|
Qofkii 18aad ee Soomaali ah oo lagu dilo K/Afrika
Ahmed Dowlo |
dawlo@hotmail.com
Johannesburg, South Africa |
Agoosto 6, 2002
Deeqa Ibraahim Cawad (Allaha u naxariistee) oo 26 jir ah kuna dhalatay
magaalada Xamar ee dalka Soomaaliya waxay u ahayd habeen caadi ah intii ayna
niman ilaa hadda loo malaynayo budhcad ayna soo weerarin gurigeeda oo ku yaala
xaafada Mayfair ee magaalada Johannesburg habeenkii Axada ee bisha August ay
ahayd 4.
Deeqa waxay ahayd umul haysata wiil jira inka yar 4 asbuuc oo dhashay 7 July
2002. Habeenimadaas ayaa ninka Deeqa oo ah ganacsade la yidhaahdo Garaad Cali
Axmed oo 1960 kii ku dhashay Luuq-Gannaane uu albaabka ka furay sida uu sheegay
niman laba ah oo isugu sheegay inay fariin uga wadaan qof uu ganacsi ka
dhexeeyay oo “Malawian” ah, kadibna ay tacshiirad saareen qoyska. Deeqa
waxaa madaxa kaga dhacay laba xabadood oo ayna naf la dhul dhicin, saygeedana (Garaade)
waxaa qaarka sare kaga yaala 3 xabadood. Waxaa Garaad lagu dawaynayaa isbitaalka
la yidhaahdo Helen Joseph ee magaalada Johannesburg.
Nimankan oo sida muuqata soo dabaray iqtiyaalkan ayaa isticmaalayay qalabka
aamusiiya rasaasta.
Garaad iyo xaaskiisa Deeqa waxay labadii sano ee la soo dhaafay deganaayeen
Johanensburg ayaga oo ka soo kicitimay dalka Holland oo deganayaen mudo 19 sano
ah ayna jinsiyadiisa haystaan.
Sida u diiwaan gashan ururka Jaaliyada Soomalida ee loo yaqaano (SASA) dilkan
Deeqaad wuxuu ka dhigayaa tirada Soomaalida lagu dilay Koonfur Afrika 18 qof.
Kuma koobna dilku Soomaalida oo kaliya ee waa dhibaato haysta dalka oo dhan.
Wadanka K/A wuxuu ka mid yahay wadamada aduunka ugu danbiyada badan waxaana lagu
tilmaamaa inuu yahay kuma ugu dilka iyo dhaca badan marka laga reebo wadamada
“ku jira xaaladaha dagaal; sida Soomaaliya oo kale”.
Tusaale ahaan 9 kii bilood ee u horeysay sanadkii ina dhaafay ee 2001, tirakoob ay booliisku ka qaadeen 1130 booliis istayshin oo ku yaala wadanka K/Afrika oo dhan waxay sheegeen in mudadaas 9ka bilood ah lagu dilay wadanka dad gaadhaya 15 054 qof. Waxbixintan oo aan ka soo xigtay wasaarada bad-baadada dadweynahu waxay u kala qaaday danbiyada waawyen ee wadanka ka dhacay sidatan:
|
Nooca Danbiga |
Kiiska oo dhacay : JAN - SEP 2001 |
% boqolkiiba |
|
Qudh-gooye |
15 054 |
0.8 |
|
Isku day Qudh-gooyo |
21 207 |
1.1 |
|
Dhac Hubaysan |
87 610 |
4.8 |
|
Kufsi |
37 711 |
2.0 |
|
Jaraaxo Dhiig ku daatay |
188 961 |
10.2 |
|
Jaraaxo Caadi ah |
182 110 |
9.9 |
|
Guri Jabsi |
223 045 |
12.1 |
|
Dukaan Jabsi |
67 279 |
3.6 |
|
Dhac Caadi ah |
65 766 |
3.6 |
|
Xatooyo (dukaan oo kale) |
49 661 |
2.7 |
|
Xatooyo (dukaan oo kale) |
49 661 |
2.7 |
|
Xatooyo Baabuur |
74 281 |
4.0 |
Booliisku waxay rumaysan yihiin in tirada danbiyada aan la soo
wargalinin xarumahoodu ay aad u badan yihiin ayna suurta gal tahay inay intaasi
ka badan yihiin.
Deeqa oo lala sugayo inay hooyadeed ka timaado Amsterdam, Holland waxaa la
aasi doonaa insha Allaah maalmahan fooda inagu soo haya.
Ahmed Dowlo
dawlo@hotmail.com
Johannesburg, South Africa
FAAFIN:
SOMALITALK.COM | Agoosto 5, 2002
WARBIXINTII LABAAD EE WARKA K/AFRIKA
DAD SOMALIYED OO LAGU LAAYEY DALKA SOUTH AFRICA
(Caqiil Sh. Yuusuf
)
Xaqiiqada
Qarsoon Soomaalida Koonfur Afrika
WARARKii
July» GUJI
»
June | MAY
APRIL |
MARCH | FEBRAAYO |
Janaury 2002
| Wararkii
1999-2001
Help The Fight Against Spam!
| 
