Qabashada Shirweynaha Shanaad ee SSUP oo lagu qabanayo SwedenJuun, 2009 - Iswiidhan
Anigoo ku hadlaya magaca xisbiga midnimada bulshada Somaaliyeed
waxaan ogeysiinyaa dhamaan xubanaha xisbiga midnimada bulshada
Somaaliyeed oo ku kala sugan dunida dacaladeeda ina la qabanayo
shirweynihii sanadguuradii 5th taasoo lagu qaban doono magaalada
Katrineholm, ee wadanka Iswiidhan taariikhdu marka ay tahay 4ta - 5ta
Luulyo, 2009.
Sidoo kale, waxaan halkan ku cadaynayaa mowduucyada looga hadli doono
shirweynaha sanad guurada shanaad ee SSUP, mowduucyadaas oo kala ah:-
- Dib u eegis qorshe howleedka SSUP iyo waxa u qabsoomay.
- Xaaladaha biniaadanimo & dagaalada siyaasad-diimeedka ee ka jira
Somaaliya.
- Nidaamka is-dhexgalka bulshada Somaalida Iswiidhan.
- Xalaadaha Somaalida soo galootiga ah ee ku sugan Iswiidhan &
waqooyiga yurub.
- Xadgudubyada & Dilalka sida ula kaca ah loola beegsanayo
wariyayaasha Somaaliyeed
Sida la wada ogsoon yahay, waxaa koonfurta Somaaliya ka soconaya
dagaalo siyaasad-diimeed ku saleysan oo si xowli ah u bilowday febraayo
2009 markii uu baarlamaanka federaalka ku meel gaarka uu si aqlabiyad
leh u ansixiyay in dalka Somaaliyo lagu dhaqo shareecada islaamka,
golaha xukumaduna ay aqbashay balana ay ku qaadeyn inay ka hortageyso
cid ala cidii isku dayda inay ka hortimaado fulinta sharaceeda.
Sidoo kale, waxaa iyana kasii dareysa xaaladaha biniaadanimo ee
haysata barakacyaasha ku sugan duleedyada caasimada Muqdisho, Jowhar &
Beledweyn, dadkaas oo kasoo barakacay degaalada siyaasad-diimeedka ee ka
socda koonfurta & bartamaha Somaaliya.
Sida ku cad warbixinta ay soo saartey hay’ada lanqeyrta cas ee
caalamiga, in ka badan boqol rayad ah ayaa ku geeriyooday, kumanaana wey
ku dhaawacmeen iyo ku dhowaad boqol kun oo u badan waayeel, dumar iyo
caruur way ku barakaceen. barakacayashaas oo ku biirey xeryo ay degan
yihiin barakacayaal hore uga bara kacay degaaladii caasimada iyo sidoo
kale xarumo qaxooti oo aad u buux dhaafsan oo ku yaala xuduudaha
wadamaderiska. Inta badan dadka dagaalada kazoo barakacay waxa ay ku
sugan yihiin xaalad aad u liidata oo ay ugu daran tahay hoy la’aanta iyo
cuna yarida.
Gebagebadii, waxaan si adag ugu dhiirinayaa dhamaan xubnaha SSUP inay
ka qeybqaatan shirweynaha shanaad ee xisbiga waqtigana ay dhowraan.
Lakiin, xubnaha aan awoodi karin daruufo shaqo & mid nololeed awgeed
inay kasoo qeybgalaan shirweynaha xisbiga waxaan ka codsaneynaa inay
fikirdahooda qaaliga ah ee ku wajahan horumarinta xisbiga & wax ka
qabadka dagaalada siyaasad-diimeedka ee ka socda koonfurta & bartamaha
Somaaliya.
Casumaadda Shirka July 2009 halkan ka eeg
MAHADSANIDIIN.
Eng. Ahmed M Moalin
Xoghaya Guud ee Xisbiga Midnimada Bulshada Somaaliyeed
info@ssup.se -
ahmed.moalin@gmail.com