Jawaab Laga Bixiyey Qoraalkii
Dr. Xasan Duwe iyo Munishiibiyo...
Beenin: Qoraal Lagu
Khaldayo Taariikhda Dhabta ah ee Dr. C/Raxmaan Siciid Dhegaweyne,
Wasiirka Caafimaadka DGPL...
Axmed Yusuf |
puntland1998@yahoo.co.uk
- Qoraaga "Musuqumaasuq
la dirir" ee fikradan leh, waxa uu akhristayaasha
halkan ugu soo bandhigi doonaa
qoraal asbuucle ah sida waqtigu ugu saamaxo oo uu ka soo qori
doono madaxda Puntland waxyaabihii ay u qabteen bulshada...
May 23, 2007
Ugu horayn, waxaan halkan
ku cadaynayaa in qoraal lagu been abuuranayo taariikhda
dhabta ah ee Dr. C/Raxmaan Siciid Dhegaweyne oo
May 6, 2007 kusoo baxay SomaliTalk.com ee ay soo qoreen
saddex qof oo uu hoggaaminayo Dr. Duwe oo kala ah: Dr. Xasan
Faarax Jibriil (Xasan Duwe), Cabdiraxmaan Mowliid Cabdi
(Munishiibiyo) iyo Idil Maxamuud Jaamac oo sheegay in ay ku
nool-yihiin magaalada Melbourne ee dalka Australia.
Ugu horayn waxay sheegeen
in Dr. Dhegaweyne uu yahay dhakhtar "ku shaqeynanyay muddo
ka badan shan iyo labaatan sanno (25 years)". Taas oo sida
muuqata haddii hadalkooda loo raaco noqoneysa in Dr.
Dhegaweyne uu Jaamacaddii Ummadda Soomaaliyeed ka qalin
jebiyey sannadkii 1982. Laakiin Xaqiiqo ahaan sannadkaasi
waxa uu ahaa markii uu dhamaystay Dugsigii Sare ee Shabeelle
ee magaalada Jawhar, waa sida uu sheegtay Dr. Dhegaweyne
qudhiisu'e, isla sannadkaas iyo kii xigeyna (1982-83) uu soo
maray Baraanmijkii Shaqo Qaran oo ardayda loo diri jirey ka
hor inta aysan gelin Jaamacadda. Ogsoonow wasiirku waxa uu
Gaalkacyo ku dhashay December 31, 1961, sida uu isagu
sheegtay.
Xaqiiqadu waxay tahay in
Dr. Dhegaweyne uu Jaamacaddii Ummada Soomaaliyeed qaybtiida
Caafimaadka uu galay sannadkii 1983, waxana uu Jaamacadda
dhamaystay, sida uu isagu sheegay, sannadkii 1990, sida aad
ku arki doontid tixraaca hoose*.
Sida la ogsoon yahay waxaa
Jaamacaddii Soomaaliya laga qalin jebin jirey bilaha ugu
dambeeya ee sannadka, gaar ahaan wixii ka dambeeya Oktoobar.
Sidoo kale waxaa la ogyahay in dagaalkii Soomaaliya uu
dhacay bishii December 1990. Waxaa xilligaas laga jogaa ilaa
16-sano iyo lix bilood. Sidaa daraadeed miyaan la oran karin
Dr. Duwe iyo kooxdiisa haddii loo raaco in uu Dhegaweyne
dhakhtarnimo ku shaqaynayey 16-ka sano ee ka soo wareegtey
bilowgii dagaalka, in tiradaas ay ka maqan tahay 9-sano oo
kale oo wax yar dhiman. Waa su'aale, mudane, Dr. Duwe,
xaggee sagaalkaas sano kaga dareysaan taariikhda wasiirka,
sow arrintaasi been qayaxan oo aad Dhakhtarka Soomaaliyeed
ka sheegteen ma aha? - Taas waxaa laga rabaa kooxda Dr. Duwe
in ay caddeeyaan sababta ay beenta qayaxan uga sheegayaan
Wasiirka Caafimaadka DGPL ee xukuumada Cadde jagadaas u
dhiibtey January 2005.
Marka beentaas qayaxan laga
reebo, qoraalkii Dr. Duwe iyo saaxibadiis, waxaa ka soo
baxaya in uu yahay qoraal aan meel uu ku jihaysan yahay
lahayn. Waxay ka hadleen qabiil in lagu riixayo wasiirka.
Waxaase ka dahsoon in qofku marka uu mas'uuliyada u qabto
shacabka uusan u adeegayn qabiilka uu ka dhashay oo keliya
ee uu u siman yahay shacabka oo dhan. Haddii la arko
khaladkiisana aan looga gabanayn "Armaa la yiraahdaa qabiil
ayaa lagu riixayaa ee yaan wax laga sheegay." Waan
aarrintaas tan Dr. Duwe iyo kooxdiisa iyo boqolaal wax ku
soo bartay Soomaaliya geysey Australia iyo qurbaha oo kaa
soo qixisay dalkeenii hooyo sharafta lagu lahaanjirey, ilaa
haddana dalka ka dhigtay mid dib u dhac iyo is qabqabsi
ragaadiyey.
Haddii aan in yar xusuusiyo
Dr. Duwe iyo saaxibadiis: Puntland waxaa si baahsan oo xitaa
uu Madaxweynuhu u qiray ugu fiday musuqmaasuq iyo in aan
wasiirada lala xisaabtamin, in wasiiradu hagradeen hawshoodu
loo xir saaray, oo ilaaween shacabkii. Haddaba, ka muwaadin
ahaan, haddii musuqmaasuq baahey aan ka hadlay, macneheedu
ma ahan in qabiil lagu riixayo wasiirka, ee wax ayaa la
tusaalaynayaa si uu ugu baraarugo mas'uuliyadiisa oo uu dib
ugu xusuusto sababtii xilka loogu dhiibey.
Dr. Duwe, waxaan ku
weydiinayaa: weli si fiican ma ugu fiirsatay sawirada laga
qaado wasiirada Puntland ee jooga ilaha dhaqaalaha dalka. Ma
u fiirsatay haddii sawirkoodu qabto dad shacab ah oo ag
maraaya iyaga in ay wasiiradu u muuqanayaan sidi Maroodi
cayiley, halka shacabku u muuqanayaa sagaaro caato ah.
Haddii taas farta lagu fiiqo ma qabiilbaa cid lagu riixey,
mase hantidii qaranka oo meeshii ku haboonayn laga leexiyey
ayaa laga hadlay?. Tan kale dib u raac qoraaladaydii
'Musuqmaasuq La Dirir' ee aan kaga hadlay dhawrka wasiir,
iina sheeg qabiilka aad ka hadleysid ee la beegsaday.
Mudane, Dr. Duwe, waxaa haboon in aqoontu kaa xoreysto hab
fikirkii qaxa ina baday.
Ugu dambayntii waxaa xusid
mudan dabeecadda ay dhowaan la soo bexeen koox loo bixiyey
"qalin-ku-maal" kuwaas oo ammaan xad-dhaaf ah u jeediyaan
madaxda Soomaaliyeed, taas bedelkeedana jago looga magacaabo
Soomaaliya ayadoo aan loo eegin qofkani booskaas ma u
qalmaa. Haddaba waxaan sugeynaa xilliga uu wasiirka
Caafimaadku jago u magacaabi doono Dr. Duwe iyo
saaxiibadiis.
Axmed Yusuf |
puntland1998@yahoo.co.uk
Afeef: Aragtida
qoraalkan waxaa leh qorayaasha ku saxiixan
Faafin: SomaliTalk.com |
May 23, 2007
Akhri: Qoraalkii Dr. Duwe ku difaacayey Dhegaweyne.....
| 
Daabaco
Boggan | Print