Hay’adda COGWO oo Toban caruur U heshey in lagu soo daweeyo wadamada Kenya iyo Uganda

 waxaad la idiin ka codsanayaa in aad ka qaybqaadataan Tigidhada Caruurtaa lagu geyn lahaa wadamadaa

Waxaan salaan balaaran idinkaga sidaa hay’adda COGWO oo ah dallad ka kooban 30 urrur,oo ka shaqeeya horumarinta haweenka, caafimadka,waxbarashada, nabadda iyo xaququl Insaanka. Taas oo noo surta galisay inaan wax weyn u qabanno bulshadeena somaaliyeed anagoo ka shaqeeyno 5 gobol oo kala ah Banadir, Bai, Bakol, Hiran iyo Galgaduud

Intii aan ku jirnay shaqadasi samafalka ah, siiba arrimaha gargaarka bani’aadamnimo ayaa waxaa soo ifbaxeen dhibanayaal tiro badan oo kala ah kuwo loo geystay xadgudub iyo kuwo caafimaad daro haysato isla markana aanan waxaba looga qaban Karin dalka gudahiisa gaar ahaan Konfurta iyo bartamaha Somalia oo ay ka jirto nabad gelyo daro.

Maanta oo ay taariikhdu tahay 12-02-2008 oo ah maalinimo talaada ah waxaa ay hay’adda COGWO weydisatay in ay bulshada somaliyeed dalka iyo dibadaba ku nool in ay dhaqaalo u fidiyaan 10 caruur ah oo ay xaladooda cafimaad aad u hoseeyso waxna looga qaban waayay dalka gudahiisa, kuwasoo haddi aan degdeg loo geynin dibadda nolashooda ay Qatar ku jirto. Ka dib markii aan la tashanay takhaatirtaAMISOM ay noo shegeen in aysan haysanin wax qalab ah oo ay wadanka gudahiisa wax ugu qabtaan lakiin ay nagu cawin donaan in ay nagu xiraan dhaqaatir jooto dibadda, kuwasoo taqasuus gaar ah u leh cudurada haayo caruurtan xanuunsan.

Tasoo aan tijaabadeeda aan horay ugu guuleysanay ka dib markii aan geynay dalka mareykanka laba gabdhood oo kala ahaa Binti jeylani iyo Muraayo Nur Cali kuwasoo manta ilahay mahadiis cafimaadokooda u soo noqday, mantana ku nool nolol cadi ah isla markaana kusugan dalka mareykanka. Sidoo kale waxaa ay COGWO ku guuleysatay in aan geyno labo gabdhood oo kala ah Sokoreey iyo Xabiibo oo la geeyay magalada hargeyso halkasii oo qalinkooda lagu guleystay isla markaana weli Hargeisa ku sugan oo soo noqon doono mar dhow.

Sidaa darted waxaan dhamaan shacbiga somaliyeed meel kasto oo ay joogaan ka codsanaynaa in ay gacan ka geystaan waditanka 10 caruur iyo waalidiindood oo la rabo in la geeyo dalka Kenya iyo Ugandha oo loogu diyaariya daqaatirtii loogu tala galay.

Ugu dambeyntii waxaan u mahad celineynaa dhaqaatirta AMISOM, MAYO CLINIC ee dalka Maraykanka, Cabdi Muse Maxaay oo ah wiil Soomaaliyeed oo jooga dalaka Marayka ilaa hadda ka shaqeynayo sidii shacbiga somaliyeed loogu samata bixin lahaa dhibatada ay ku jiraan, iyo Takhatirta ka shaqeyso isbitaalka Hargeisa group gaar ahaan Dr. Saciid_oo ka tirsan UNFPA iyo Eric Larouch oo ah uqeybsanaha UN-ka ee arrimaha bani adamanimo ee Somalia.

Waxaa kale oo mahad gaar ah u celinaynaa Dr. Yaasiin oo ah Agaasimaha Hargeisa Group Hospital, Dr. Cabdiraxmaan Cali Mahdi (Aw-Koombe), Dr. Xuseen Ismaaciil & Dr. Ibraahim Biixi.
Waxaa kale oon la iloobi Karin oo aan mahad gaar ah iyagana u celinaynaa Dr. Fadumo Suudi Wasiiradda Haweenka & qoyska ee Somaliland, Ayaan Xassan Nuur & gabadha la yiraahdo Faadumo Cabdullaahi Xasan oo ka tirsan ururka WOHEDA oo iyagana gacan weyn ka geystay xanaanaynta bukaankii loo qaaday Hargeisa si loogu soo daweeyo.

Walaalyaal, ciddii rabto in ay gacan ka geysato u gargaarida caruurtan waxaa ay gargaarkeeda ku shubi kartaa DAHABSHIL AC/No 3222 iyo QARAN oo ah 41

Prepared By: COGWO

waxaa soo tebiyey Ammiin Yuusuf