Booliiska Federaalka Australia oo Baaritaan Xooggan ku haya Shirkado
Macdanta ka Baarta Dunida Saddexaad, hab dhaqanka Shirkadaas awgeed......
Booliska Australia oo baaritaan ku wada shirkadaha Macdanta ka baara
dunida saddexaad, kuwaas oo hab-dhaqankoodu mugdi ku jiro...
Assistant Commissioner Peter Drennan
 |
Dhawr shirkadood oo
Australian ah iyo madaxdooda sare ayaa waxaa ku socda baaritaan ku saabsan
eedaymo ku la xiriira hab-dhaqankooda mugdigu ku jiro ee ay ku hayaan
dunida soo koreysa, taas oo sababtay in baaritaan xooggan oo dib u eegid ah
la sameeyo, sidaas waxaa qoraal ku bilowday jariidada The Age ee ka
soo baxda Australia caddadkeedii Febraayo 2, 2008.
Maadaama ay Shirkado
maxalli ah (reer
Australia ah) ay hab sii
kordhaya u tegayaan
dhulalka macdanta qaniga
ku ah ee dalalka soo
koraya (dunida
saddexaad), si ay uga
qaniimaystaan baahida
kobocday ee macdanta,
ayaa waxaa arrintaas ka
hadlay kaaliyaha madaxa
ciidanka booliska Peter
Drennan oo jariidada The Age
usheegay in qof
khabaar moog ah oo
keliya uu rumaysanayo in
aan mararka qaarkood
aysan dhicin musuq
maasuq. Waxana uu
carrabka ku adkeyey in
badanaa shirkadaha
Australia ay ku
shaqeeyaan xaydaanka
qawaaniinta.
Jariidada The Age waxay soo ogaatey in ciidanka Federaalka
Australia (AFP) ay wadaan saddex baaritaan oo ku socda shirkado qaabilsan
arrimo la xiriira macdanta.
Dhanka
kale jariidada The Australian waxay caddadkeedii Feb 2, 2008 ku
sheegtay in ciidanka Booliska Federaalka Australia ay oo ay qaateen
Kambuutarro iyo dukumiinti kaddib markii ay galeen xafiis ay leedahay
shirkadda Findlays iyo guriga agaasimaha shirkadaas Robin Armstrong iyo
madax sare oo shirkadaas u qaabilsan saamiyada Jeremy Slater. Arrintaas oo
dhacday Khamiistii (Jan 31, 2008) sida ay sheegtay jariidadu.
Faahfaahin ku saabsan baaritaanka uu
Booliska Australia ku baarayo shirkadaha macdanta [Ka
Akhri Halkan (English)...]
Daabaco
Boggan | Print
