Baaq ku Socda Bahda Sportiga Soomaaliyeed
Haddii aan nahay bahda Ururka Waddaniga Soomaaliyeed,
waxaan baaq u jeedinaynaa Ururada ama Kooxaha Sportiga
Soomaaliyeed, waxaan ugu baaqaynaa inay wada shaqayn
buuxda nala soo sameeyaan si aan uga caawino howlahooda
Sport, gaar ahaan dhinaca toosinta akhlaaqda.
Kooxaha Sportiga qaarkood howsha ay wadaan waxay u
burburtaa Akhlaaq xumo ka timaaddo Ciyaartoyda iyo
Waalidiintooda. Waxaa bata buuqa, waxaa yaraada is
maqalka, Waxaa luma Ixtiraamkii.
Xubnaha UWS, waxaa ku jira Aqoonyahanno ku xeeldheer
xagga farsamada Sportiga, oo idin ka caawinaayo Howlaha
farsamo ee Sportiga.
Ururka wuxuu kaloo diyaar idiinla yahay Aqoonyahanno
ama Barayaal ku xeel dheer toosinta Akhlaaq xumida,
yaraynta buuqa, hagaajinta hannaan isku toosan, waxay
kaa garab shaqaynayaan oo ay wacyigelin kaa dhinac
wadayaan adigoo howlahaaga tababarka Sport iska wata ama
Tartamada Sportiga ay kuu socdaan.
Waxaa dhawaan bilaabanaya Tartamadii Sportiga ee
xilliga Xagaaga (summer season), waxay inta badan ka
hirgalaan waddamada USA, Canada, Europe ama Scandinavian
iyo Waddamada Carabta qaarkood. Skuulladiina waa xiran
yihiin, waxaana jira Macallimiin badan oo xilligaas
fasax ah, kuna takhasusay habka Akhlaaq toosinta.
Waxayna Barayaal ka yihiin Iskuullo ku kala yaalla
waddamada Carabta, USA, Canada iyo Europe.
Macallimiintaas waxay Xubno ka yihiin UWS, Waxayna
diyaar idinkula yihiin inay gacan buuxda idinka siiyaan
howshiina Sport iyagoo adeegsanaya xirfaddooda
macallinimo, si ay u yareeyaan buuqa, is maqal la’aanta
iyo kala dambeyn la’aanta.
Haddii aad diyaar u tihiin wada shaqayn iyo iskaashi
buuxo inaan idinla samayno, Fadlan noo soo dhawaaqa. La
soo xiriira e-mailka ururka Waddaniga Soomaaliyeed.
“First Come First Serve” Kooxda Sport ee ugu soo
horreeye ee nala soo xiriira ayaa Muhimadda Koowaad la
siinayaa.
URUKA WADDANIGA SOOMAALIYEED
soomaalibaanahay@hotmail.com