Sida laga dhadhansanaayo cinwaanka aan u doortay fariinta uu xambaarsan yahay qoraalkaygaan, waa talo cidwaliba oo Somali ah u taal oo aan laga lahayn higelinteeda, dhiiro gelinteed, fahansiinteeda, faafinteeda, figrado kale ku daristeeda, sixideeda.

Waxaa aad la socotaan in dowladii Somalia ay burburtay 18 sano ka hor wax mideeya danaha somalida ma jiraan intii mudadaas, sidaas darteed dadka illaah wax baray waa in ay ugu faa’iideeyaan dadka kale ee somaliyeed aan nasiibka u heli in ay wax bartaan, si uu u sii socdo jiritaanka magac Somali inta uu bisayl siyaadadeed ee dowladnimo ka imaanayo kaasi oo si keeni kara dadka somaaliyeed ee ku kala baaday daafaha adduunka, waxyaabaha ay dadka wax bartay uga faa,iidayn karaan ayagoo ka faa’iidaysanayaa tinooliyada casriga ah ee adduunka ka dhigtay tuulo mid ah internet-ka maanta laga helaayo somaliya oo dhan in ay ugu soo gubiyaan aqoonta ay u leeyihiin waxyaaba umadi jiritaankeeda suga, Ku dhaqanka wax ay aaminsan yihiin, Amaanka, Wax soo saarka cuntada daruuriga ah, Caafimaadka, Waxbarashada.

Waxaa ayaan daro ah in la arko ummad dhan oo uu dareenkoodu ku wada jeeddo hal meel keliya, taasi oo aad si aad ah uga dareemaysid websayada somalida markii aad akhrisid aad arkaysid 99% dadka wax bartay ee waxa ku qoraa waxay kaga hadlaan sidaasad iyo sidii dowladii somaliyeed loo raadin lahaa, waa arrin fiican oo aad daruur u ah laakiin waxaad moodaa in miisanka uu dhinac u dheeliyay, walaalayaal dowlada la dhisaayo oo uu kii wax yaqaanay oo dhan uu ku mashquulay inta aysan dhalan ka hor ummadii aad ku dadaalayseen way la’anayaan, haddii aan la helin dad waxbartay oo kala taliya ummada oo isku howla sidii ay u soo gaarsiin lahaayeen aqoonta uu leeyihiin 5 qaybood nolosha aasaasiga u ah, si jirtaankoodu loo xaqiijiyo ayagoo rajo ka qabo dowlada aad u raadinaysaan.

Walaalahayga somaliyeedow waxaan idiin sheegayaa in qofkastaa oo wax bartay ay waajib ku tahay walaalahiisa somaliyeed ee u ooman wax uu bartay in uu gaarsiiya si ay u badbaadaan.

Walaalayaal somalida waxaa haysta dhibaatooyin badan sida Dowlad la’aan,amni xumo,waxbarasho, dhaqaale burbur oo waayadaan dambe oo xoogaysanaayo, kaasoo ah mid nagu gaara ah iyo mid adduunka oo dhan nala qabo.

Haddaba waxaan rabaa dhaqaale burburka adduunka oo dhan aan la wadaagno in aan labo talo ka soo jeediyo oo aan isleeyahay sida ugu haboon ee looga badbaadi karo weeye musiibadaan, waa midda kowaadeed sida aad la socotaan waxaa cariiri galay cuntada daruuriga ee adduunka iyadoo loo aanaynayo labo arrimood shidaalkii qaali noqday iyo in qaar ka mid ah dowladii wax soo saarka ugu badnaa ee beeri jiray cuntada daruuriga sida galayda, sareenka oo mirii u bedeley in ay shidaal ka soo saartaan, iyo sababta kale oo ah isbedelka cimilada adduunka oo saamayn wayn ku yeeshay dowladihii cuntada ugu badan soo saari jiray, taasi waxay ku liftay in dowladaha qaarkood ee cuntada daruuriga ah dibadaha u iib gayn jiray in ay yiraahdaan wadankeena wax cunto ah dibada loogama iib gayn karo, anaga ayuusan nagu filayn wax aan soo saarno, tusaale India oo bariiska u iib gayn jirtay dibada nooceeda ugu leeta in ay sheegtay in wadankeeda aan bariis laga dhoofin karin, qamadigii Yaman iyo Dubai laga keeni jiray waa la joojiyay, haddaba dadyowga caalamka ee dowlaha leh qolo waliba dowladooda ayaa qorsho u dejisay ku saabsan sidii marxaladaan adag looga gubi lahaa, somalida yaa u maqan oo uu walwal ka hayaa sidii ay marxaladaan uga gubi lahaayeen, waa dadka somalida ee wax bartay ee khibradaha ka soo kordhsaday dadyooga kale ay la degan yihiin iyo kuwa wadanka jooga, waxaan jeclaystay anigo alle ugu dhowaanayo in aan talo fariin ah idiinkaga soo gubiyo iyadoo ay igu xambaartay in aan ka talo bixiyo arrimahaan dhaqaalaha ku saabsan anigoo ay aqoontayda kooban tahay iyadoo aan arki waayay in dadkii takhasuska u lahaa oo ka hadlaya arrimahaan tan kowaad ee ku saabsan cuntada adduunka ee daruuriga ah ee yaraatay sida ay somalida uga guulaysan lahayd oo ay u yareen lahayd saamaynta ay ku yeelan karto noloshooda, Somalia waa dal qani ah dadka somalidana hal gobol ee ka mid gobolada webiyada mara waxa ay ka soo saaraan baa ku filan, wadanka meel kasta waxii lagu ridaa dhulka oo biyo loo helaa way baxayaan, biyahana meel weliba waa laga helayaa waxaa la rabaa biyo aan kharash badan gelin si miraha soo baxaa ay u noqdaan kuwo raqiis ah oo ay cid waliba iibsan karto, haddiise aad beertid beer oo aad soo saartid miro ka qaalisan kuwa dibadda laga keeno waa dhibaato, hadaba waxay ka suurto gelaysaa biyaha aan kharashka ku baxaynin dhulka webiyada maraan ee webiguna uu ka sareeyo labeelka dhulka si dhibyar kanaal looga soo jeexdo, waxaa kalo ah biyaha aan kharaska kaaga baahnayn ee u baahan si wayn looga faa’iidaysto biyaha roobka ha ahaato webiyada heerarahood oo dhirta waawayn leh oo uu roobku ku badan yahay ee laga yaqaan in wax lagu beerto laakiin ay aad iyo aad u yar tahay inta laga faa’iidaysto iyo dhulka dhirta yaryar leh ee aan laga aqoonin in Roobka ay wax ku beertaan, waxaad arkaysaa biyo harooyin iska fadhiya ama ilo iska durdurayaa oo ay dadka hareer degan ka gaajoonayaan hadaba walaalayaal arrimaha aan soo sheegay iyo kuwa aan soo wado waxay ku suuroobayaan waxaa weeye in alle la isu dhiibaa loo towba keenaa, ee qofweliba walaalkiisa muslinka ah badbaadiyaa oo uusan dhiigiisa xalaashan, haddii aan amni la helin wax inoo suuroobayaa ma jiraan, baryada waa in alle loo gaar yeelaa oo aan cid lala wadaajinin oo la waydiistaa in uu naga badbaadiyo musiibooyinkaan adduunka laga sheegayo lalana yimaad asbaabihii looga gubdi lahaa ee aan qoraalkaa ku xusnay iyadoo aan marwaliba laga tegayn baryada alle iyadoo laabta lagu hayo in isaga keliya uu kurbada feedo.

Waa in ay dadka somaliyeed isbedbaadiyaan oo ay midoobaad ayna ku midoobaa mabda’a islamnimada ay aaminsan yihiin cadowgoodana meel uga soo wada jeestaan.

Waa in ay isku tashtaan oo aysan cidna wax ka sugin allahooda ka baryaan roob uu ku barwaaqeeyo dhulkooda si ay xoolaha ugu badbaadaan uguna beertaan beeraha roobka lagu beero ee ugu wax soo saarka badan.

Waa in laga digtoonaadaa oo aan lagu kadsoomin miraha ay keenaan oo ay suuqa ku jebiyaan xilliga roobka si beerihii ay beeri lahaayeen beeralayda uga haraan maadaama miraha beeraha uu qaymahood suuqu jaban yahay.

Waa in laga digtoonaadaa oo aan laga qaadanin abuurka ay keenaan , beeralayda waa in ay iskaashi yeeshaan dhinac waliba ah, siiba dhinac abuurka oo ay isa siiyaan is ay uga badbaadan dhagarta gaalada.

In qoys weliba uu isku deeyaa sidii ay u samaysan lahaa beer marka ay ugu yar tahay ay ka soo saartaan cuntada daruuriga ah ee ay sanad quudan lahaayeen.

Waa in dadka dibad jooga ah ee reerahooda biilka u soo dira ay amraan in reer waliba meesha ugu dhow ee suuragalka ay beer ka samaystaan diyaarinta ugu horaysana ay u maal geliyaan.

In idaacadaha, television-ada somalida si joogta ah barmaamijyo looga soo siidaayo dadka somaliyeed lagu baraarujinaayo laguna baraayo sidii ay dalag u beeran lahaayeen iyadoo lala socodsiinayo in ay caalamka ka mid yihiin, caalamkana qolo weliba waa ay isku tashatay, sidaas darteed ay muuqato in la gaari doono gowr dhow in la waayo kiish bariiska ah oo dibada laga keeno qaym kasto ha ku yimaadee.

Sidoo kale waa in websaydyada iyo wargaysyada somalida loogu diyaariya maqaalo si joogta ah loogaga hadlaayo arrintaan.

In dadka dibad jooga ah ee somaliyeed ee beeraha wax ka bartay ay tababaro bixiyaan oo ay wakhtigood qaaliga ah iyo hantidooda u quuraan iyo sidoo kale kuwa dalka gudahiisa jooga.

Waa in dadka illaah wax siiyay ay hantidooda qayb ka mid ah ay u leexiyaan ganacsiga wax soo saarka dalaga taasi oo uu macnaheed yahay in ay samaystaan beero kuwaasoo wax soo saarkooda uusan ka faa’iido yareen kiishka ama kartoonka uu dibada ka doonayo, waayo faa’iidooyin badan bay leedahay arrintaas oo lacag adag lagaagama baahno,dad badan baa shaqo ka helaya.

Waa in dadka dibad joog ah ee leh saamiyada ugu badan ee shirkadda gudaha wadanka ka shaqaysta ay ku cadaadiyaan in hantida ay ku shaqaynayaan qaarkeed ay u leexiyaan tijaarada wax soo saarka beeraha.

Waa in laga faa’iidaystaa technology-yada casriga si biyo aan kharash badan ku bixin loogu helo beeraha ceelasha iyo wabiyada dhulka hareerahooda uu ka sareeyo ee loo isticmaala matorada shidaalka ku shaqaya, si loogu bedelo labada tamarood ee ugu jaban adduunka oo uu wadankeenu qaniga ku yahay kuwaaso kala ah dabaysha iyo qoraxda joogtada ah maalintii oo dhan, iyado la adeegsanaayo Wind Pumps & Solars.

In la helo shirkado Somali ah oo tijaaro ahaan u keena una tababara dadka sidii ay u isticmaali lahaayeen Wind pumps-ka & Solar-ka si looga kaaftoomo shidaalkaan qaaliga ah ee ay engine-nada isticmaalaan.

Fariintaan talada ah waa mid Somali oo dhan danteeda ay ku jirto si dadban si toos ah, sidaas darteed waxaan ka codsanayaa qofkii akhristaa maqaalkaan fariinta talada ah, oo talo ku biirinaya ha soo bandhigo oo ha ku soo qoro websiyada si dadka oo dhan ay uga faa’iidaystaan qofkii ku qancaana waa in cidda uu masuulka ka yahay ka bilaabaa sidii uu hirgelin lahaa isagoo gacan ku siinaya

Qodabka labaad oo aan doonayo in aan fariinta talada ah ku soo gubiyo waa lacagta qalaad ee aan ku tacaamulno oo uu ku socdo qaymo dhac ( inflation ) taasi oo qof waliba hantiisa ku lumayso oo aynu iska isticmaalayno, anagoo aragno in aynu ku khasaarayno, walaal haddii aad is ogtahay iyo haddii aadan is ogaynba waxaa kula gudboon in aad raadisid sidii aad uga badbaadi lahayd dhiig baxa kugu socdo ah mid qofkasta oo Somali ah ku socdo, waayo dadka somalidu waa dad isku xiran oo hadduu dibadda joogo si dadban buu qofku u dhiig baxayaa, hadduu dalka joogana si toos ah buu u dhiig baxayaa walaal waxaa isku deyayaa dhowr tusaale oo aan isleeyahay qofwaliba si fiican buu ugu fahmayaa dhuxurka ay xamaarsan tahay fariintayda talada ah si markii ay wada fahmaan mujtamaca somalida qaybahiisa oo dhan ay u timaado sidii iskaashi looga samayn lahaa sidii dhiig baxaan nagu socdo loo joogin lahaa iyadoon loo kala harin.

Tusaalaha kowaad waxaa weeye ka soo qaad in aad dollar waxa ku gadid waxna ku soo iibsatid oo aadan sh.somali isticmaalin waxaa isleedahay shay kasta waxii uu kuugu fadhiyay dollar baad saaratay, marka aad suuqa adduunka la tagtid dollarka badeecadii aad markii hore ugu soo iibsatay nooceeda iyo tiradeedii hore oo kale, ma ku soo helaysaa intii dollar markii hore lagaa siiyay, jawaabtu waa maya qofkasta Somali ahow oo dibada wax ka keenow dib u xisaabtan khasaare baad ku jirtaa, haddii aadan hore ugu baraarugsaneen hadda ka tabaabushayso oo ka fakir sidii looga bixi lahaa, tusaale gaaban dib u fiiri sanad iyo bar ka hore hal container oo aad soo raraytay qaymaha uu kuugu fadhiyay isla isagii oo aad hadda dalbatid intii uu kuugu fariisanaayo waxaa laga yaabaa in uu laba laab yahay hadda, haddaba waxaad ogaataa in 100% aad khasraan tahay.

Tusaale labaad dadka macdaarada yar-yar leh ama jeebleyaasha ah waxay u dhiig baxayaan sidaan, hadduu macdaar yar haysto mar alla markuu suuqa ku laabto oo uu badeec ka soo iibso is yiraahdo, waxuu tegayaa iyadoo ay ka qaaliyowday intii hore ee uu ku ogaa, wuu soo iibsanayaa waayo wuu ku qasban yahay waxuu doonayaa in uu sii shaqeeyo, markale buu laabanayaa haddana sidoo kale muddo ka dib si tartiib tartiib ah ayay meherudu u tabardaraynaysaa illaa uu kirada bixinaayo.

Haddii uu jeeble yahay safar marka uu qaado oo badeecadii soo iibiyo ayaa waxaa uu imaanayaa magaaladuu uu horay uga adeegtay, mise waxuu la kulmayaa badeecadii oo qaaliyowday, waxuu qaadayaa isla badeecadii mid la mid ah oo tirahaan ka yar tii hore, waayo lacagta intii hore uma goynayso dibada yay qaali kaga timid, waa uu iib gaynayaa oo soo laabanayaa, haddana sidoo kale illaa marka dambe uu is arko isagoo meel cidlo ordaaya oo aan garan dukaankii camirnaa badeecadiisi meeshay aaday.

Waxaa iyana dhiig baxaya oo si dhib yar u dareemi kara dadka lacagta loo soo diro oo qoyskii $200 dollar loo soo diri jiray maanta kuma filna, waxaa ku filan $400 sababta oo ah nolosha dadka somalida ah 98% waxay ku tiirsan tahay waxyaaba dibada laga keeno, iyagana maalinba maalinta ka dambaysa waa ay sii qaaliyoobayaan, waxaaba suurtagal ah in dhowaan la waayo wax wax kaa iibiyo.

Hadaba haddii aan akhristow aan isla fahanay in dhiig baxa jiro & meesha uu ka jiro, waxaan u gubaynaa su’aasha ah sidee loo joojin karaa dhiig baxaan?, walaalayaal faduulba ha igu ahaatee in aan ka hadlo arrintaan anigoo aqoontayda ay kooban tahay ayna jiraan dad badan oo Somali oo ku takhasusay cilmiga dhaqaalaha oo jaamacadaha adduunka wax ka dhiga ayna ku habooneed in ay kala taliyaan isbedeladaan ku socda dhaqaalaha adduun dadkooda laakiin ka reebay shaydaan oo ilowsiiyay in ay gutaan xilka ka saaran ummadooda in ay kala taliyaan sidii ay asaga joojin lahaayeen dhiig baxa ku socodo walaalahooda somaliyeed meelkasta oo ay joogaan in kasto iyagu ay ku jiraan kuwa sida dadban u dhiig bax, waayo masaariiftii ay dibada uga soo diraayeen qaraabadooda ayaa ku kordhaysa, haddaba walaalayaal waxaan leeyahay taladiina iyo aqoontiina iyo waayo aragnimadiina aad iyo aad baa loogu oomanay yahay ee isku daya in aad samaysataan ugu yaaraan hal web beej oo talooyinka la isu waydaarsado oo lagaga hadlo waxyaaba adduunka ku soo kordha sidii loo gaarsiin lahaa oo looga hirgelin lahaa dalkii iyo dadkiinii aad ka soo tagteen maadaama aynu ka mid nahay dalalka adduunka & sidoo kale in looga wada tashto danaha ummada somaliyeed oo dhan marka laga reebo siyaasada oo iyada leh meel badan oo lagaga hadlo.

Walaalayaal dhiig baxaan waxaa lagu joojin karaa in si wadajir ah iskaashi loo sameeyo oo uu qof waliba Somali ah dowrkiisa ka qaataa, si taasi loo gaaro waxaa muhiim ah in qofkasta oo Somali si uu kaalintiisa si dhibyar uga qaato, waa in la fahmsiiyaa in uu dhiig bax jiro iyo sababta keentay markaasi ayuu talooyinkii lagu jooginaayay kula qaadan karaa si dhib yar, haddiisa ay dadka qaarkiis fahmaan dhiig baxa oo ay qaybi fahmin si la rabay uma joogsanaayo.

Walaalayaa fariintaan haddii ay ku koobnaato web bajyada lagu qoro oo keliya waxay gaaraysaa oo keliya dadka wax akhriska firaaqada u hela oo keliya, haddaba si fariintaan talada ah ay qofweliba u gaarto waxaan oranayaa . In wab bajayda oo dhan lagu qoro oo ay kala qaataan maqaalkaan qoraal ahaan & karton ahaan sida aminarts iyadoo lagu daraayo waxii kaloo talo ah ee arrintaan xoojinaaya iyadoo uu marwaliba ka muuqdo bayjka u horeeya si dad badan ay u akhristaan una fahmaan is ay dowrkooda u qaataan, dowrkaasi waxaa leh dadka wab bayjyada qoro.

Sidoo kale waxaa loo baahan yahay dowrka idaacadaha tivisionada somalida oo ah kan ugu muhiinsan waana in ay ku celceliyaan oo ay muddo dheer wadaan ka hadalka arrintaan

Dowrka dadka nasiibka u helay in ay wab bayjyada ka akhristaan waa in ay u gudbiyaan fariintaan talada ah qaraabadooda iyo saaxiibadooda wax akhrista oo aan nasiibka u helin in ay aqristaan maqaalkaan iyago message ugu sheegayo meesha ay ka akhrisan lahaayeen.

Dowrka culumada waxaa la rabaa in culumada ay ka hadlaan arrintaan maadaama ay tahay arrin dadka noloshooda lagu badbaadinaayo.

Hadaba haddii aan tilmaamo sida loo joogin karo dhiigbax ku soconaayo dadka somalida oo dhan oo uu keenay dollarkii ay ku tacaamulaayeen oo uu qaymo dhac ku socdo iyana ay ku daba lumeen, waa in laga wareegaa oo loo wareegaa lacagaha adag ee uu qaymahoodu fadhiyo sida yurowga iyo waxii la mid ah, haddii aan taasi la yeeli waayo, waxaa imaan doonta in si kedis ah ay uga hoos baxaan dowladaha khaliijka tacaamulkii dollarka oo ay yiraahdaan waxaan shidaalkeena ku iibsanayaa yurow, ama ay qaymayn ku sameeyaan lacagtooda, haddii ay taasi dhacdo, waxaa khasaaro xoog leh oo ku laba laabsan kan kaan ku sifaynay dhiig baxa ay soo gaari doontaa inta dollar ku tacaamusho & kuwa keydka ka dhigta oo ay bangiyada ugu jirto.

Hadaba haddii la yiri haga wareego tacaamulka dollar ama ugu yaraan ha lala qaybsado suuqa somalida, waxaa imaanaysa su’aasha ah sidee bay arrintaasi ku hirgelaysaa? Jawaabta su’aashaasi waa arrin u taal taladeeda cidkasta oo Somali oo aqoon iyo waayo aragnimo u leh dhaqaalaha somalida, waana waajibsaan qofkasta oo Somali ah oo aqoon alle siiyay in uu taladiisa u soo bandhigaa walaalahiis, haddii aan anigo bilaabo oo aan soo bandhigo talada fariinta ee lagu joojinaayo dhiig baxa waxaa weeye in aan tilmaamo dhowr talo oo u baahan in la fuliyo iyo cid dowrka ugu wayn yeelan lahayd talo kasta.

In suuqyada sarifka ee somalida la keenaa lacagta yurowga si qofkii u baahdo sarif uu uga heli karaa sida dollarka oo kale waxaana dowrkaas leh sarifleyaasha iyo dadka dibadaha wax u dhoofiya oo lacagaha adag kala soo laabta.

In dadka dadkood lacagaha u soo dira ay xafiisyada xawaalaha geeyaan yurow ayna yiraahdaan dadkeena siiya urowda aan idiin dhiibnay ee dollar ha siinina waxaa dowrkas leh dadka biilasha soo dira,

In dadka lacagaha biilka loo soo diraa ay ka dalbadaan xafiisyada xawaaladaha lacagtii loo soo diray ee yurowda ahayd, waxaa dowrkaas leh waalidiinta biilka loo soo diro.

In dadka dibada joogta ah ee wadanka imaanay ay ka soo dhigtaan lacagta ay wadanka la imaanayaan yurow, dowrkaas waxaa leh dibad joogta.

In dadka badeecaha wadanka laga dhoofiyo wadanka gudahiisa ku iibiya sida Haraga Xoolaha, Kalluunka, Liin dhanaanta, Maydiga ay dalbadaan in yurow laga siisto xoolahooda, dowrkaas waxaa leh tujaarta ka shaqaystada badeecadahaas.

In dadka qandaraasyada ka qaata hayadaha ay ku qaymaystaan qandaraaskooda yurow is ay uga badbaadaan badeecada ku qaaliyoobaysa inta ay shaqada wadaan, waxaa dowrkaas leh qandarasleyaasha.

In dadka lacag kayd ka dhiganaayo ay yurow ama dahab ka dhigtaan.

In shirkaddaha badeecadahooda ku iibiya dollar ay ka dhigaan yurow booska dollarka dowrkaas waxaa leh shirkadaha.

Fariintaan talooyinka ay xambaarsantay waxay u baahan tahay in loo qabto wakhti lagu hirgelin karo iyo dad daba gala hirgelinteeda inta ay socoto oo ka wadatashta, xaaladaha aan lagu xisaabtamin ee soo kordhin kara iyo ururinta waxii talo ah ee lagu soo kordhiyo iyo waxii laga reebayo, iyo in la daba galo dadka qolo waliba dowrkii kaga aadanaa in ay iskeed u qabatay, haddii ay iloobeena lagu baraarujiyo. Gudigaas farsamo ee sida voluntary-ga u shaqaynayo, waa muhiim halaga soo taliyo qofkay danqaysow danta somalida.

Waxaad ogaataan in ay jiraan dhibaatooyin badan oo dhaqaale burbur wayn u keenay somalida oo ina wada sugaya sidii aan xal ugu raadin lahayn marka aan tani ka soo jeedsano.

Waxaan rajaynayaa haddii arrintaan lagu guulaysto in ay noqonayso guul ay ammaanteeda wadaagaan aqoon yahanad somaliyeed taasi oo didiilo cusub gelinaysa, kuna dhiirigelinaysa in ay wax qabsan karaan,haddii ay iskaashadaan waxaanan rajaynayaa in ay halkaasna ka sii wadidoonaaan dadaalkooda wax qabad ee tani ku xiga.

Walaalayaal waxaa ka cudur daaranayaa in aanan af somaliga si fiican aqoonin markaa haddii ay iga dhacaan erayo ay dadka qaarkiis dhibsadaan, waxaan ka codsanayaa in ay iga raali noqdaan oo ay ii cudurdaan oo ay dhinaca fiican ka eegaan oo aysan ka eegin dhinac shaydaanku tilmaamay.

Waxaa soo diyaariyay C/risaaq Cali Cilmi
elmi500@hotmail.com