JAWAAB KU SOCOTA CABDIWAAXID
Alle ayaa mahad leh,
tan xigta waxaan jeclahay inaan in yar
ka dhaho hadal warbixin u qoray ninka cabdiwaxid la dhaho kuna saabsan
shirkad uu sheegay HAFZA in la dhaho oo lagu wareerjiyey 99 sano mud ah
inay lahaato marinka Xafuun,
walaalkey marka hore waxaan leeyahay
shay inta uusan qofku qorin waxay ku fiican tahay in uu hubiyo in ay
jirto iyo inaysan jirin, arinta isagu siduu u sheegay waa in marinka
Xafuun shirkadaasi ka dhigto dhul dalxiis ayna iyadu maamulayso mudo aad
u dheer, hadii arintaan la raaco oo sidaas ay tahay anigu waxaan is
leeyahay aduunkaan wadamo iyo quruumo kala duwan ayaa ku nool waxa laga
aamini karaa in ay tahay arin la soo dhowyn karo waayo waxa asaas u ah
horumar iyo hagaajin ilo dadku ka heli karaan dhaqaale iyo dhisme wadan,
aniguse waxan qabaa inaysan jirinba waayo dhul rajadiisu fiicantahay oo
dadka degan lagu kalsoonaan karo ayaa hawsha intas le'eg laga qabsan
karaa.
Somalida waxa laga aaminsanyahay inay
tahay dad aan wax qabsan karin, malaa yacnigana ka hela, marka dad
sidaan ah in dad ajinebi ahi dhulkooda maal gashadaan ma suurowdo, anigu
waxaan ku noolahay hada wadanka Kenya, waxa jira dad Soomaali ah oo
guryo wadanka ka dhistay guryahaas dhulka ay ka dhisan yihiin waxaa iska
leh dad Kenyan ah waxana heshiisyo lagula galay in ay lahaanayaan mudo
50 - 60 sano u dhaxayso, ninkii iska lahaa dhulkaas muxuu sugayaa?,
wuxuu sugayaa 50 sano kadib in dhismihii isagu yeesho yaa nool yaa
dhintay, wuxuu xeerinayaa in uu isagu yahay ninkii dhulka u hari lahaa
oo wax kasta oo la gesho ay isaga u noqon doonaan ma guurtadiisii, marka
inaga ma inaga suurtowdaa inaan dhahno shirkad ama qof ajinebi ah
dhulkaan anaa leh ee maal gasho oo mudo heshiis aan kala qorano, waa
maya? markiiba waxaa dood la soo boodaya dad badan oo ku hal qabsanaya
waa la boobay dhulkii Soomaalida sida Cabdiwaaxid oo kale, miyuusan
ogeyn cabdiwaaxid in dhulkan Soomaalidu leedahay asal iyo mustaqbalba,
dadkaan leh dhulkii SOomaalida ayaa la qaadanayaa waa reerkee reerka
dhul laga qaadayaa maanta, inagiibaaba aan isu ogeleyn inaan wada
noolaanee maxay dad martiyihi inaga soo doonayaan, marka waxba yaanan
hadalkayga sii dheereyne iska dhaafa dacaayadan riqiiska ah oo aan
meelna wax geyney.
Hadii sida loo shegayaa ay tahay oo
HAFZA jirto runtii waa arin ku dayosho mudan cid kastoo maal gashi ku
samaysanaysa dhulka SOomaalidana waa in la garab istaago oo la
soodhoweeyo, heshiis kasta oo la galo waa waxa aduunku ku degan yahay,
99 sano heshiisyo ah hada waxa jira kii Bosnia iyo Croatia ay ku wada
galeen qarnigii tegey dhamaadkiisii oo ahayd in ay isticmaasho Bosnia
dekeda ay leeyihiin Croatku mudo dhan 99 sano, ogow waa dad col ahaa
Croatku ma dhihin maxaa dhulkayaga loo bixiyey ee way soo dhoweeyeen
waxayna u arkeen in ay heli donaan fursado badan oo ganacsi iyo maal
gashi isugu jira, marka walaalayaal ma xuma in dhulka la difaaco oo
sharaftiisa la ilaaliyo ee maanta sida dhulku yahay maalina kama liito
waa qorfe aan jid lahayn, hadii aad timaado waad ka naxaysaa adigoo
weliba maankaaga ay gelayso in dhulkaagii hooyo ka haray aduunka intiisa
kale, markaad aragto dadku siday ku noolyihiin qofkii damiir lihi wuu
xanuunsanayaa diifta iyo rafaadka ka muuqata hooyooyinkeena iyo
ubadkeena iskaba daa cid kalee, marka iyadoo aan cidna lagu xumaynayn
cidna lagu fogeynayn aan iska dhaafno wax aan dux iyo nuxur inoo lahayn.
waxaan qormadaydaan ku soo
gabagabaynayaa walaalkay cabdiwaaxid iyo kuwa sidaas oo kale ula fekera
inaysan wax dan ah ahayn in inagoo aduunkiiba ka harnay hadana faquuqid
aan bilowna iyo in la naco dadka marti inagu noqon lahaa,
wabilaahi Towfiiq
Kayse Hasan
Nairobi Kenya
kayse25@hotmail.com
Daabaco
Boggan | Print
