyda ajanibta
(international studenta ) oo ka kalayimaada inta badan dalalka aduun una aqbasho
in ey dhigtaan dhamaan herarka tacliinta min degree ilaah PHD
Isku soo wada duub UUM waxa ey kamid tahay jamacaddaha ugu horeeya dhanka
tacliinta dalkaan Malaysia ayada oo mar kasta ku dadaasha in ey hormariso nidaam
keeda tacliinta iyo waliba agabkeeda tacliineed taas oo intabadan ah mid
computeraze ah sidaan hore u soo xusnay.
(KABOGO SAWIRADA ) Eeg halkan....
Wariye: Sa'eed Hussein Abdi (Macruuf)
UUM - Sintok, Kadah - Malaysia
+60173257590
Macruuf09@hotmail.com
Faafin : SomaliTalk.com | June 27, 2009
Daabaco
Boggan | Print
