Shirka Jaraa'id Dhegeyso ama soo rogo

Afhayeenka Xarakatul-Mujaahidiin Alshabaab Sheekh Cali Maxamuud Raage oo maanta (Axad June 21, 2009) saxaafada la hadlay ayaa sheegay in ay la dagaalami doonaan ciidan waliba oo ay keensato dowlada FKMG ee Somalia waxana uu intaasi ku daray in askari ka tirsan Xarakatul Mujaahidiin inta uu ku suganyahay dalka Somalia uu dagaalku sii socondoono tan iyo inta laga xoreynayo ayuu yiri cadowga magaca dowlada wata.

Mar wax laga weydiiyay Afhayeenka Xarakatul-Mujaahidiin Alshabaab hadii tiro ahaan looga bato ciidan Alshabaab ayuu ku jawaabay in ay ka baqeyn tira ahaan hadii laga bato oo ay isku kalsoonyihiin tiradooda.

“Waxaan u sheegayaa tiro kasta iyo tayo kasta oo ay qabaan Allaah cidii ku xiran ayaa guusha heleysa, mana uga baqayno tiri iyo tayo intaba, waxaana leenahay Awood Alle ka weyn ma majirto Alle ayaan ku tashanaynaa”Afhayeenka Xarakatul Shabaabul-Mujaahidiin ayuu yiri Sheekh Cali Dheere, oo intaasi ku daray waxana ku soo dhaweyneenaa dagaal iyo baa’ba lagu cararsiiyo karfanahooda ayuu ugu dambeyn yiri Sheekh Cali.

Waxan uu ugu dambeyn sheegay Afhayeenka Xarakatul Shabaabul Mujaahidiin in dowladda ay u muuqato mid ku fashilantay howlo uu sheegay in looga soo dirsaday dalka Somalia.

Si kastaba, hadalka afhayeenka Xarakatul-Muajaahidiin Alshabaab ayaa ku soo aadaya xilli maalinti shalay aheyd ay dowlada Somalia ku amartay in wadamada caalamka ay u furanyihiin xaduudaha dalka isla markaasina ka codsaday gaar ahaan dowladaha Ethiopia, Kenya, Yemen Djabout in ay gurmad deg deg ah ay lala soo garaan dowlada.


Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666

Warar dheeraad ah AKHRI HALKAN