Sawirada Halkan ka daawo

Waxaa laga bilaabay wadooyinka isku xira Degmooyinka Madiina iyo dharkaynlay howlo la doonayo in wadooyinkaasi looga qaado Biyaha uu Roobka keenay iyo Ciida looga qaadaayay.

Howshaan ayaa waxaa fulinaayay Maamulka Gobolka Banaadir, iyadoo uu Godoomiyaha Gobolka Banaadir ahna Duqa Magaalalada Muqdisho Maxamed Cusmaan Cali Dhagaxtuur uu howshaasi isagu la socday, islamarkaana intii ay socotay uu isagu goobjoog ka ahaa sida ay howsha u socotay.

Waxaa sidoo kale howshaasi goobjoog ka ahaa Xildhibaan Cusmaan Xasan Cali (Caato) oo isagu howshaasi qalabka lagu fulinaayay iska lahaa, iyo agaasimaha Qeybta howlaha Guud ee Dowladda Hoose Mukhtaar Abuukar Macalin (Ilka Case), waxaana la arkaayay cagafcagafyo iyo qalabka kale lagu nadiifiyo wadooyinkaasi oo ka shaqeynaaya wadadaasi.

Sawirada oo halkan ka daawo...

Howshaan ayuu la sheegay in maamulka Gobolka Banaadir isku xilqaamay, wuxuuna mar uu arrintaasi ka hadlaayay uu sheegay inay howshaasi tahay mid ay u qabanaayaan shacabka Gobolka Banaadir.

Maamulka Gobolka Banaadir ayaa sheegay inay ilaa iyo hadda howshaasi ka fulinaayaan wadooyinka Gobolka banaadir ay tahay mid ay jeebkooda ka bixinaayaan qarashka ku baxaya, wuxuuna daboolka ka qaaday in loo baahan yahay in ganacstada iyo jaaliyadaha Dibadda ku dhaqan iyo cid kasta oo Alle wax siiyay inay ka qeyb qaataan howlaha ay ka wadan wadooyinka Gobolka Banaadir.

Howshaan wadooyinka looga qaadayo qashinka, ciida iyo Biyahaba ayaa laga fuliyay wadooyin dhowr ah oo uu maamulka Gobolka Banaadir ka duliyay, mana jirin cid maamulka Gobolka gacan ku siisay howlahaasi baaxada leh ee uu u hayo Bulshada Soomaaliyeed.

Agaasimaha guud ee qeybta Howlaha guud ee Dowladda Hooose ee G/banadir Mukhtaar Abuukar Macalin (Ilka Casse), ayaa saxaafadda u sheegay in howlahaan uu gacan ka geystay oo kaliya Gudoomiyaha G/Banaadir ahna Duqa Magaalalada Muqdisho Maxamed Cusmaan Cali Dhagaxtuur, wuxuuna ugu baaqay shacabka Soomaaliyeed inay ka qeybqaataan Howlahaan dib loogu soo celinaayo Bilicdii magaalada Muqdisho.

Gudoomiyaha Degmada Dharkaynlay Macalin Cabdulle ayaa isaguna la socday howshaasi, wuxuuna cadeeyay inay soo dhaweyunayaan sida uu maamulka Gobolka Banaadir ugu heelan yahay dib u soo celinta Quruxda iyo Bilicda caasimada inay tahay mid lagu farxi karo.


Xildhaabaanka kaliya eek u howlan howlaha dib loogu soo celinaayo Bilicda Magaalada Muqdisho, islamarkaana taagan goobaha ay ka socoto howlaha nadaafadeed iyo hagaajineed ee wadooyinka magaalada Muqdisho ayaa ah Xildhibaan Cusmaan Xasan Cali (Caato).


Dhanka kale Gudoomiyaha Gobolka Banaadir Maxamed Cusmaan Cali (Dhagax tuur) ayaa isagu la arkaayay isagoo la socda howshaan loogu dan leeyahay in dib loogu soo celiyo Bilcdii ay caasimadu lahaan jirtay, wuxuuna noqday nin u taagan wado walbasoo celinta Bilcda Muqdisho ay lahaan jirtay si ay ula tartanto caasimadahga kale ee Dunida.


Gudoomiyaha G/banaadir Maxamed Cismaan Cali Dhagaxtuur “Majiraan shaqsiyaad ama hay’addo gacan naga siiyay dayactirka wadooyinka…”

Gudoomiyaha Maamulka G/Banaadir ahna duqa magaalada Muqdisho Maxamed Cismaan Cali Dhagaxtuur oo maanta saxaafada kula hadlayay wadada isku xirta isgoysyada dabka iyo KM4 ee magaalada Muqdisho ayaa sheegay in howlaha dayactirka uu Maamulka gobolka Banaaadir ka wado magaalada Muqdisho aynan jirin Hay’addo iyo shaqsiyaad gacan ku siiyay oo kala qeyb qaadanaya howlahaasi dayactirka ah.

Maxamed Cismaan Cali Dhagaxtuur ayaa sidoo kale waxa uu intaasi ku dray in ololaha lagu nadiifinaayo wadooyinka magaalada Muqdisho ay tahay olole looga gol leeyahay in lagu soo saaro bilicda magalda caasimada ah ee Muqdisho.

“Waxaan rumeysanahay in ay muhiim tahay in loo adeego shacabka Soomaaliyeed howlshan waxa ay qeyb ka tahay u adeegida shacabkeena” ayuu yiri Gudoomiyaha Maamulka G/Banaadir ahna duqa magaalada Muqdisho Maxamed Cismaan Cali Dhagaxtuur oo cadeeyay inay iyagu ku dadaalayaan sidii loo hagaajin lahaa wadooyinka bur bursan.

Gudoomiyaha G/banaadir waxa uu shaaca ka qaaday in gobolka Banaadir ay ka taagan yihiin dhibaatooyin dhinaca nolosha ah islamarkaana qoysas farabadan ay macluul ku haysato kaamamka ku yaala qeybo kamid ah degmooyinka gobolka Banaadir waxaana uu tilmaamay in ay wargaliyeen jaaliyadaha ku dhaqan dadlka dibadiisam wuxuuna sheegay inaysan jirin ilaa iyo haatan wax hadal ah oo naga soo gaaray dadkii aan u gudbinay qeyla dhaantaasi.

Dhagaxtuur ayaa sidoo kale waxa uu tibaaxay in ay wanaagsan tahay in gar gaar loo fidiyo walaalka muslimka ah ee Soomaalida oo ku dhibaatoonaya qeybo ka mid ah kaamaka ku yaala G/Banaadir waxaana uu ka codsaday Hay’addaha Samafalka iyo kuwa Gargaarka in dadkaasi lala soo gaaro kalmo bini’aadanimo si ay uga baxaan dhibaatooyinka haysta.

Sikastaba ha ahaatee gudoomiyaha maamulka Gobolka Banaadir ahna duqa magaalada Muqdisho ayaa hadalkiisaas waxa uu imaanayaa xili dad fara badan ay saameeyeen dagaaladii ka dhacay magaalada Muqdisho waxaana qasab ku noqotay inta badan dadkaasi in ay ka cararaan xaafadihii ay daganaayeen ayna ku biiraan qaxooti daganaa kaamamka Gobolka Banaadir qaarkood oo ay xili waliba dhibaato ku haysata mana jirto cid waxa u qabata marka laga reebo maamulka Gobolka Banaadir oo gar-gaar u weydiiya hay’addaha samafalka iyo jaaliyadaha ku dhaqan dalka dibadiisa.
Muuse Maxamuud Jiisow
musejisow@hotmail.com
Muqdisho Bakaaro Somalia
00252-1-5576666
00252-50-907666