XAFLADA QALIN JABINTA ARDAYDA REER PUNTLAND JULY 6, 2009

XAFLADA QALIN JABINTA ARDAYDA REER PUNTLAND INDIA OO KA DHACDAY MAGALADA MYSORE EE DALKA INDIA, TAARIKHDU MARKAY AHAYD 6th JULY 2009

Xaflad balaaran oo sifiican loo soo agaasimay taasoo ah xafladii ugu horeysay ee ay qabsadan ardayda reer puntland ee wax kabarta dalka India ayaa waxay kadhacday magalada MYSORE ee gobolka KARNATAKA, India. Waxaana xafladan soo agaasimay URURKA ARDAYDA REER PUNTLAND ee Magalada Mysore, India (PSA-M).

Xafladan oo ahayd xaflad aad u heersaraysay ayaa waxaa xusid mudan in ay ka soo qeyb galeen arday kor u dhaafaysa 80 arday oo ka kala Qalin jabiyay dhamaan jamacadaha dalka India sanadkan 2009, Taasoo ah tiradii ugu badnayd ee ka qalin jabisa jamacadaha India inta taariikhda lagu xasuusto. Iyo arday-da aan qalin jabin ee kaso qeyb gashay xafladan oo tiradoodu kor udhafayay 100 arday oo ka kala yimid dhamaan gobolada dalka India.

Xafladan waxa kasoo qeyb galay marti sharaf magac iyo samcad kuleh dalka India khaasatan gobolka Karnataka, marti sharaftan ayaa waxay ka jeediyeen xaflada hadalo ku beeray arday-da reer puntland qiiro kuwaas oo dhamaantood ku boorinayay ardayda inay horumariyan dalkooda (Puntland), marti sharafta ayaa waxay kala ahaayeen.

Prof. R. Indira, Director international center university of Mysore

Rev. Fr. Leslie Moras, Principal of St’ Philomena’s college, Mysore

Prof. Basheer Ahmed, Principal of Vidya Vikas college, Mysore

Prof. Nayaz Pasha, Principal of M.E.S College, Mysore

Mr. Kaveesh Gowda, Secretary of Vidya Vikas Educational Trust, Mysore

Mr.Abdullahi Abdi Mohamed (Ugaas) oo kuhadlayay magaca qalin jabiyayasha iyo Mr. Abdirashid Farah gelle (Qalinle) oo kuhadlayay magaca arday-da an qalin jabin, dhamaantood arday-da ayay uga hambalyeyen guusha ay gaareen iyo in uu wadanki sugayo oo uga baahan yahay wax qabad dhab ah.

Qudbaha marti sharafta iyo madax-da kadib, waxaa la siiyay arday-da shahaadooyin ay usameeyeen Ururka ardayda reer puntland ee magalada Mysore (PSA-M), kadibna waxa bilowday barnaamij cilmi is waydaarsi ah (QUIZ) kaas oo ay arday-du aad usoo dhaweeyen muhiimad wayna lahaa.

Waxaa kalo xusid mudan in ay riwaayad qiimo dheer leh soo bandhigeen Arday-da reer puntland ee magalada hyderabad dalka India riwayadas oo kahadlaysay qiimaha waxbarashada iyo waaya aragnimada laga helay dalka India.

Waxaa xaflada mahad naq kusoo xiray Mr. Cusman Abdirisaq bogcad oo kamid ah Ururka arday-da reer puntland ee magalada Mysore,

Waxaa xusid mudan in aan kacodsanay Shirkadaha wadanka jooga in ay naga caawiyan xafladan qiimaha leh laakin codsigaasi dhag jalaq loosiin waxaan kacodsanayna cida ay qusayso in sanadka danbe laga taageero arday-da in ay qabsadan xaflad caynkaan oo kale ah.

Waxaa mahadnaq usoo jeedinaynaa Wasaarada wax barashada DGPL, oo noo muujisay niyad wanaag in kastoo aanan kahelin wax caawin ah,

NB- waxaa xusid mudan in ay daabacadi kusocoto buug ( Megazine) laga qoray dhamaan arday-da ka qalin jabisay sanadkan jaamacadaha kala duwan ee dalka India, buugaas oo xambaarsan warbixino fara badan waxna u tari doona ardayda wadanki joogta ee rabta in ay waxbarasho heer sare usoo doontan dalka India, buugaas oo soo baxi doona 15th of July 2009 iinsha allah,

Kala soo xiriir waxii war bixin ah,

Liban jama Ciro- Gudoomiyaha ururka arday-da reer puntland ee Mysore,

Mobile No- 00919986538733, E-Mail- Liibaanciro@hotmail.com

Mustafe Farah hirsi – Xoghaya guud ee Ururka arday-da reer puntland, Mysore,

Mobile No- 00919986539633, Email- M_jirde@hotmail.com

Osman Abdirisak bogcad – gudoomiye ku xigeenka Ururka PSA-M

Gudoomiya ururka PSA-M
Liban Jama mohamud
Mob:00-9199-8653-8733
Mysore,India

Afeef: Aragtida qoraalkan waxaa leh qoraaga ku saxiixan

Faafin : SomaliTalk.com | July 10, 2009