Yaa
Yiri Xafuun waa la boobey?
Salaan
kadib
Hordhac:-
"Guri
ka gado mashaaricda Dubai oo gacanta ku dhig heshiis 99 sano hanti
xora iyo ciqaamad intaa jirta".Waa siyaasada cusub ee xukuumada
Dubai shaaca ka qaadey ilaa 2000.Taas oo lagu doonaayo in lugu soo
ugaarsado maalgelin ajnebi. Siyaasadani maha mid maanta ku dhalatey
xukuumada Dubai sida ey ku soo qoreen jornaalada khubarada faaleeysa
arrimaha dhaqaalaha aduunka ee waa mid illaa muddo la darsaayey oo
laga biya keeney.Siyaasadan waxey Dubai ka hormarisey dhamaan
dalalka beriga dhexe(Middle east countries)xagga dhaqaalaha,
horumarka teknolojiga, dalxiiska, baayac mushtariga iyo mashaaricda
saldhiga hoose sida korontada, dariiqyada, isgaarsiinta iwm.
Siyaasadan dhaqaale ee cilmiyeysan ayaa ku qasabtey maanta dhamaan
Emaardka kale oo markii hore -aad u diidana dhulka in ajnabi laga
gado sida Abudhabi, Shaarjah, Ajmaan , Rasalkheema in ey ku deydaan
Dubai si ey u gaaran hormarkan layaabka leh.Sido kale waxaa u feytey
kudayashadaa Dubai, dalalka deriska ah sida Qatar, Bahrain iyo
Oman.
Aduunkan maanta la joogo maaha kii hore ee 20 ama 40 sano ka hor
jirey. Maanta Dhaqaaluu ku dhisan yahey ninwalba wuxuu ku dedaalaya
sidii dhaqaalihiisu hor u mari lahaa hadey tahy dawlado, shirkado
iyo bulsho.wuxuuna ku dedaalaya sidii loo debcin lahaa qawaaninta
iyo carqaladaha hortaagan soo jiidka rasalmaalka ajnebi iyo
dabayaaciisa sida teknolojiga, aqoonta iyo farsamada.Halkan ka
akhriso diraasadi ugu danbeysi iyo talooyin lagu dhiiri geleinayo
dawladah khaliijka sidii ey u debcin lahaayeen qawaaninta hortaagan
dhiri gelinta qulqulka maalgelinta shisheeye.
http://www.alkhaleej.ae/eco/show_article.cfm?val=144451.
Ujeedo:-
Hordhacaa Dubai waa tusaale aan
rabo in aa ku baraarujiyo "walaalahan" ka soo hor jeeda mashruuca
HAFZA.HAFZA iyo wixii la middah -oo dalka ka hirgeli kara- midna ma
iibsan karo Dalka soomaaliyeed sida gawaarida ee waxa meesha ka
socdaa waa sida aduunku maanta ugu dhaqmo maal gelinta
shisheeye.Waana heshiis ku sal leh qawaaniin nin walba u indha furan
yahy.Shirkadaha Aduunka wareega oo ila dhaqalle baadi doonaya sida
HAFZA iwm kuma jirto ajendehooda dal dad leeyehy gatta oo lahaada
ilaa qiyaamaha ee waxa meesha taalla muddo ka faa`ideyso kadibna
iska dhiib ama heshiis cusub.Sida darteed ayaa aduunku maanta ugu
dhaqmaya heshiiska (GATT-general Agreement on Tariff and Trade
1947-1997).
Waxaan
Jeclaan lahaa walaalaha diidan in ey cudud aqoon "Professionalism"
ku duraan heshiiskeeda HAFZA iyo xukuumada Puntland Dhex mary.wixii
daldalool ku jira heshiiskaa in ey farta ku fiiqaan oo ku mujiyaan
aqoon iyo cilmi iyo wixii uu caaqiba xumo la imaan karo
mustaqbalka.Laakin shirkad ba dawlad dal ka dheceesa waa arrin
caqligu diidayo lamana maqlin.
Doodahan isdaba jooga ah oo lagu diidan yahy mashruuca HAFZA waxey
ku saleysan yihiin dhulkii ba laboobey.Waa suaale, Dubai,qatar,oman,
Singapore miya iyadana laboobey?.
Hadii jawaabtu noqoto maya waana
sida aan filaayo dee marka ninka diidaya waa "Cadow ama ku cuny ama
ku ciideyey" waa qof ka soo horjeeda Puntland iyo horumarkeeda gaar
ahaan iyo Somalia caam ahaan.Hadi kale se, waxaan oran laha asaagiin
la tartama oo ku dedaala sidaad siyaasad sidaa dhaanta u soo
bandhigi laheydeen hadaad haysaan.Siyaasad ilo dhaqaale keenta oo
midha dhalisa iyo faaidoo guud laakin dhulkii baa laboobey waa mid
aan somaali maanta idiinka fadhiyin khaasatan wakhtigan maanta la
joogo oo miyi iyo magaaloba ilbax iyo ila dhaqaale lawada
raadinaayo.
Gabagabe:-
Waxaan
jeclaan laha in aqonyahnnaada somaaliyeed gaar ahaan kuwa ku
takhasusay dhaqaalha iyo qawaaninta aduunka in arintan ey ka
muujiyaan ra`yigooda,oo aan loo dhaafin doodaha dad aan kala sooci
kareyn boobka iyo dhaqaalaha.
Wa
billahi tacaala altowfiiq.....
A.M.Abdulla
Dubai. UAE
Chango_58@hotmail.com ama
a_abdulla@thuraya.com
Faafin: SomaliTalk.com |
Feb 22, 2005
Daabaco
Boggan | Print
