Xiriirka Soomaaliyeed ee K/Cagta oo Xalfad Qado ah u sameeyay.

            Xiriirka soomaaliyeed ee K/cagta ayaa Hotel Muqdisho Ex Daamey Xaflad Qado ah ugu sameeyay Aadan Maxmed Ibraahim (Aadan Owr) oo ka mid ah Jaaliyadda Soomliyeed K/Cagta ee Dalka Sweden ee dhinaca Isboortiga kana mid haa dadkii qaban qaabada weyn u galay Tartankii Eurosom waxaana ka qeyb galay Xalfadaasi qadada ah Gudoonka Sare ee K/cagta iyo Gudiga sare ee Fulinta K/cagta sidoo kale waxaa ka qeyb galay Garsoorayaal muddo ku  dhex jiray K/Cagta Soomaaliyeed waxaana ugu horeyntii halkaa ka hadlay Xoghayaha Xiriirka Soomaalyeed ee K/Cagta C/Qani Saciid Carab wuxuuna ka warbixiyay Xaaladda Soomaaliyeed ee K/Cagta gaar ahaan Xiligaan aan hadda ku jirno, waxaa kaloo ka hadlay ku simaha Xiriirka Soomaaliyeed ee K/Cagta Cali Saciid Guuleed oo sheegay in Xiriirka Soomaaliyeed ka xun yahay in aan lagu marti qaadin Tartankii Eurosom ee lagu qabtay Dalka Finland Maadama tartanku uu ahaa Tartan dhinaca K/cagta ah, waxaa kaloo halkaa ka hadalay Qabiirka K/Cagta Xaaji Yuusuf Maxmed Shiikh oo isna u soo jeediyay Jaaliyadda Soomaaliyeed ee yurub in Xiriirka Soomaaliyeed ee ka gacan siyaan dhanka Qalabka iyo Tasjiilaadka kale ee u baahan yihiin.

            Aadan owr wuxuu sheegay in jaaliyadda soomaaliyeed ee Yurub ee markasta diyaar u tahay inay gacan siiso K/Cagta Soomaaliya isagoo sheegay inay ka qeyb qaadan doonaan Tartamadda Gobaladda ee dhawaan la qaban doono wuxuuna sheegay in codsiga Xiriirka Soomaaliyeed ee K/Cagta u gudbin doono Jaaliyadda, wuxuna Kulankaa ku dhamaaday jawi wanaagsan.

W/D Amiin Yuusuf Khasaaro

E-Mail amiinkhasaaro@hotmail.com