Ciise Dhollawaa

Waraysiyo iyo Warbixin:

Waraysiyadan waxaa qaaday Ciise Dhollawaa oo ka tirsan Idaacadda Australia ee SBS.

• Waraysi: Muxiyadiin Cali Yusuf oo ah musharax madaxweynannimada Puntland..
  
  Halkan Dhegeyso ama Halkan (mp3)
   
• Waraysi: Maamulaha Dusiga Bursaalax -
  Halkan Dhegeyso ama Halkan (mp3)

---

Mushaxa Prof Muxiyiin Cali Yuusuf ayaa booqday Gooba badan oo Muhiim ah kuwaasi oo ku yaala Gudaha Magaalada Basaaso

Bosaaso:- Musharaxa koowaad ee u taagan Jagada Madaxtinimada Maamulka Puntland Prof Muxiyadiin Cali Yuusuf ayaa maanta booqday goobo badan oo muhiim ah kuwaasi oo ku yaala isla gudaha Magaalada Bosaaso, Musharaxa ayaa dhulkaasi oo qoobka galiyay waxa uu kula kulmay dad aad u fara badan kuwaasi oo si diiran u soo dhaweeyay Prof-ka uga waramay dhamaan Baahidooda.

Musharax Muxiyadiin Cali Yuusuf ayaa waxa uu booqday gooba ay ka mid yihiin xarunta Cafimaadka ee dadka Bukaanka ah lagu daaweeyo, iyo goob kale oo ay leeyihiin dad Naafo ah iyo waliba dugsi caruurta wax lagu baro kaasi oo lagu magcaabo Daaru Imaan.

Booqashadan oo ah tii ugu horeysay nooceeda oo uu sameeyo qof musharrax ah ee isu soo taaga xilka madaxtinimada Puntland ayaa ahayd mid aad u muhiimsan isla markaana ay si weyn ugu farxeen dadkii ku sugnaa goobihii uu booqday musharrax Prof. Muxyidiin Cali Yuusuf, dhamaan dadkii uu goobahaasi kula kulmay ayaa waxay Prof uga wara meen xaladooda sida ay tahay iyaga oo sheegay inay waajib tahay in la doorto qof noocaas oo kale ah maadaama bay dhaheen uu dhex marayo dadka oo qof qof u waraysano.

Prof Muxiyadiin ayaa dadkii la kulmay waxa uu u sheegay inay kaalin lixaadle ka qaadanayo hadii la doorto Jagada Madaxtinimada Maamulka Puntland oo uu dabooli doono baahidooda ay qabaan iyaga oo sacab iyo niyad furan ku soo dhaweeyay markii uu hadalkaasi shaaca ka qaaday.

Prof Muxiyadiin ayaa goobta caafimaad uu booqday waxa uu kula kulmay gudoomisada Ururka goobtaasi gacanta ku haya AID- Mss Mahada Muusa iyada oo warbixin dheer ka siyay Musharax hawlaha goobtaasi lagu qabto.

Haweenaydaasi waxay shaaca ka qaaday inay aad u soo dhawaynayaan Musharxaasi oo ay sheegtay inuu yahay muwaadin Reer Puntland ah isla markaan Musharaxiinta kale dheer dhex marka iyo kawar hanta Bulshada.
Musharax Prof Muxiyadiin Cali Yuusuf ayaa waxa uu farta ku fiiqay inay waajib tahay in dadkaasi waxa loo qabto isla markaan qof kasta oo ku guulaysta Madaxtinimada Puntland looga baahan yahay inuu shacakiisa gacan siiyo e maha buu yiri in Caasimada uun ay Dawladu Degto.

Isku soo wada duuboo dhamaan Shacabka Reer Puntland ayaa waxay aad u saadaalinayaan Mushaxaasi Muxiyadiin Cali Yuusuf inuu noqonayo kan kaliya ee ku guulaysanayan Jagada Madaxtinimada Puntland markay arkeen qaabka ay u socoto Hawshiiso.

Jaamac Ayaanle Feyte
Somalitalk.com/Bosaaso

---

Muxuu ku tartamayaa Musharrax Muxyiddiin Cali Yuusuf?

Iyadoo ay aad u soo badanayaan musharrixiinta isu soo taageysa tartanka doorashada madaxtinimada Puntland ee 2009-ka ayaa haddana ku tartamaya barnaamijyo ay is leeyihiin taageero waad ku heli kartaan.

Prof. Muxyidiin Cali Yuusuf oo ah musharrixii ugu horreeyay ee ku dhowaaqa inuu u tartami doono xilka madaxtinimada Puntland ee 2009-ka ayaa ololihiisa u wada si deggan.

Prof. Muxyidiin waxa uu mar xaflad uu sameeyay kulamo gaar gaar ah oo uu la qaatay odayaasha iyo haweenka oo uu barnaamijkiisa wax qabad ugu bandhigay isagoo sheegay in la joogo xilligii loo baahnaa in la hirgeliyo isbedel dhinacyo badan si dalka iyo dadka Puntland u horumaraan.

Musharrax Prof. Muxyidiin Cali Yuusuf waxa uu sheegay in loo baahan yahay in la sameeyo isbedel dhinaca ammaanka, dhaqaalaha iyo hab maamulka dalka.

Isagoo sheegay haddii uu ku guuleysto xilka madaxtinimada Puntland in uu dhinacyadaasi xoogga ku saari doono.

Musharraxu wuxuu kaloo sheegay inuu wax u qaban doono dadka saboolka ah wuxuuna ku soo bandhigay mar uu booqasho ku tagay goobo lagu daaweeyo dadka saboolka ah, xarrumo waxbarasho iyo xarun ay degan yihiin dadka naafada ah ee magaaladan Boosaaso.

Booqashooyinkaasi uu sameeyay waxa uu ka bilaabay xarun lagu daweeyo dhallaanka laguna umuliyo hooyooyinka gaar ahaan dadka soo barakacay oo uu gacanta ku hayo urur waddani ah oo lagu magacaabo AID ayuu Prof. Muxyidiin uu ballan qaaday in uu wax weyn ka sameyn doono dadka saboolka ah ee ku nool Puntland sidii ay noloshoodu u horumari lahayd.

Prof. Muxyidiin Cali Yuusuf markii uu xarunta daaweynta booqanayay waxa uu tilmaamay inuu aad uga naxay nolol xumada haysata dadka soo barakacay ee ku dhaqan deegaannada Puntland isagoo sheegay in uu u saari doono hay’ad gaar ah oo qiimeyn ku sameysa sidii dadkan nolosha looga horumarin lahaa.

Wuxuu kaloo Prof. Muxyiddiin Cali Yuusuf booqday dugsi ay wax ku bartaan caruur yar yar.

Dugsigaasi oo lagu magacaabo Daarul-Iimaan ayaa lagu baraa caruurta xifdinta Qur’aanka Kariimka.

Isagoo caruurta ku booriyay inay waxbarashada ku dadaalaan si ay mustaqbalka u noqdaan jiil aqoon leh oo dalka hogaan u noqda.

Wuxuuna tilmaamay in barnaamijka uu ku tartamayo ay ku jirto horumarinta waxbarashada.

Sidoo kale Prof. Muxyidiin Cali Yuusuf wuxuu xarunta ay ka degan yihiin magaaladan Boosaaso ku booqday dadka Naafada ah, halkaasoo uu ugu sameeyay ballan-qaadyo dhow iyo kuwo uu u sameyn doono marka uu ku guuleysto doorashada.

Waxa uu isla goobta curyaamiinta kaga dhowaaqay inuu u keenayo Computer iyo macalim bara sida loogu shaqeeyo.

Maxaa yeelay ayuu yiri curyaamiinta qaarkood waa kuwo gacmaha ku shaqeysan kara haddii aqoontooda la dhiso.

Waxa uu sheegay haddii uu ku soo baxo tartanka doorashada madaxtinimada Puntland iyo in uu hirgelin doono xarun dadka naafada ah wax lagu baro si ay u shaqeystaan.

Wuxuuna sheegay in uu ka shaqeyn doono sidii ahmiyad loo siin lahaa dadka naafada ah marka shaqaale la qorayo.

Si kastaba ha ahaatee Prof. Muxyidiin Cali Yuusuf waa aqoon yahan muddo deganaa dalka Maraykanka wuxuuna dalka dib ugu soo laabtay muddo hadda saddex sano ku siman si uu uga qeyb qaato horumarinta waxbarashada Puntland gaar ahaan magaaladan Boosaaso.

Waxa uu qeyb ka qaatay horumarinta Jaamacadda Bariga Afrika ee magaaladan Boosaaso iyo hirgelinta kulliyadda lagu magacaabo Boosaaso College.

Wuxuu ka qeyb qaatay diyaarinta manhajka cusub ee dugsiga hoose ee dhowaan la soo saaray.

Lama soo koobi karo taariikhda uu dhinaca aqoonta kaga jiro Prof. Muxyidiin Cali Yuusuf oo isu soo taagay madaxtinimada Puntland.

bashiir cumar cali/bosaaso
bashiir137@hotmail.com

Faafin: SomaliTalk.com | Maarso 6, 2008 | Updated: March 10, 2008

Maqaal: Macdanta & Batroolka Puntland Ma-Reer Indhoole Hoggaansho Baa???... Akhri...

Sunta ku duugan Soomaaliya.. Akhri qoraallo xiriir ah...

AFRICOM iyo Qaaradda Afrika: Welwelka Afrikaanku ka Qabaan saldhigga Militari ee AFRICOM Akhri...