WARAR GOOSGOOS AH:
Baarlamaanka Turkiga oo ogolaaday in Xijaabka lagu qaadan karo Jaamacadaha
Turkiga: Baarlamaanka Turkiga ayaa Sabtidii February 9, 2008 waxay si
aqlabiyad xoog leh ku ogolaadeen in la khafiifiyo mamnuucii saarnaa xijaabka
iyagoo ogolaaday in Jaamacadaha Turkiga lagu qaadan karo Xijaabka ay qaataan
Gabdhaha Muslimiintu iyadoo ay jirtey mudaharaad ay kuwa cilmaaniyiintu
arrintaas [secularist] ay arrintaas kaga soo horjeedeen. Baarlamaanka oo ka
kooban 550 xubnood waxaa 411 kamid ahi ay codkooda ku ogoladay in la qaado
mamnuucii Xijaabka oo ay markaas Gabdhuhu Xijaab ku xiran karaan Jaamacadaha
Turkiga. Waxaa loo baahnaa oo keliya 367 xubnood in ay ogolaadaan si arrintaasi
u dhaqan gasho, waxaase ogolaaday 411 oo ah aqlabiyad aad u badan. [Akhri
Wararkii hore ee Dagaalka lagu hayo Xijaabka]
Dood ka socota Dalka Ingriiska in laga ogolaado Qaybo ka mid ah Shareecada
Islaamka: Waxaa beryahan dalka UK ka socdey dood aad u xooggan oo la
xiriirta in dalka Ingriiska laga ogolaado hirgelinta qaybo ka mid ah shareeca
Islaamka. Arrintaas ayaa bilaabatay (February 7, 2008) kaddib markii baadariga
Canterbury, Dr. Rowan Williams uu yiri "in la qaato qaybo ka mid ah shareecada
Islaamku waa arrin aan laga maarmi karin". Muslimiinta dalka UK waa soo
dhoweeyeen hadalkaas.
Dhegeyso Waraysiga Dr Williams.
Ciidamada FKMG oo Madaafiic ku garaacay Suuqa Bakaaraha: Galabta (Axad
Feb 10, 2008) waxaa iska hor imaad xooggani ka dhacay isgoska Hawlwadaag ee
magaalada Muqdisho halkaas oo dad goobjoogayaal ah ay sheegeen in ay ka
dhecayeen hubka noocyadiisa kala duwan. Waxaa gobjoogayaashu tibaaxeen in
ciidamada DFKMG ay madaafiic ku garaaceen Suuqa Bakaaraha ee magaalada Muqdisho.
Weli lama oga khasaaraha ka dhashay madaafiicdaas.
Hadalkii Sheikh Shariif Sh. Axmed ee Aljazeera: “Dawladda (FKMG) waxay
ku kacday danbiyo dagaal, waxayna dalka Soomaaliya ka gashay khiyaano Qaran taas
oo ay waajib tahay in maxkamad lagu soo taago. Laakiin haddii ay qaataan
Mas’uuliyadda danbiyadii dagaal ayna soo gaba gabeeyaan joogitaanka ciidamada
Itoobiya, markaas waan aqbali karnaa wada hadal”.....
Ma Dhabaa In Khilaaf Soo Kala Dhex Galay Madaxweynaha DFKMG Yuusuf Iyo Raysal
Wasaare Nuur Cadde.
Wararka laga helayo Ilo Muhiim ah oo xog ogaal u ah masuuliyiinta dowlada KMG
ah ugu sar sareeya ayaa sheegaya inuu durba Khilaaf soo kala dhex galay labada
masuul ee ugu sareeya dowlada FKMG ah ee madaxweyne C/laahi yuusuf iyo weliba
Raysal wasaarihiisa Nuur xasan xuseen (Nuur Cadde).
 KHilaafkan ayaa la sheegay inuu ka dhashay dadaalo fara badan iyo Meelo badan oo
Nuur Cadde u galay sidii uu khilaafka daba dheeraaday ee soomaaliya u dhamayn
lahaa oo la sheegay inuu madaxweynaha DFKMG Yuusuf ka biyo diiday arinta
oranaysa in Xoogaga mucaaridka ee fadhigoodu yahay Magaalada Asmara ee wadanka
Eretariya oo raysal wasaare Nuur cadde doonayo inuu ugu tago fadhigooda si uu
ula meel dhigo xaalada cakiran ee wadanka Soomaaliya ku jiro.
Dhinaca kale khilaafkan oo durba soo shaac baxay ayaa la sheegay inuu
madaxweynuha DFKMG ka Taagan yahay in Mucaaridka Asmara ay Qaarkood ay Yihiin
waxa Loogu Yeero "Argagixisada" caalamiga ah .
Si kastaba ha ahaatee khilaafkan xoogan Ee durba soo kala dhex galay labada
masuul ayaa kusoo beegmaya xili ay xoogaga Asmara ee dowlada kasoo Horjeedaa ay
soo dhoweeyeen imaatinka raysal wasaare Nuur cadde uu Imaanayo magaalada Asmara
ee wadanka Ereteriya. Sh,Shariif Sh,axmed Oo Sheegay Inay Diyaar U Yihiin
Inay Dowlada La Heshiiyaan.. Haddii.
Sheekh shariif sh, axmed oo Hore u ahaan jiray gudoomiyihii Gudiga fulinta ee
Golaha maxaakiimta soomaaliyeed islamrkaana xiligan gudoomiye u ah ururka la
baxay Dib u xoraynta soomaaliyeed ayaa shaaca ka qaaday inay Diyaar u yihiin
Inay dowlada FKMG ah La Heshiiyaan balse ay Doonayaan inay Ciidamada Ethiopia
dalka iskaga Baxaan.
shariifka oo xiligan ku sugan Magaalada Dooxa ee wadanka Qadar ayaa saxaafada u
sheegay inay ka dhiidhiyaan cadowga dalka haysta oo ula jeeday ciidamada
ethiopia inay wadanka iskaga baxaan tasina ay sahlayso ayuu yiri wada hadal ay
yeeshaan iyaga iyo dowlada KMG ah .
Sidoo kale sh,shariif ayaa saxaafadu weydiisay malaga yaabaa hadii ay ciidamada
ethiopia baxaan inaad markaas dagaal ku qaadaan dowlada islamrkaana aad ka
saartaan dalka sidee ayaa laysu aamini karaa ,sheekha ayaa ku jawaabay waxaan u
malaynayhaa inaysan jirin xataa hadii ay dhacdo taasi inaysan jirin shacab u
baahan iminka dowlad ku sheegan.
Dhinaca kale shekh shariif ayaa meesha ka saaray inaysan suurtoobayn ciidamada
Ethiopia oo dalka ku sugan inaysan jirin wax heshiis ah uu suurtoobaya balse ay
soomaalidu isa hor fariisan karaan oo aysan diidanayn inay dowlada FKMG ah la
Hesiiyaan .
Waa markii ugu Horaysay ee ururka dib u xorayntu ay sheegaan inaysan diidanayn
heshiis iyaga dowlada FKMG ah dhexmara islamrkaana ay hore ugu cel celiyeen inay
ciidamada Xukumada Ethiopia dalka iskaga baxaan. Waxaase taas shardi u ah
bixitaanka Ciidamada Itoobiya. yaasiin maxamed faytin
yaasiinfaytin@hotmail.com Faafin: SomaliTalk.com | Feb
10, 2008
| 
Daabaco
Boggan | Print
Saddexdii
Dhallinyarada ahaa ee ku xirnaa Thailand oo la soo daayey...: 
Cali Maxamed Geeddi oo Lacagtii uu
Qaatay Guri kaga
iibsadey Los Angeles, USA..
Waraysiyo
Ku saabsan Qaraxyadii ka dhacay Boosaaso: 
Guddoomiye
ku xigeenka Baarlamaanka Kenya, Faarax macallin, oo waraysi siiyey
Idaacadda Australia ee SBS
Zakariye
Xaaji: Nuur Cadde Waa Nin Odey ah Waxase uu Saaran yahay Gaarigii Dalka Lagu
Qabsaday (Waraysi)... Akhri...
Shirkadihii
Shiidaalka oo
Maalgelin toos ah ku
samaynaya Cabudhinta
Shacabka Puntland.
Mu'tamaradii
Norway-Sweden oo khayr kudhamaaday
Bannaanbax
looga soo horjeedey Xasuuqa iyo Joogitaanka Itoobiya
