Sheekh Xasan Dahir Aweys: "waan la dagaalameynaa ciidan kasto oo yimaada dalkeena.

Shirkii Jaraa'id June 24, 2009, Muqdisho

Dhegeyso ama soo rogo...

Hogaamiyaha ururka Xisbul-Islaam Seekh Xasan Daahir Aweys oo maanta shir jiraa’id ku qabtay magaalada Muqdisho ayaa sheegay in ay la dagaalamyaan ciidan kasta ee la keeno dalka Somalia gaar haan kuwa ay dalbatay dowlada FKMG isagoona ka jawaabay hadaladii ka soo baxayay DFKMG ee ahaa in dalka la galiyay xaalad deg-deg ah.

Qoraal ka soo baxay Xisbul Islaam.. Halkan ka akhri... June 24, 2009

Sheekh Xasan Daahir waxa uu digniin u diray wadamada dariska la ah Somalia iyo kuwa kale ee caalamka kuwaas uu ku sheegay hadii xaduudaha dalka ay ku soo xadgudbaan ay dagaal kala hortagi doonaan, waxana uu ugu baaqay ciidamada Amisom ee Muqdisho jooga in ay isaga baxaan dalka Somalia oo uu tilaamay in ay ku joogaan dalka si sharci daro ah.

“hadal la isla fahmin ayaa keenta marka hore dagaalka, marka dagaalka dacwo ayaa ka horeyso waana la dagaaleynaa hadii amarkaasi la qadan ayuu yiri Sheekh Xasan Daahir.

Mar wax laga weydiiyay hogaamiyaha sida uu u arko xukunka deg-dega ahaa ee dhawaan uu ku dhawaaqay madaxweyene Sheekh Shariif ayuu ku jawaabay in “hadee wixi uu deg-deg ka dhigayo iyo wixi uu fulinkaro in uu hakranayo uma maleynayo anagana wax taas naga quseeyo malahan lakiin midaan ciidamo u yeerashada ah waxaan bayaankaan ka bixineyno waaye ciidamo ma ogolin hadeey yimaadaana waa noo sidii.

Sidoo kale mar la weydiiyay dhibaatooyinka soo gaara dadka shacabka iyo madaafiicda ay iswiidaarsadaan ciidamada shisheeye iyo kuwa dowlada KMG oo dhinac ah iyo xoogaga kacdoonka hubeysan “anagu marka aan duqeyn u geysano horta maxaa loo qeylshaa waba saxannahaye ee kuwa dadka sida tooska ah u liishaya miyaa wax laga aamusa ah”ma u dulqadan karno nimanka shacabka Muqdisho ku garaacaya madaafiic ayuu ku jawaabay hogaamiyaha ururka Xisbul-Islaam Sheekh Xasan.

Si kastaba, hadalkaani ka soo baxay hogaamiyaha ururka Xisbul-Islaam Sheekh Xasan Daahi aweys ayaa ku soo beegmaya xilli maalin ka hor ay dowladda KMG Somalia ay dalbatay in 24-saac gudohood ay ku soo gaaraan dalka Somalia ciidamo aan kala sooc laheyn isla markaana xukun deg-deg ah ku soo roggtay dalka iyadoona sidoo kale xooggaga Alshabaab ay dhankooda ay sheegeen inay la dagaalami doonaan ciidan kasto oo soo gala dalka Somalia.


Warar kale akhri...

Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666

Shirkii Jaraa'id June 24, 2009, Muqdisho