maqaalkan uma jeedo meel dhaw iyo mid fog midna  wuxuu diiradda saarayaa dhacdooyin ka dhacay guda somalia  gaar ahaan koonfurta maalin cad ama gudcurka garbihiisa iyadoo lagu duulayo  dhacdo kasta oo ka dhacday geeska afrika waxay samaynaysaa Filim masraxiyadeed dhiiladiisa xanbaarsan   waxa naga qarsoon ayaase ka wayn

ragga wararka gooba ayaa maalin iyo habayn u taagan inay soo  gudbiyaan xaqiiqada dhabta ah  kuwa la gatayna waxay u taagan yihiin habayn iyo maalinba sidii ay u curyaamin lahaayeen hawlaha saxafiga sharafta ka xigsaday inuu dano gaara u adeego  mararka qaarkood waxaa dhaca  in nafta lagula gor gortamo waxaa dhaca in xabsi loo taxaabo in la jir dilo in naftaba laga jaro

waxaan maqaalkaygan ku furayaa geed aan har lahayn ciridna lahayn xili ay  colaad tahay dagaalna  uusan taagnayn waxaana is waydiinayaa sababta?

haddiiba au jirto muxuu Taliska nabad suggida qaranka aan hadalkiisa u maqalnaa marka uu u hanjabayo warfidiyeen gudanaya hawshiisa shaqo ama uu  al baabada isugu dhufanayo xarun war faafineed oo  madax banaan

maxaan u arki lanahay iyagoo  la dagaalamaya danbiilayaasha laynaya inta ka dhaqaaqda shacabka haddii aysanba ayagu ahayn kuwa falalkaas waxashnimada ah gaysanaya

magaalda muqdisho waxay isu  rogtay  cadaab lagu shido dhiigga shacabka waa janno ay ku raaxaystaan dadka jecel inay wax laayaan Dagaal oogayaasha iyo kuwa  dib usocka nagu kalifay iyagoo ka shaqaynaya dano ay dadkale leeyihiin

waxaan ku kaxaynay  gaarigaan wadanay khadka cagaaran ee kala qaybiya magaalda xamar  maahan khad jira  ee waa wax mala awaal ah  kuse tusaysa xaqiiqada ah in  meeshii nalal doonayay aan gaarnay in caasimaddii ummadda soomaaliyeed aanay dadku si xor ah isugu kala socon karin

Ithopia iyo Kenya waxay  si  habaysan uga shaqaynayaan siday uga sii sicon lahaayeen dagaalada aan ujeedka lahayn gudaha somalia waxay ku abuuraan jawaasiis kuwa damiirkooda  la gato

waxaan ka masaxayaa ciida dhabankooda dhamaan warfidiyeenka soomaaliya kuwaasoo naftooda ku waayay  dhagarta jawaasiista iyo calooshood u shaqaystayaasha  waa dagaal lagu hayo dhamaan dadka u hadlaya dadka ku dulman guud ahaan dhulka soomaalida

waxaa la igu xiray xabsiga dhexe ee magaalada xamar waxaa la igu eedeeyay inaan ka soo  hor jeedo  dawladda itoobiya qoraaladaydana ay yihiin kuwo wax u dhimaya xariirka ka dhexeeya labada dawladood ee saaxiibka ah! Somalia iyo Ithopia !!

waxaa saaxiib ah labada maamul  itobiya iyo dagaal oogayaasha  is magacaabay waxay ku  heshiiyeen xasuuqa shacabka soomaaliyeed marna ma aragno  hal shaqsi oo ka xanuun sanaya gumaadka ka dhacaya  gudaha somalia  kaliya waxay canbaareeyaan maxadda somalida marka mid laga qado xil  uu u hayay kooxda is magacawda markaas ayuu bilaabaa inuu ka hadlo  warbaahinta isagoo ku hadlaya erayo beer laxawsi ah

shalaywaxa uu ahaa kuwii  ugu cad cadaa soo dhawaynta ciidanka Itoobiya maantana waxa uu hor boodayaa kuwii  diidanaa imaanshaha  itoobiya gudaha somalia  miyaysan nala gudboonayan inaan akhrino sadarada dhexdooda kana eegno xaqiiqada miyayna ahayn dhagarta jawaasiista

kusoo  dhawaada xuquuq dhuntay iyo mid kale oo  dhumaysa kusoo dhawaada masiir aan la ogayn meesha uu ku dhaman doono  kusoo dhawaada dad badan oo  wata magac magac, diin, luuqad, jinsiyad,dhamaantood dulsaar ah  kuwaa soo mudo badan kusoo dhex jiray siyaasada soomaaliya loona yaqaan soomaalinimo hasa ahaatee ay xaqiiqadu ka gadisan tahay    dhagarta  jawaasiista nabad iyo colaadba waxay u taagan tahay  sidii ay u  curyaamin lahayd  shucuubta dunida sadexaad

dilka loo gaystay warfideeynka magaalda muqdisho   kama foga dhaqan xumada iyo arxan darida jawaasiista  waa kuwa shacabka soomaaliyeed ka curyaamiyay wax walba oo  horu mar ah  tacliin iyo tacaba  saxaafadu waa hoggaanka horumarka dhabaha wariyaha somaliya maanta waxaa ku goglan dhibaatooyin kuwa ugu daran 

aadam hassan abdirahman

aaden17@hotmail.com

Afeef: Aragtida qoraalkan waxaa leh qoraaga ku saxiixan