Golaha dhaqanka Beesha Hawiye oo cambaareeyey falkii foosha xumaa ee lagu weriayaasha [cali iimaan sharmarke iyo wariye mahad axmed cilmi]

Ref G/DH&MBH0023        Date 12/08/2007 

War saxaafadeed 

shir ay isugu yimaadeen golaha dhaqanka iyo midnimada hawiye maanta oo ay taariikhdu tahay

12/08/2007 shirkaasoo aykaga hadleen dhacdooyinkii ugu dambeeyay ee ka dhacay magaaladan muqdisho waxayna ka soo saareen baaqan: 

1.goluhu waxa uu cambaaraynayaa falkii foosha xumaa ee lagu dilay madaxii shirkada war baahinta  horn afrik cali iimaan sharmarke iyo wariye mahad axmed cilmi kaasoo goluhu u arko in uu yahay fal lagula kacay  rag aan waxaba galabsan  

2.sidoo kale wuxuu golaha dhaqanka iyo midnimada beelaha hawiye uga tacsiyeeynayaa ehelada iyo shacabka soomaaliyeed geeridaa naxdinta leh  isagoo allaah oga baryaya in uu naxariisto 

3.goluhu waxa uu guud ahaan cambaaraynayaa xariga iyo dilka joogtada ah ee lagu hayo saxaafada xorta ah  taasoo uu goluhu u arko in lagu aamusinayo warbaahinta xorta ah ee u taagan in ay tabiso dhibaatoyinka dhabta ah ee loo geysanayo  shacabkan tabaalaysan  

4.ugu dambayn goluhu wuxuu usoo jeedinayaa warbaahinta xorta ah  in ay adkaysataan  una dhabar adaygaan dhibaatada adag ee ay ku shaqaynayaan  ayna sii wadaan u adeegidda shacabka    

Warsaxaafadeedka oo dhan hoos ka akhri...

---

Gudoomiyaha golaha dhaqanka iyo midnimada hawiye

                                             Maxamed Xasan Xaad

warkaa     saxaafada waxaa u aqriyey salaad macalin ( salaad barwaaqo )    

   
salaad macalin 

sidoo kale waxaa iyane halkaa loogu qeybiyey saxaafada qoraalkaan  

 ku Beesha Caalamka

KU contacte grub

Ku Amisoom  

Aragtida G.Dh.& M.H. iyo xal u helidda arimaha Soomaaliya & kan gobolka Banaadir  

G.Dh.& M.H  waa gole dhaqan ee ma aha gole siyaasadeed

G.Dh.& M.H   waa gole ka shaqeeya arimaha nabadda iyo dib u heshiisiinta

G.Dh.& M.H waxay ka shaqeeyaan arimaha dhaqanka,deris wanaagga iyo xallinta khilaafaadka 

Golaha Dhaqanka & Midnimada Hawiye waa gole wadani ah una taagan sidii  shacabka somaaliyeed uga bixi lahayeen dhibaatooyinka mudada dheer ragaadiyey 

1.marxaladaha uu soo maray gobolka banadir  

Gobolka banaadir waa gobolka ugu muhiimsan ,uguna dad badan dhammaan gobolada dalka, wuxuuna ka kooban yahay 16 degmo, islla markana waa caasimada dalka.  

Gobolkaan wuxuu soo maray dagaalo badan, sida kii dhex maray Maxamed Siyaad Bare iyo jabhadaha, kii jabhadaha dhexdooda ,kii qabiilloyinka gudohooda ,iyo kii 18/02/2006-9/07/2006 una dhexeeyey ururkii la magac baxay "soo clinta nabadda iyo la dagaalanka agixisada"iyo"Maxkamaha Islaaamiga ah"ugu dabeyntii waxaa gacanta ku dhigay gobolada kofureed maxkamadihii kuwaasoo soo celiyey nabadii iyo kala dabeyntii tasoo shacabka gobolka banaadir ku diirsadeen muddo lix bilood ah ,Hase ahaatee; waxaa dagaal kusoo qaaday dalka- gar ahaan gobolkaan banaadir- Ciidamada Dowlada Ethiopia oo meesha ka saaray maxkamadihii ka talinayey gobolada kofureed intooda badan. 

2.Xasuuqii ka dhacay muqdisho 

waxaa magaalada muqdisho ka dhacay xasuuq aan nocisa oo kale soomaliya soo marin kaso bilawday 29/03/2007 kadib marii ay Etopia ku soo qaaday werer cir iyo dhul ah shacabka degan gobolka banadir gar ahaan masaafo gaareysa 10km isku weer ah kaasoo ay ku dhinteen kumanaan qof kumanaan kalana ku dhawacmeen isla markaana sababay barakac in ka badan 1milyan oo u bara kacay daafaha magaalada muqdisho iyo gobolada dalka iyo dalka dibadiisa sidoo kale xasuuqaasu wuxuu sababay burbur hanti shacabku leyahay oo lagu qiyaasay $1.5bilyan doolar oo isugu jirta goobo waxbarasho, wershedo,isbitaalo,shirkado ganacsi,guryo,baabuur,iyo dukaamo sidoo kale xadgudubyada ay ciidamada Etopia geysteen waxaa ka mida jirdil shacab aan waxba galabsan kufsi sida gabar lagu magacabo suuban Maxamed Maalin oo ceel cirfiid ciidamada Etopia ay ku kufsadeen.  

3.Kacdoonkii shacabka muqdisho 

Tacadiyada aan kor ku soo sheegnay waxaa ka dhashay kacdoon iyo isdifaac ay hormuud ka ahaayeen beelaha hawiye ee degan gobolkan kuna diidanaayeen tacadiyada ay ciidamada Etopia ka geysanayeen gobolkaan oo weli sii socda  iyo dhibaatooyinka sii kordhaya ee ka imaanaya joogitaanka ciidamada Ethiopia. iyo maamul xumada dowlada fadaraalka  

4.dhibaatadii oo weli sii socota  

ciidamada Etopia iyo kuwa TfG da ayaa waxay sii wadaan xadgudubkii ay shacabka muqdisho ku hayeen

Ayadoo aaney beesha caalamku waxba ka qaban xasuuqaas bini,aadanimada ka baxsanaa oo ay geysteen ciidamada Etopia iyo kuwa TFGda ayaa weli waxa sii soconaya dhibaatoyinkaas oo malinba malinta kadanbeyso sii kordheyso ayadoo xabsiyadii buux dhaafiyeen shacab aan wax denbi ah galabsan sida si dad macnadaro ah looga soo aruurinayo masajidyada lagu cibaadeysto iyo goobaha waxbarasha sida macaliminta iyo ardada iyadoo godad cusub oo dhulka hoostiisa laga sameeyey sida madaxtooyada TFG isla markana waxaa shacabka muqdisho lagu hayaa dil qabqabasho boob hantiyeed oo malin kasta ah ayadoo habeen kasta loo soo dhaco qofka gurigiisa jiifa. 

 Sidaa darted waxaan Beesha caalamka ka codsaneynaa sida (UN/AU/EU/Jamacada carabta,Ururka islaamka iyo hay,adaha u dooda xaquuqul isaanka iney usoo diraan gudi baaris xasuuqii ka dhacay magaalada muqdisho ilaa haatana sii socda talaabana laga qaado cidii geysatey xasuuqaas. 

5.Aragtida Golaha ee ku aaddan xal u helista somaaliya  

goluhu wuxuu halkaan ku soo bandhigayaa aragtidiisa ku aadan dhibaatooyinka dhacay iyo dhibka hada taagan iyo xal u helidda arimaha Somaaliya .guud ahaan sida wax looga qaban karo iyo gaar ahaan gobolka banaadir oo ah maskaxda soomaliya oo hadii daawo loo helo dhamaan somaaliya daawo loo helayo madaama ay dhibaato gaarahaneed haysato wana sida soo socota:

A.Xalka gobolka Banaadir

1.in lahelo xabad joojin rasmi ah oo ka hirgasha muqdisho

2 –In laga saaro ciidamada Ethiopia iyo kuwa maleshiyada dowladda goobaha shacabku degan yahay ee ay xarumaha ka dhigteen taasoo aan u aragno iney tahay sababta keeneysa iska horimaadayada soo noqnoqda ee ka dhaca gobolka banaadir lana geyo meel magalada ka baxsan  

3.In ciidamada amisom iyo kuwa booliska ay ka shaqeyaan amaanka gobolka.

4.in la qabto shirweyne heer gobol ah oo looga arinsanayo xal u helida gobolka banaadir si ay bulshada gobolkaan ugu madaxbanaanadaan aya ka talintooda . 

8.Argtida Golaha ee Xalka Somaaliya 

Goluhu wuxuu u arkaa in dalka somaaliyeed uu soo maray dagaalo sokeeye oo baabi,iyey dhamaan noloshii bulshada somaaliyeed kuwaaso loo dagalamay ilaa heer jufo laakiin ugu dabeyntii looga heshiiyey shirar ka dhacay gudaha iyo dibadaba heshiisyadaas oo suura geliyey inuu dhamaado dagaal qabiileed isla markaana suura geliyey in shacabka somaaliyeed meel uu joogaba uusan kala xirneyn oo uu wadaago ganacsiga kala duwan ayadoon laheleynin qof loo dilayo qabiil dartiis  

Goluhu wuxuu u arkaa dagaalada iyo ismaan dhaafka maanta jira inuu yahay mid siyaasadeed oo laysku haysto awoodda hogaaminta dalka .sidaa darted golaha dhaqanka & midnimada hawiye wuxuu u arkaa in xalka somaaliya ku imaan karo sida soo socota : 

1.in lahelo xabad joojin heer somaaliyeed lagana gudbo gacan ka hadalka loona gudbo af ka hadal

2.in laqabto shirwyne dibu heshiisiin somaaliyeed oo miro dhal ah si loo helo nidaam dowladeed oo loo dhan yahay wuxuuna ku hirgeli karaa sida soo socota:   

A.in ay shirkaan ka soo qayb galaan dhinacyada siyaasada dalka is ku haya sida dowlada fadaraalka ,maxkamadaha ,barlamaanka xorta , siyaasiinta joogta gudaha iyo dibada,  aqoonyahanada gudaha iyo dibada, dhaqanka somaaliyeedna uu dhexdhaad ka noqdo.  

B.in shirka lagu qabto meel amaan ah oo dhexdhaad ah oo suuragelineysa in ay shirka ka soo qayb galaan qaybaha aan kor ku soo xusnay   

C.in shirkaan looga hadlo awood qaybsi siyaasadeed oo sax ah taaso suura gelineysa in la helo nadaam dowaladeed oo laga raali yahay dalkana ku soo celiya amaankii iyo kala dabeyntii  

3. in beesha caalamku dhexdhaad ka noqoto arimaha soomaliya meelna uga soo wada jeestaan  

4.golaha dhaqanku wuxuu beesha caalamaka u soo jeedinayaa in ay qaataan talooyinkaan wanaagsan oo aan u aragno in lagu soo af jari karo dhibaatooyinka ka taagan dalka somaaliyeed  

*.Gabagabadii golaha dhaqanka & midnimada hawiye wuxuu balan qadayaa asagoo kaashanaya dhaqanka kale ee somaaliyeed in uu beesha caalamka kala shaqeeyo isu keenista qaybaha siyaasada ee dalka isku haya iyo qabsoomidda shirkaan .

                                        Wabilaahi towfiiq

                                                       

            Gudoomiyaha Golaga Dhaqanka & midnimada hawiye

                                         

                                            Maxamed Xasan Xaad