SOMALITALK.COM dahabshiil
w w w . S o m a l i T a l k . c o m
SOMALITALK - K/AFRIKA
DAAWO:- VIDEO: Muhammad: Legacy of a Prophet Daabaco Boggan | Print

Qoraallada Batroolka Soomaaliya: Wararka, faallada iyo maqaallada laga qoray batroolka Soomaalida. Ka akhri: www.SomaliTalk.com/oil/


Jaaliyada soomaalida gobolka eastern cape ee K/Afrika oo lagu casuumey furitaanka baarlamaanka gobolkaasi, una gudbisey cabashooyin.

Eastern Cape, oo ah gobol aad u weyn oo ka tirsan K/afrika, oo ey ku dhaqanyihiin soomalida ugu baddan ee dalkani joogta, dhibaatooyinka ugu baddana eey ku gaaran soomaalida, ayaa jaaliyada gobolkaasi markii ugu horeysey lagu marti qaadey furitaanka baarlamaan goboleedka eastern cape. Waftiga jaaliyada oo balaarnaa kana koobnaa 6 xubnood, ayaa waxaa hor boodayay Gudoomiyaha oo lagu magacaabo Qaasim Boosh ayaa kadib kulankii baarlamaanka kulamoo goonogooni ah la qaatay gudiyada xildhibaanada, iyo gudoomiyaha gobolkaasi, oo markii dambe waftiga loo kaxeeyey gurigiisa oo mudo 3 saacadood ah oo eey lahaayeen wadahadalo daba dheeraaday oo saabsan xaalada soomaalida iyo sida wax looga qaban karro.

Gubarnatooraha (gudoomiyaha), aya balan qaaday in xukumadiisa heerka goboleed eey geed dheer iyo mid gaabanba u fuuli doonto wax ka qabashada dhibaatada soomaalida heysata, sidoo kalane sheegey in kulamada jaaliyada iyo maamulkieeda eey noqon doonaan kuwo joogto ah. Waxa eey haweeneydani gudoomiyaha ah ka deyrisey xaalada soomaalida gobolkaasi ku heysata oo eey sheegtey in aan indhaha laga qabsan doonin, sida dilka, dhaca gubida iyo boobka wadarta ah.



Waftiga jaaliyada ayaa kala ahaa .

1-qaasim bosh cali gudoomiyaha jaaliyadda
2-c/raxmaan c/Raxmaan Raabi gudoomiye kuxigeenka jaaliyadda
3-c/raxmaan nuur jilley xoghaya ahna madaxa arimaha bulshadda
4-asad daa'uud diini xubin
5-c/nuur adan c/raxmaan madaxii hore ee arimaha bulshadda
6-yuusuf macalin cabdi xubin

Tani waa astaan fiican oo markii ugu horeysay mujineysa, sida wanaagsan ee madaxda dalkani eey qadarin iyo dareen bini’aadanimo ugu muujineyso soomaalida, oo dad badan oo soomaali ah eey ku eedeynjireen in joogitaanka soomaalida iyo dhibaatadooda la inkirey. Kulankani ayaa kusoo aaday iyadoo maalinimadii jimcaha eey gudi sare oo ka tirsan jaaliyadani eey la kulmeen wakiilka UN-ka u fadhiya wadamada K/Afrika dhaca oo eey kala hadleen xalinta dhibaatooyinka soomaalida, wakiilka oo lagu magacabaao ayaa ergadii soomaalida ee uu la kulmay u sheegey in eey dowlada dalkani ka dhaadhiciyeen in sida ugu dhaqsiyaha badan wax looga qabto dhibaatada soomaalida heysata. Arrintani oo iyaduna aheyd talaabo hormar leh oo muujineysa in dhanka haboon eey wax u socdaan .

C/naasir saxansoxo.Somalitalk, Johansburg, email:, saxansoxo1@hotmail.com, southafrica@somalitalk.com, tell: +27767059384.

UN-ka iyo jaaliyada soomaalida oo kulan yeeshay

Kulankan oo uu heerkiisu sareeyey, loogana wada hadlayay sidii gacan wada jir ah eey jaaliyada iyo UN-ka, oo kaashana dowlada K/afrika, oga geeysan lahaayeen dhibaatada soomaalida ku heysata dalkani, ayaa waxaa jaaliyada SASA oga qeyb galay wafti 3 xubnood ka kooban, halka UN-ka uu shirka fadhiyey wakiilka u qaabilsan wadamada Afrikada Koonfureed oo lagu magacaabo Mbilinyi Abel, iyo wakiil kuxigeenka Arrimaha degdega ah, Sanda Kimbibi.

Waftiga ka socday jaaliyada soomaalida ee SASA (Somali association of south Africa), ayaa waxaa hor boodayay Axmed Dowlo oo ah agaasimaha guud ee jaaliyada. Iyo Maxamed Xakiim. iyo xubno kale, kulanka oo heerkiisu uu aad u sareeyey marka laga eego darajada madaxda ka qeyb gashay , ayaa waxaa looga hadlay sidii jaaliyada iyo Un-ka eey isaga kaashan lahaayeen wax ka qabashada dhibaatooyinka dadka soomaalida dalkani ku heysta.

SASA ayaa soo bandhigtey si qibrad iyo cilmi baarid ku dheehantahay, dhamaan macluumaadka quseeya soomaalida dalkani, iyadoo la adeegsanayay qalabka casriga ah ee darbiga shaashada ka muujiya ee (projector-ka loo yaqaan). Bandhigaasi ayay SASA ku shaacisey qoraalo iyo muuqaalo ka turjumaya si faahfaahsan heerka dhibaatada soomaalida dalkani ku nool, waxyaalaha eey u baahanyihiin, hormarka eey sameeyeen, duruufaha nololeed ee heysta dadka qaarkood iyo sida ugu haboon ee soomaalida lagu caawin karo, oo eey sheegeen in kaliya eey u baahantahay si wada jir ah in wax looga qabto . Arrimaha ugu muhiimsan ee Bandhiga SASA lagu soo qaaday waxaa ka mid ahaa arrimaha dilka, dhaca, boobka , takoorka iyo mixnadaha soomaalida ka heysta xagga sharciyada oo dad badani eey aad ugu dhibanyihiin .

Axmed Dowlo oo kulanka ka hadlay ayaa hoosta ka xariiqey in dacayaad xagga dowlada ah eey ugu wacantahay dilka soomaalida loo geysto, iyo heerka dambiyada, eeysana ka marneyn jinsi naceyb, wallow taasi eey qeyb ka qaadanayso nooca deegaanada eey soomaalidu ka ganacsato oo tuulooyin ah. Waxa uu intaasi ku daray in SASA eey wax badani ka qabatay xal u helida dhibaatada soomaalida heysata, oo uu sheegey in had iyo jeer eey kala hadlaan dowlada iyo hey’adaha eey quseeyso. Waxa uu halkaasi kusoo bandhigey tirade soomaalida dalka joogta, inta qaxootinimo loo aqoonsaday, inta warqadaha loo garaaca heysata ee aan wali qaxootinimo loo aqoonsan, tirade ardeyda jaamacadaha dhigata iyo malaha tirade ugu muhiimsan ee ah tirada soomaalida dalkani lagu diley inta la diiwaan galiyey.

Dhinaca wakiilka UN-ka mudane Mbilinyi Abel, ayaa sheegey Un-ka had iyo jeer eey diyaar u tahay wax ka qabashada dhibaatooyinka dadka qaxootiga ah ku heeysta wadamada eeysan u dhalan, waxa uu sheegey in eey dowlada ku cadaadinayaan in meel adag eey iska taagto dambiilayaasha falalka dilka geysta ee misane aanan sharciga la horkeenin, waxaa uu sheegey in UN-ka oo kaashanaya SASA iyo dowlada dalkani eey wax ka qaban doonaan dhibaatada soomaalida heysta, gaar ahaan dilka iyo dhaca, dhanka shariciyada ayuu wakiilka waftiga u xaqiijiyey in soomaalida wax weyn looga qaban doono, gaar ahaan in si dhaqso ah loo siiyo sharciyadooda marka eey codsiyada geystaan, paasaboorada lagu safro ee UN-ka, sharciga degenaanshaha rasmiga ah (Permanent Residence), iyo in qof soomaali ah oo mar loo aqoonsaday in uu qaxooti yahay, aanan darajadaasi laga xabuubin Karin sida eey horey SASA ugu doodey dad badana eey ka cawdaan, sidoo kale waxa uu qirey in bangiyada eey dadka qaxootiga hadda wixii ka dambeeya eey account-yo u furi doonaan,si eey kacagahooda ugu keydsadaan. Sida bangiga ABSA iyo FNB oo arrintaasi UN-ka eey ka shaqaysay. Waxa uu intaasi raaciyey in SASA looga baahanyahay in si baaxad leh eey ola shaqaysaa UN-ka, maadaamaa SASA eey tahay jaaliyada kaliya ee shaqaynaysay inka badan 10 sanno , qibrad iyo faham dheeraadna u leh arrimaha bulshada ku saabsan.

Gabagabadii kulanka oo albaabada uu u xirnaa, kana dhacay xarunta dalka ee Pretoria (hadda Tshwane ). Saacadana qaatay ayaa lagu soo gunaanaday jawi fiican oo degan, kulan dambe oo aan la cayimina loo balamay . si loo sii jaan qaado wax qabadka iyo hergalinta waxyaalihii laga wada hadlay.

Kulankii manta oo ka mid ah kulanada ugu heerka sareeya ee madaxda jaaliyada eey la yeeshaan madaxda UN-ka iyo Dowlda dalkani, ayaa kusoo beegmay xilli soomaalida dalkani ku nool eey soo wajahayaan dhibaatooyin fara badan , oo eey UN-ka oo magaceeda eey ku joogaan eey ka filayaan xal dhibaatooyinkooda loo helo.

C/nasir Axmed SH. Bashiir (saxansoxo). Johansburg, South Africa.
saxansoxo1@hotmail.com

Faafin: SomaliTalk.com | Feb 17, 2008

Tixraac: Qormooyinkii laga qoray iyo google search

bosaso

hargeysaSomaliland oo Xaqiijisay in Xiriir Dhexmaray Shirkadda Batroolka ee Lundin Oil: Waa maxay xiriirka ka dhexeeya Lundin iy Africa oil Akhri

DEKEDDA BOOSAASO OO AY KU SOO FOOL LEEYIIN LABO DOONYOOD OO HUB SIDA....
Doonyahaas oo hubka ka soo raraya dalka Yemen ayaa waxaa wararku tibaaxeen in ay.... Akhri...

yusuf vs Nuur CaddeMa Dhabaa In Khilaaf  Soo Kala Dhex Galay Madaxweynaha DFKMG Yuusuf Iyo Raysal Wasaare Nuur Cadde...

Booliiska Federaalka Australia oo Baaritaan Xooggan ku haya Shirkado Macdanta ka Baarta Dunida Saddexaad.. Akhri...

Cali Maxamed Geeddi oo Lacagtii uu Qaatay Guri kaga iibsadey Los Angeles, USA.. Jariidada The Independent ayaa shaaca ka qaaday in magangelyo USA laga siiyey Geeddi oo uu... Akhri

nuur caddeKulan Ku Saabsan Batroolka oo Addis Ababa uga socda Yusuf, Cadde Muuse & Nuur Cadde: G/Sare Nuur Cadde Ma aqbali Doonaa heshiiska Range iyadoo aan Baarlamaanka Baydhabo ansixin Sharciga Batrool DFKMG.. Akhri...

cise dholawaaWaraysiyo Ku saabsan Qaraxyadii ka dhacay Boosaaso: Raadiyaha Australia ee SBS ayaa waraysi ku saabsan qaraxyadii Boosaaso waxa uu la yeeshay Maamulaha Cisbitaalka Boosaaso, duqa Magaalada Boosaaso iyo tifatiraha wargeys ka soo baxa Boosaaso... Guji

oilShirkadihii Shiidaalka oo Maalgelin toos ah ku samaynaya Cabudhinta Shacabka Puntland. Warbixinta ka akhri halkan...

Sawiro: Bannaanbaxii ugu weynaa oo ka dhacay London, UK Jan 16, 2008


BAARID | SEARCH


MAQAALADDII 2000-2001: Shakiib | Barkhadle | C++ | Java | Saahid | SomQurbaha | SRG | BCCP | SPR | Dr.Osman | Aamusanaha | Ingiriis | Duggaal | SASA | SouthAfrica | DeepThought | Leyla | Caddaawe | PMA | Africa | GreetingCards | Soyan | Moallim | SomCanada | MSSU | Shiike | Haile | SHASNA | M.Abdirashid | Xariri | Xal | Xawar | Halable | amiir | PL | SSB | Fahad | Maanso | Deeq | kancaan | PuntWatch | Gaashaan | Filasoofi | Sacmaal | Caddaani | Cambaro | Xaamud | Abhali | Xaashi | ICUPS | SSL | ISRAACA | UmuurahaIslaamka | ShibilDimoqrasi | Saahid | MoreInside


Kulaabo bogga  www.SomaliTalk.com  © www.SomaliTalk.com