Kooxda Xiriirka Caalamiga ee Qaabilsan Soomaaliya
oo Ku Andacootey in Badda Soomaaliya aysan Xadeysneyn
- Ayadoo la ogyahay in Dowladdii hore ee Soomaaliya Xiligii ay Dalka ka
ariminaysay Badda Soomaaliya ay jirtay Xad loo sameeyay ayaa hadalkaan ka
soo yeeray Contact Group waxa uu noqonayaa mid cusub oo ay tahay in ay ku
Baraarugaan Bulshada Soomaaliyeed iyo Madaxda Dowladdu.
Hoos ka akhri warbixinta:
Kooxda Xiriirka Caalamiga ee Soomaaliya (International Contact Group Somalia)
oo Sheegey Badda Soomaaliya in aysan Xadeysneyn
 Iyadoo Mudooyinkii dambe ay isa soo tarayeen hadalada ku aadan in Biyaha
Soomaaliya uu ka socdo Kalluumaysi Sharcidarro ah oo Dowladdo iyo Shirkadu
shisheeye Xaalufin Balaaran ku hayaan khayraadka Dalka ayaa arintaasi waxa si
cad u sheegay inuusan Sharcidarro ahayn ka Kalluumaysiga ka socda Badda
Soomaaliya Madaxa Kooxda Xiriirka Caalamiga ah ee International Contact Group
Haweenayda lagu magacaabo Dona Hobcins oo Wareysi siisey Radiyaha Kulmiye ee
Magaalada Muqdisho waxayna haweyneydaas Intaas sii raacisey:
“Xeebaha Soomaaliya waxa ka socda waxaan Dhihi karaa ama ku tilmaami karaa
inuusan ahayn Xaalufin, waxaana Dowladda Soomaaliya ee Xiligaan jirta looga
fadhiyo in Baddeeda ay Xadayso oo ay Caalamka u soo Gudbiso halka uu ku eg yahay
Khayraadka Xeebaheeda taas ayaa Muhiim ah si loo ogaado Xadka Badda Soomaaliya.”
Dona Hobcins ayaa tilmaamtay Dowladda Soomaaliya tan iyo markii la soo Dhisayba
iyo tii ka horeyseyba ay ka sugayeen inay soo Qeexaan Cabirka Badda Soomaaliya
,laakiin waxa ay sheegtay inaysan wali ka helin Dowladda Soomaaliya
inay soo gudbiso Xadka ay Baddeedu leedahay si loola socda,waxaana ku celinayaa
in Xiligaan uusan Dambi ahayn ka Kaluumeysiga Sharcidarada ee Badda Soomaaliya
waayo Dowlada Soomaaliya weli ma soo gudbin Xadka Badeeda, waa sida laga soo
xigtey warka raadiyaha.
“Dhowr jeer ayaa Dowladda Federaalka ka Codsaney in ay Cadeyso Xadkeeda Badda ee
Khayraadka Dhaqaalaha uu ku jiro oo Afka qalaald lagu Yiraah EXECULISIVE
ECONOMIC ZONE inta Dowladda Soomaaliya ka qeexeyso Kaluumeysiga iyo ay wadaan
Shirkadaha, iyo Dowladha Shisheeye ma aha mid Sharcidaro ah ,waxaan ka dooneynaa
Dowladda Soomaaliya in ay Qeexdo Xadka Badda ee EEZ “ayey tiri Haweeneydaas.
In kasta oo Haweenaydan Dona Hobcins ay sheegtey in Badda Soomaaliya aysan wax
Xad ah lahayn hadana waxa jiray in Dowladdii hore ee Soomaaliya Xiligii ay Dalka
ka ariminaysay Badda Soomaaliya ay jirtay Xad loo sameeyay hase yeeshee
hadalkaan ayaa waxa uu noqonayaa mid cusub oo ay ku Baraarugaan Bulshada
Soomaaliyeed iyo Madaxda Dowladdu.
Madaxwaynaha Soomaaliya Xasan Sheekh Maxamuud oo isna ka qayb galayay shir Adis
Ababa ay ku yeelanayeen Madaxda Migowga Afrika oo looga hadlayay Ammanka Qaarada
afrika waxa uu ka sheegay in Badda soomaaliya uu ka socdo Xalufin ba’an kaasi oo
lagu hayo khayraadka dalka isla markaana lagu soo Shubo Haraadiga Sunta laga
keeno Warshadaha iyo in lagu kala iibsado Hubka Sharcidarrada ah.
Sannadkii 2009 ayaa waxaa la damcay in Badda soomaaliya la Farageliyo , waxaana
Qorshahaan watey Dowladha Norway iyo Kenya balse Baarlamaankii Xiligaas jirey
ayaa Ganafka ku dhiftey in faragelin lagu sameeyo Bada Soomaaliya , hase yeeshee
waxaa hada muuqanaya in Dowlada Norway ay dooneyso in Barnaamijkeedii Fashilmey
in ay dib u soo celiso waxaana taas laga dhadhansanayey Kulankii Madaxda Norway
ay la yeesheen Gudoonka Baarlamaanka.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | April 26, 2013
| 
Daabaco
Boggan | Print
